Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:51 - Vengo (Babungo)

⁵¹ Viŋ zɔ! Mə naysə tɨ́ viŋ yinsəŋ laa, kɨ luu wə biŋ, nùŋsə yigisə nyaa, buu ŋwə ndɔ goꞌsə yighee muꞌ, kee ku me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:51 ပူးပေါင်းရင်းမြစ်များ

Matiu 16:28

Viŋ zɔ! Mə naysə ŋkee nu yinsəŋ tɨ́ viŋ laa vɨɨ lùu shɔ taa ŋwaa vɨɨ və̀ faŋ vəŋ dùꞌ feenə nə, faŋ vəŋ kee ndɔ ku me, buu ye Wuu yinsəŋ Nwi faŋ ŋwə jwi nə nu yifwàŋ fɨ yizɔ.»

Lukas 2:26

Zwitə Nwi nə duꞌtə ŋkə gi tɨ́ ŋwə laa, ŋwə ndɔ ye wuu ŋkɔꞌnə Nwi ghɔ́ ŋkəə, buu yiku ndi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:23

Yeso gi tɨ́ ŋwə laa, «Wə ntɨə faŋ ŋwə kaw mə, ŋwə taa kɨ nuŋsə yigisə nyaa nɨzi, Tii ŋwaa taa kaw ŋwə, yia Tii ŋwaa taa kɨ shi yia vɨ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:20

Viŋ lumə nu ŋkɨə faŋ mə nii gì tɨ́ viŋ laa, wuu faꞌ kee shɔ̀ɔ tii wi me. Vɨ nə shòꞌ ghuu ŋaa, vɨ taa kɨ shoꞌ ghuu ghiŋ nɨzi. Faŋ vɨ nə jìa nu kaŋ, buu vɨ taa jia nu kiŋ nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:6

Mə nə lèsə ŋiꞌ yizii yə tɨ́ vɨɨ mbɨə faŋ a nə ndì vəŋ fɨ taa mbi nyə̀, kɔ̀ tɨ́ mə nə. Vɨɨ vɔ́ nə luu vɨɨ və, a kɔ vəŋ shee, vəŋ jia nu kə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:50

Gə̀ fɨ maa fazɨ yinsəŋ kɔ́ faŋ ŋkə ndɔ̀ fɨ yizɔ nə, wə tɨ̀ me wə faŋ ŋwə zɨ fazɨ kɔ́, kee ndɔ baa ku me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12

Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:52

Vɨɨ Jus vɔ́ gi tɨ́ ŋwə laa, «Buꞌ yigisə yə, yia yè yinsəŋ laa zwitə bwə lùu taa ŋwaa ghɔ. Ŋkee fɨshi Abraham nə ku, nshiisə-ŋii sɔghɔ nə kùkə nɨzi. Sii yɨ̀ kə buu a gi laa wə kɨ luu biŋ yigisə yə, buu ŋwə kee ndɔ ku me?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:55

faŋ viŋ kee bee kɨɨ nə ŋwə me. Kɨɨ sheꞌ mə nə ŋwə. Mə nii toꞌ gì laa mə kee kɨɨ nə ŋwə me, buu mə sɨ̀ɨ ba, buu mə luu sheꞌ yaa viŋ vɨɨ təba. Luu nə, mə naysə tɨ́ viŋ laa mə kɨɨ nə ŋwə. Mə baa zɔnə ŋwə, nuŋsə yigisə yi.

Hibru 11:5

Gə fɨ maa Enok, ŋwə nə nùŋ fwi yi maa Nwi, buu Nwi shaꞌsə ŋwə, kòꞌ nə ŋwə yizɔ, tɨ́ kaꞌ ŋwə kee ku me. Maa yighee yɔ́ wə kee baa yè ŋwə me, buꞌ laa Nwi nə ndi ŋwə, kòꞌ nə ŋwə yizɔ. Vɨ nyɔ̀ꞌ taa ŋwaꞌlə Nwi buꞌ ŋwə laa, «Too Nwi nə bàw maa ŋwə maa yighee njyə faŋ ŋwə nə luu taa mbi, buu vɨ koꞌ nə ŋwə yizɔ.»

Hibru 2:9

Nsiŋ kɔꞌ kɨɨ nə Yeso faŋ Nwi nə yɨ̀sə nshiisə-ŋiisə Nwi luu vɨsɨ fɨ ghɔ ŋwə maa kuŋtə yighee, faŋ ŋwə nə yè ŋɨꞌ ku, buu Nwi kɔ yifwàŋ nə feenə tɨ́ ŋwə nə. Nɨniŋ nə, ŋwə nə kù tɔ vɨɨ vənshə, buꞌ faŋ Nwi nə kèe gəŋsə vɨɨ nə.