Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44 - Vengo (Babungo)

⁴⁴ Tii wiŋ lùu Satan, tɨɨ vəzwitə vəbwəvə. Viŋ yɨsə sheꞌ vənu mbɨə faŋ tii wiŋ Satan kàw. Shù fɨ maa vənzi, Satan nə luu wuu məzwilə vɨɨ. Ŋwə kee kàw yinsəŋ me, nu yinsəŋ kee lùu taa fwi ŋwə tuu kəmuꞌ me. Ŋwə gisə sɨɨ sheꞌ ba, yuu nshinə yi dùꞌ, buꞌ laa ŋwə lùu wuu ba, baa lùu tɨɨ təba.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:44 ပူးပေါင်းရင်းမြစ်များ

Matiu 12:34

Aŋ viŋ, vaŋ-zɔ-vəshay, sii kaꞌ viŋ gì nu jəə kɨkə, faŋ viŋ lùu vɨɨ bwənə. Lùu vənu mbɨə faŋ mbə yaa kɨ lwaŋ taa fwi wə, faŋ wə ghɔ́ gisə.

Matiu 13:15

buꞌ laa fwisə ŋgwisə vɨɨ və̀ fɨ̀; vəŋ zɔ nə tuulə vəŋ dɨdu, shitə sɨ vəŋ, laa kɨ vəŋ ye nə sɨ vəŋ me, kee zɔ̀ nu nə tuulə vəŋ me, kee kɨ̀ɨ nə ŋiꞌ nu, kwìinə fwisə vəŋ, tɨ́ kaꞌ mə bwèysə vəŋ me.»

Matiu 13:38

Yindɨɨ yɔ́ faŋ ŋwə mɔ̀ꞌ say ghɔ́ shɔ nə, lùu taa mbi. Say jəənə ghɔ́ lùu vɨɨ mbɨə faŋ vəŋ ndɔ ŋii nu yifwàŋ yizɔ. Ŋwa ghɔ́ lùu vaŋ tɨɨ vəzwitə vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:70

Yeso gi tɨ́ vəŋ laa, «Maa nə luu nshɨ-tɔ ŋwaa, faŋ mə nə shòꞌ viŋ njɔsə-bɔɔ nə. Luu nə, wə muꞌ fɨ taa ŋwaa viŋ lùu wuu zwitə bwə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:38

Mə gisə nu ŋkɨə faŋ mə yè fɨ ghɔ Tii ŋwaa. Viŋ nɨzi yɨsə vənu faŋ viŋ nə zɔ̀ fɨ ghɔ tii wiŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:41

Gə̀ fɨ maa viŋ, viŋ yɨ vənu və wə dɨday faŋ luu tii wiŋ fɨ maa nshinə yiŋ.» Vəŋ gi tɨ́ ŋwə laa, «Yia lùu vəbigɔ. Luu sheꞌ Nwi nɨnɔŋ lùu tii wia.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:55

faŋ viŋ kee bee kɨɨ nə ŋwə me. Kɨɨ sheꞌ mə nə ŋwə. Mə nii toꞌ gì laa mə kee kɨɨ nə ŋwə me, buu mə sɨ̀ɨ ba, buu mə luu sheꞌ yaa viŋ vɨɨ təba. Luu nə, mə naysə tɨ́ viŋ laa mə kɨɨ nə ŋwə. Mə baa zɔnə ŋwə, nuŋsə yigisə yi.

Akts 13:10

«A lùu wee zwitə bwə, faŋ təba nə mənay lwàŋ taa ŋwaa ghɔ. A lùu wuu mbeenə nu loomə. Nə kɨ kaꞌ a kee mèꞌtə kee kɨ bùulə jɨɨ tɨta Nwi faŋ nyə lùu yineꞌtə nə yimu?

Akts 24:9

Ŋwə metə yigi yi yɔ́, vɨɨ Jus vɔ́ gi laa ŋkə lùu nɨniŋ.

Akts 5:3

Ŋwə jwi nɨniŋ, Pita gi tɨ́ ŋwə laa, «Ananias, sii yɨ̀ kə laa tɨɨ vəzwitə vəbwəvə bweꞌsə ghɔ laa a fiŋ yindɨɨ yə, ndɨ̀ə way ka, jwì kɨ dəsə way laa lùu faŋ a fìŋ yindɨɨ yɔ́? A sɨ̀ɨ ba lùu tɨ́ Zwitə Ley Nwi.

2 Kɔrintian 11:3

Nɨniŋ, mə fɨfee laa vɨ taa buulə fwi yiŋ nɨzi, viŋ kee baa kàw Kristo nə fwi yimuꞌ yiley me, sheꞌ faŋ zɔ yì nə bwèꞌsə Eva nə mənay wi.

1 Pita 5:8

Viŋ duꞌ nə tɔ ley, kɨ shi nə yikɨꞌ nɨzi, buꞌ laa tɨɨ vəzwitə vəbwəvə toꞌ fɨ taa mbi, toꞌ bwə yaa bikəə, kəə wə kwə.

