Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:39 - Vengo (Babungo)

³⁹ Yeso gi laa, «Mə nə jwì mbi nyə̀ maa məgaasə vɨɨ, laa vɨɨ faŋ vəŋ kee yɨyenə me, yenə; vɨɨ faŋ vəŋ yɨyenə, sɨ vəŋ fɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:39 ပူးပေါင်းရင်းမြစ်များ

Matiu 11:5

laa vɨɨ sɨ fɨsə yɨyenə; vɨɨ faŋ yiŋwaa yivəŋ kìlə, tɨtoꞌ; zatə bwə me fɨ maa vɨɨ; vɨɨ tuulə shiilə zɔnə; vəŋku vənsisə ywey; vɨ fɨꞌtə ntɔŋ yijəə Nwi tɨ́ vɨɨ ŋɨꞌ.

Matiu 15:14

Viŋ meꞌtə vəŋ nɨnɔŋ; vəŋ lùu yaa vɨɨ sɨ fɨsə faŋ vəŋ kəə də̀ jɨɨ tɨ́ vɨɨ sɨ fɨsə vəmɔ́ꞌ. Luu nə, wuu sɨ fɨsə kɨ luu də̀ jɨɨ tɨ́ wuu sɨ fɨsə, buu vəŋ vənshə taa fiŋkə taa yibɨɨ.»

Matiu 6:23

Luu nə, yisɨ yə bɨ, buu ŋwaa wə nshə taa luu nə mfiŋsə. Kɨ luu kiꞌ wə ndɨɨnə, buu fwi yə taa fəŋ laa shiŋ.

Lukas 1:79

kɨ bee maa vɨɨ faŋ vəŋ dùꞌ taa shəŋ mfiŋsə, faŋ ndɨŋ yiku gù shɔ. Ŋwə baa luu kiasə ghuu yitoꞌ kaŋ-nsiŋ maa jɨɨ mənɔŋ-bwaŋnə.»

Lukas 13:30

Viŋ kɔꞌ kɨɨ laa vɨɨ yiba shɔ, faŋ vəŋ ndɔ luu vɨɨ vɨsɨ. Vɨɨ vɨsɨ shɔ, faŋ vəŋ ndɔ luu vɨɨ yiba.»

Lukas 2:34

Saymon tu mənɔŋ-bwaŋnə maa vəŋ, gì tɨ́ Meri, nshu wee ghɔ́ laa, «Ye mɔɔ, Nwi nùŋ wee ŋwə̀ laa vɨɨ vəyaŋ fɨ taa ŋwaa vɨɨ Isirayl ndɔ ndi buꞌ faŋ vəŋ kee nuŋ fwi vəŋ maa ŋwə me, vəmɔ́ꞌ ndɔ bwey buꞌ ŋwə. Ŋwə ndɔ luu shwenə fɨ ghɔ Nwi, faŋ vɨɨ vəyaŋ taa kɨ twey ŋwə.

Lukas 4:18

«Zwitə Nwi maa mə, buꞌ laa ŋwə nə yòꞌ mə nə məŋgwə, laa mə kɨ fɨꞌtə ntɔŋ yijəə tɨ́ vɨɨ ŋɨꞌ. Ŋwə nə baa tɔ̀ŋ mə laa mə kɨ fɨꞌtə tɨ́ vəbuꞌ və yighaw, laa vəŋ kuunə nə ŋwaa vəŋ, baa nə laa mə gì tɨ́ vɨɨ sɨ fɨsə, laa vəŋ yenə, baa nə laa mə fuusə vɨɨ faŋ vɨ nəə fiitə vəŋ nsi, laa vəŋ gə duꞌ tɔ vəŋ,

Lukas 7:21

Maa yighee yɔ́ faŋ vɨɨ ntɔŋ vɔ́ nə jwi yɨ Yeso nə, ŋwə nə shùꞌ vɨɨ vəyaŋ fɨ maa vəza, nə fɨ maa ŋɨꞌ, nə fɨ maa vəzwitə vəbwəvə, gàŋtə vɨɨ sɨ fɨsə vəyaŋ, yɨ̀sə vəŋ yenə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:31

