Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:48 - Vengo (Babungo)

⁴⁸ Vɨɨ kwalə vɨɨ Jus vɔ́ bitə tɨ́ Yeso laa, «Maa yia gì nu bɔŋsə laa a lùu wuu Samaria, baa nə laa zwitə bwə lùu taa ŋwaa ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:48 ပူးပေါင်းရင်းမြစ်များ

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 10:5

Yeso tɔŋ vɨɨ vɔ́ njɔsə-bɔɔ nə, gì tɨ́ vəŋ laa, «Kɨ viŋ shɔɔ fɨ maa jɨɨ faŋ nyə gə shɨ vɨɨ faŋ vəŋ kee kɨ̀ɨ nə Nwi me, kee ŋìi shɨ vɨɨ Samaria nɨzi me.

Matiu 11:18

Lùu nɨniŋ buꞌ laa Jɔn nə jwì, kee zɨzɨ me, kee nù məluꞌ me, vɨ gi laa ŋwə kìi zwitə bwə.

Matiu 12:24

Vɨɨ Farisii zɔ, gì ŋkə-vəŋ laa, «Wə ŋwə̀ fuusə vəzwitə vəbwəvə nə wutə tɨɨ vəzwitə vəbwəvə.»

Matiu 12:31

Nɨniŋ, mə naysə tɨ́ viŋ laa Nwi ndènə vənu vəbwəvə vənshə faŋ vɨɨ yɨsə, baa nə nu faŋ vəŋ ndasə ŋwə shɔ. Luu nə, wə ndà Zwitə Ley Nwi, buu kaꞌ Nwi kee ndɔ ndenə nu kɔ́ me.

Matiu 15:7

Viŋ lùu vɨɨ məboꞌ ŋwaa. Maa Aysaya nə naysə ŋkee nu yinsəŋ kɔ̀ŋ viŋ, faŋ Nwi nə kwàŋ shuu ŋwə. Ŋwə nə gì laa lee,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:19

Shi mɔ́ꞌ vɨɨ kwalə və vɨɨ Jus fɨ ntɨꞌ Jerusalem nə tɔ̀ŋ vɨɨ məfeꞌ Nwi vəmɔ́ꞌ, nə vɨɨ Levi tɨ́ Jɔn, laa vəŋ jwi bitə tɨ́ ŋwə laa ŋwə lùu ndə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:20

Vɨɨ vəyaŋ gi laa zwitə bwə taa ŋwaa ŋwə, ŋwə ghɨghenə, baa nə laa, «Viŋ sii zɔ vənu mbɨə faŋ ŋwə gisə tɨ́ kə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:13

Maa viŋ tii mə nə «Wuu mədeesə», nə «tɨta». Viŋ tii yinsəŋ, mə lùu nɨniŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:9

Wəzwi ghɔ́ gi tɨ́ Yeso laa, «A lùu wuu Jus, kɨ ndwaŋ muu fɨ ghɔ wuu Samaria lee?» Ŋwə nə gì nɨniŋ, buꞌ laa vɨɨ Jus ghɔ vɨɨ Samaria nə kee zɨzɨnə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:20

Vɨɨ vɔ́ bəŋsə tɨ́ ŋwə laa, «Zwitə bwə taa fwi ghɔ, sii kəə zwi ndə zwi ghɔ?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:22

Vɨɨ kwalə vɨɨ Jus gi laa, ŋwə sii bɨꞌtə kə faŋ ŋwə gì laa yi gə shəŋ faŋ kaꞌ nsiŋ kee gə̀ shɔ me? Ŋwə taa zwi ŋwaa wi mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:52

Vɨɨ Jus vɔ́ gi tɨ́ ŋwə laa, «Buꞌ yigisə yə, yia yè yinsəŋ laa zwitə bwə lùu taa ŋwaa ghɔ. Ŋkee fɨshi Abraham nə ku, nshiisə-ŋii sɔghɔ nə kùkə nɨzi. Sii yɨ̀ kə buu a gi laa wə kɨ luu biŋ yigisə yə, buu ŋwə kee ndɔ ku me?

Roma 15:3

Nshɨ-tɔ Kristo nə kee bàwsə sheꞌ too wi me. Ŋwə nə tòꞌ yuu ŋkə lùu taa ŋwaꞌlə Nwi kɔ̀ŋ ŋwə laa, «Ndisə faŋ vɨɨ ndasə ghɔ shɔ nə, gù maa mə.»

Hibru 13:13

Nɨniŋ, bàw nsiŋ ndɔ meꞌtə shiŋii, beꞌsə ŋwə fu, baa luu bìꞌ fɨ maa tɔ dɨɨ ki.

Jeyms 2:19

A biŋ laa Nwi lùu shɔ, baa nə laa Nwi luu sheꞌ muꞌ. Ŋkə lùu kəjəə. Luu nə, ŋkee vəzwitə vəbwəvə bìŋ maa nu kɔ́ nɨzi, kɨ fee, lɔꞌ.