2 Pita 2:4

Viŋ kɔꞌ kɨɨ laa, yighee njyə faŋ ŋkee nshiisə-ŋiisə Nwi nə yɨ̀ nu bwə, Nwi nə kee mèꞌtə vəŋ me. Nwi nə kwaŋ vəŋ taa shəŋ wi faŋ ŋwə kee yaa kɨ ndɨɨnə me. Vɨ ka vəŋ nə vəsumə, vəŋ duꞌ taa shəŋ mfiŋsə, vəŋ taa goꞌ yifi gə ziꞌ tɨ́ shi nsɔꞌ Nwi.

1 Jɔn 1:8

Nsiŋ kɨ luu kɨ gisə laa, nu bwə kee lùu taa fwisə nsiŋ me, buu nsiŋ bwèꞌsə yiŋwaa nyaa-nsiŋ, buu nu yinsəŋ kee lùu taa ŋwaa nsiŋ me.

1 Jɔn 2:21

Mə kee nyɔꞌ nu kɔ́ tɨ́ viŋ buꞌ faŋ viŋ kee kɨɨ nə nu ŋkɨə faŋ ŋkə kùꞌnə me. Mə nyɔꞌ buꞌ laa viŋ kɨɨ nə nu kɔ́, baa nə laa viŋ kɔꞌ kɨɨ laa, tuu kee nu ba kəmuꞌ kee fùu fɨ taa nu ŋkɨə faŋ lùu nu yinsəŋ me.

1 Jɔn 2:4

Wə ntɨə faŋ ŋwə gì laa, yi kɨɨ nə Nwi, kee kɨ nuŋsə ntɨ si me, buu lùu wuu ba, nu yinsəŋ kee lùu taa ŋwaa ŋwə me.

1 Jɔn 3:12

Kɨ nsiŋ luu yaa Kayin faŋ ŋwə nə ndɔ̀ fɨ ghɔ tɨɨ vəzwitə vəbwəvə, zwi weenshu wi me. Ŋwə nə zwì weenshu wi buꞌ kə? Maa ŋwə nə zwì weenshu wi, buꞌ laa vənu vi nə luu vəbwə, vənu və weenshu wi luu vəloomə.

1 Jɔn 3:15

Wə ntɨə faŋ ŋwə bee weenshu wi, lùu wuu məzwi wə. Viŋ kɔꞌ kɨɨ laa məbwey vəlwaŋ kee yaa kɨ goꞌsə taa fwi wuu məzwi wə me.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.

Reveleyshən 12:9

Vɨ ndi nshɨ zɔ-ŋgu-yibay ghɔ́, mɔ̀ꞌ shɨ nsi. Luu ŋkee zɔ yimwa yɔ́ faŋ vɨ tìi nə tɨɨ vəzwitə vəbwəvə, baa nə Satan, wuu məbweꞌsə mbi yinshə. Ŋwə fiŋ fɨ taa yizɔ, fìŋ shɨ nsi, ghɔ vɨ nshiisə-ŋii si.

Reveleyshən 13:14

Nyə bweꞌsə vɨɨ fɨ taa mbi, buꞌ vəshwenə vɔ́ faŋ vɨ nə kɔ̀ tɨ́ ŋwə nə, laa ŋwə kɨ yɨsə vɨsɨ nyaa yinjii yɔ́, baa gisə tɨ́ vɨɨ faŋ vəŋ lùu taa mbi, laa vəŋ naysə fənyia, fɨꞌ maa nyaa yɔ́, faŋ vɨ nə gwìa ŋwə nə baꞌ, ŋwə bwey nə.

Reveleyshən 2:10

Kɨ fee ŋɨꞌ njyə faŋ a taa ye nə me. Tɨɨ vəzwitə vəbwəvə Satan taa kwaŋ fɨ maa viŋ taa ŋii mfiŋ, laa vɨ mɔŋ viŋ. Viŋ taa kɨ ye ŋɨꞌ maa vəshi yighuŋ. Viŋ kii fwi yiweꞌ, twèꞌ maa nu Kristo, zìꞌ tɨ́ yiku, buu ŋwə ndɔ key viŋ nə məbwey vəlwaŋ.»

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»

Reveleyshən 22:15

Vɨɨ mbɨə faŋ vəŋ lùu fu fɨ taa ŋkɔꞌ, lùu vɨɨ bwənə, nə vɨɨ ŋay, nə vɨɨ mətii vəki, nə vɨɨ məzwilə vɨɨ, nə vɨɨ faŋ vəŋ bəŋsə vənwi vədayday, nə vɨɨ təba, faŋ vəŋ kàw təba, baa yɨsə nu təba.»

Reveleyshən 9:11

Fwàŋ ŋweysə sɔ́ nə luu tɨɨ wee-nsi bay. Yizii yi maa ghaŋ Hibru lùu laa Abadɔn; yizii yi maa ghaŋ Griis lùu laa Apɔliɔn, faŋ lùu laa wuu məbɨsə.