Yighee kuꞌ faŋ Nwi taa sɔꞌ nsɔꞌsə vɨɨ taa mbi nyə̀. Yighee kuꞌ faŋ vɨ taa jɔŋ tɨɨ mbi, Satan, fɨ taa mbi nyə̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:17

Nwi nə kee tɔ̀ŋ ŋwiŋ wi shɨ nsi, laa ŋwə ndisə vɨɨ shɨ nsi me. Ŋwə nə tɔ̀ŋ ŋwiŋ wi maa məbweysə vɨɨ, laa vɨɨ bwey buꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:19

Məley nə jwi shɨ nsi, luu nə, vɨɨ kaw mfiŋsə shɔ̀ɔ məley ghɔ́. Ŋiꞌ nsɔꞌ Nwi lùu laa vɨɨ kàw mfiŋsə shɔ̀ɔ məley ghɔ́, yɨsə sheꞌ vənu vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:15

Viŋ shia nsɔꞌ wə faŋ viŋ ye sheꞌ ŋkɨꞌnə yi nə sɨ. Gə̀ fɨ maa mə, mə kee shia nsɔꞌ wə tuu muꞌ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:25

Wə ghɔ́ gì laa, «Ŋwə lùu wuu bwə mu, mu lùu wuu jəə? Mə kee kɨɨ me. Mə kɨɨ sheꞌ nu kəmuꞌ laa, sɨ ŋaa nə fɨ̀, luu ndwə, mə ye vədɨꞌ.»

Akts 26:18

Mə taa tɔŋ ghɔ tɨ́ vɨɨ tɔmə day laa a taa ŋaꞌsə sɨ vəŋ, vəŋ fuu fɨ taa mfiŋsə, ŋìi taa məley Nwi. A fuusə vəŋ fɨ ghɔ wutə zwitə bwə, kwaŋ vəŋ taa wutə Nwi, laa məbiŋ vəŋ yɨsə vənu vəbwəvə vəŋ ndi, vəŋ ndɔ fi shəŋ vəŋ taa ŋwaa vaŋ ley Nwi, faŋ vəŋ nùŋ fwisə vəŋ maa mə.»

2 Kɔrintian 2:16

Tɨ́ vɨɨ mɔ́ꞌ lumə kia kɔ́ luu lumə yiku, faŋ ŋkə yɨsə vəŋ kukə. Tɨ́ vɨɨ mɔ́ꞌ, lùu lumə məbwey, faŋ ŋkə kɔ məbwey vəlwaŋ tɨ́ vəŋ. Sii kùꞌnə ndə maa faꞌ Nwi ghɔ́?

Efesɔs 5:14

Luu sheꞌ faŋ vɨ gi laa, «Yenə mɔɔ, wuu mbweysə, ndɔ fɨ shɨ yiku, buu Kristo taa kɔ məley tɨ́ ghɔ.»

2 Tesalonika 2:10

Ŋwə ndɔ bweꞌsə vɨɨ nə taŋ vənu vədayday vənshə faŋ mbə kee lùu vəloomə me, bwèꞌsə vɨɨ mbɨə faŋ vəŋ nə kee kàw nu yinsəŋ me, tɨ́ kaꞌ Nwi bwèysə vəŋ me. Vəŋ ndɔ ndi vənshə.

1 Pita 2:9

Gə̀ fɨ maa viŋ, viŋ lùu way vɨɨ faŋ Nwi nə shòꞌ, lùu vɨɨ vəkɔ vi, ŋgwisə yiley. Viŋ lùu vɨɨ Nwi faŋ Nwi nə shòꞌ laa lùu vɨɨ yifwàŋ vi, baa nə laa viŋ sàynə vənu və shuu yɔŋvə Nwi. Ŋwə nə tìi viŋ fɨ taa mfiŋsə, laa viŋ ŋii taa ŋgwii məley.

1 Jɔn 2:11

Gə fɨ maa wə ntɨə faŋ ŋwə bee weenshu wi, ŋwə lùu taa mfiŋsə, toꞌ yitoꞌ yi sheꞌ taa mfiŋsə, kee kɨɨ nə shəŋ ŋkɨə faŋ ŋwə gə shɔ me, buꞌ laa mfiŋsə mɔ̀ꞌ sɨ fɨsə maa sɨ ghi.