Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:34 - Vengo (Babungo)

³⁴ Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, wə tɨ̀ me wə faŋ ŋwə yɨsə vənu vəbwəvə, ŋkə də̀ laa ŋwə lùu buꞌ tɨ́ nu bwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:34 ပူးပေါင်းရင်းမြစ်များ

Matiu 5:18

Viŋ zɔ! Mə naysə nu yinsəŋ tɨ́ viŋ laa tuu ŋkee yisɨ ŋwaꞌlə yimuꞌ, tɨꞌnə me ŋkee wee-mbey, kee ndɔ ndi fɨ taa ŋwaꞌlə ntɨsə Nwi me, gə ziꞌ maa yighee njyə faŋ yizɔ ghɔ nsi ndɔ ndi. Vənu vɔ́ vənshə fɨ taa ŋwaꞌlə Nwi ndɔ gay ŋkəə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Akts 8:23

Ŋkee nu bwə ŋìi taa fwi ghɔ, a gù wuu faꞌ tɨ́ zwitə bwə.»

Roma 6:12

Nɨniŋ, kɨ viŋ biŋ laa nu bwə sɔꞌ yiŋwaa yiŋ, faŋ nyə ndɔ ku nə me. Kɨ viŋ baa kɨ biŋ fwi yiŋ ndɔ maa nu bwə, viŋ yɨsə nu kɔ́ me.

Roma 6:16

Maa viŋ kɨɨ laa, viŋ kɨ luu fiŋ tɔ kiŋ tɨ́ wə mɔ́ꞌ, gù vəbuꞌ vi, kɨ zɔnə ŋwə, buu viŋ luu ŋkee vəbuꞌ və wə ghɔ́ faŋ viŋ zɔnə ŋwə nə. Nɨniŋ, viŋ luu vəbuꞌ və Nwi, kɨ zɔnə Nwi, tɨ́ kaꞌ nu kiŋ bɔ̀ŋsə. Kee lùu nɨniŋ me, buu viŋ lùu vəbuꞌ tɨ́ nu bwə, ndɔ ku.

Roma 6:6

Maa nsiŋ kɨɨ laa, yighee njyə faