Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:37 - Vengo (Babungo)

³⁷ Mə kɔꞌ kɨɨ laa viŋ lùu vɨɨ yikuu Abraham. Luu nə, viŋ mèꞌtə kɨ toꞌ kəə jɨɨ zwi mə, buꞌ laa viŋ kee bìŋ yigisə nyaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:37 ပူးပေါင်းရင်းမြစ်များ

Matiu 13:15

buꞌ laa fwisə ŋgwisə vɨɨ və̀ fɨ̀; vəŋ zɔ nə tuulə vəŋ dɨdu, shitə sɨ vəŋ, laa kɨ vəŋ ye nə sɨ vəŋ me, kee zɔ̀ nu nə tuulə vəŋ me, kee kɨ̀ɨ nə ŋiꞌ nu, kwìinə fwisə vəŋ, tɨ́ kaꞌ mə bwèysə vəŋ me.»

Matiu 3:9

Kɨ viŋ kɨ bɨꞌtə fɨ taa fwisə viŋ maa məgi laa kaꞌ nu kee baa bɨ̀ tɨ́ viŋ me, buꞌ faŋ Abraham lùu tii wiŋ nə. Mə naysə tɨ́ viŋ laa kaꞌ Nwi ndì ŋoꞌsə sə̀, kìasə, nsə gu vaŋ Abraham.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:31

Vɨɨ Jus zɔ yigi Yeso yɔ́, baa kɨ bwilə ŋoꞌsə fɨ nsi maa mətumə ŋwə shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:53

Nɨniŋ, shù fɨ maa shi kɔ́, vəŋ nə kɔꞌnə faŋ vəŋ taa zwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:44

Sii kaꞌ viŋ bìŋ nu Nwi kɨkə, faŋ viŋ kəə sheꞌ laa vaŋ-nshwi viŋ kɨ kɔ məbəŋsə tɨ́ viŋ. Viŋ kee kəə məbəŋsə fɨ ghɔ Nwi me, faŋ Nwi lùu shɔ sheꞌ ŋwə muꞌ. Lùu ŋiꞌ nu ŋkɨə faŋ kaꞌ viŋ kee bìŋ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:1

Yiŋkii kɨ shɔɔ, Yeso nə toꞌ fɨ shɨ Galilii. Ŋwə nə kee baa kaw kɨ toꞌ fɨ shɨ Judia me, buꞌ laa vɨɨ kwalə vɨɨ Jus nəə kəə zwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:19

Fɨshi Mose nə kɔ̀ ntɨsə Nwi tɨ́ viŋ. Luu nə, tuu wə kee lùu shɔ taa ŋwaa viŋ faŋ ŋwə nùŋsə ntɨsə sɔ́ me. Nɨniŋ, sii yɨ kə viŋ kəə jɨɨ maa məzwi mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:25

Vɨɨ mɔ́ꞌ fɨ Jerusalem zɔ yigisə Yeso, gì laa, «Wə ŋwə̀ kee lùu wə ntɨə faŋ vɨ kəə zwi ŋwə yimu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:33

Vɨɨ mɔ́ꞌ gi tɨ́ ŋwə laa vəŋ lùu vɨɨ yikuu Abraham, laa vəŋ nə kee ta lùu buꞌ tɨ́ wə me. Sii yɨ kə ŋwə gi laa vəŋ taa nyɨŋ fɨ lùu vəbuꞌ?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:43

Sii yɨ̀ kə viŋ kee zɔ nu ŋkɨə faŋ mə gisə me? Ŋkə lùu sheꞌ laa viŋ kee kàw zɔ yigisə nyaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:56

Tii wiŋ Abraham nə kɨ̀ꞌ maa məye shi məbi kaŋ nə məŋaytə. Ŋwə nə ye, ŋàytə ŋkee dɨdɨꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:59

Yeso nə gi nɨniŋ, vəŋ bwilə ŋoꞌsə fɨ nsi maa mətumə ŋwə shɔ laa ŋwə ku. Luu nə, Yeso buꞌsə fɨ yɨ vəŋ, fùu fɨ taa ŋii Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:6

Vəŋ nə gì nɨniŋ maa məzɔ nu ŋkɨə faŋ ŋwə taa gì, tɨ́ kaꞌ vəŋ shɔ̀ɔ fɨ fuŋ, kəə ŋwə nə nsɔꞌ. Yeso bəəsə tɔ ki nsi, kɨ nyɔꞌ nsi nə wee-ghɔ wi.

Akts 13:26

Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.

Roma 9:7

Kee lùu vɨɨ vənshə faŋ vəŋ lùu ŋiꞌ ŋii Abraham, faŋ lùu vaŋ vi yinsəŋ me, fɔnə Nwi nə gì tɨ́ Abraham laa, «Lùu vaŋ Isak faŋ ndɔ lùu vɨɨ mbɨə faŋ vɨ taa kɨ tii vəŋ nə ŋiꞌ ŋii kə.»

1 Kɔrintian 2:14

Wə ntɨə faŋ ŋwə kee kìi Zwitə Nwi taa fwi ŋwə me, kaꞌ ŋwə kee bìŋ vənu mbɨə faŋ mbə ndɔ fɨ ghɔ Zwitə Nwi me. Kəŋ wə ghɔ́ kaꞌ ŋwə kee kɨ̀ɨ nə vənu vɔ́ me. Ŋkə lùu tɨ́ ŋwə yaa vənu və vəmfaw, buꞌ laa luu sheꞌ Zwitə Nwi faŋ ŋkə yaa kɨ yɨsə wə kɨ̀ɨ nə kəŋ vənu ghɔ́.

1 Jɔn 2:14

Vaŋ vaŋ, mə ŋwaꞌlə vənu və̀ tɨ́ viŋ, buꞌ laa viŋ kɨɨ nə tɨta Nwi. Gə fɨ maa vətɨta, mə ŋwaꞌlə tɨ́ viŋ, vətɨta, buꞌ laa viŋ kɨ̀ɨ nə Nwi, faŋ ŋwə nə luu shɔ, shù fɨ maa vənzi və mbi. Gə fɨ maa zawə, mə ŋwaꞌlə tɨ́ viŋ, buꞌ laa viŋ lùu vəweꞌ maa nu Nwi, kɨ nuŋsə ŋkə taa fwisə viŋ, ghɔ̀ꞌ tɨɨ vəzwitə vəbwəvə.