Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:56 - Vengo (Babungo)

⁵⁶ Tii wiŋ Abraham nə kɨ̀ꞌ maa məye shi məbi kaŋ nə məŋaytə. Ŋwə nə ye, ŋàytə ŋkee dɨdɨꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:56 ပူးပေါင်းရင်းမြစ်များ

Matiu 13:17

Viŋ zɔ! Mə gi ŋkee nu yinsəŋ tɨ́ viŋ laa nshiisə-ŋii sɔghɔ vəyaŋ ghɔ vɨ vɨɨ mbɨə faŋ vənu vəvəŋ nə luu vəloomə, nə kìi fwi maa məye nu ŋkɨə faŋ viŋ ye, kee ye me, baa kìi fwi maa məzɔ nu ŋkɨə faŋ viŋ zɔ, kee zɔ me.»

Lukas 10:24

Yinsəŋ, mə naysə tɨ́ viŋ laa nshiisə-ŋii sɔghɔ ghɔ vəfwàŋ vəyaŋ nəə kəə maa məye nu ŋkɨə faŋ viŋ ye, kee bee ye me. Vəŋ baa kə̀ə maa məzɔ nu ŋkɨə faŋ viŋ zɔ, kee zɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:25

Yeso bəŋsə tɨ́ vəŋ laa, «Mə duꞌtə mə naysə wə ntɨə faŋ mə lùu tɨ́ viŋ. Luu nə, viŋ kee bìŋ yigisə nyaa me. Vənu mbɨə faŋ mə yɨsə maa yizii Tii ŋwaa, mbə dəsə wə ntɨə faŋ mə lùu tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:37

Mə kɔꞌ kɨɨ laa viŋ lùu vɨɨ yikuu Abraham. Luu nə, viŋ mèꞌtə kɨ toꞌ kəə jɨɨ zwi mə, buꞌ laa viŋ kee bìŋ yigisə nyaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:39

Vəŋ bəŋsə tɨ́ ŋwə laa, tɨɨ vəŋ lùu Abraham. Yeso gi tɨ́ vəŋ laa, «Nii lùu laa viŋ lùu vaŋ Abraham, buu viŋ kɨ yɨ nu ŋkɨə faŋ Abraham nəə yɨ.

Hibru 11:13

Vɨɨ ywaŋ-vɨsɨ vɔ́ vənshə nə nùŋ fwisə vəŋ maa Nwi, gə ziꞌ maa shi yiku vəŋ. Vənu mbɨə faŋ Nwi nə kɔ̀ꞌnə maa məkɔ tɨ́ vəŋ, nə kee ziꞌ ghɔ vəŋ me. Vəŋ nə yè vənu vɔ́ sheꞌ fɨ ntaŋ, ŋàytə shɔ, biŋ ntee laa vəŋ luu sheꞌ vəndɔ shɨ nsi nyə̀.

Hibru 11:39

Vɨɨ vɔ́ vənshə nə yɨsə fwi Nwi baw, buꞌ laa vəŋ nə nùŋ fwisə vəŋ maa Nwi. Luu nə, vəŋ nə kee ta yè nu ŋkɨə faŋ Nwi nə kɔ̀ꞌnə maa məkɔ tɨ́ vɨɨ nə me.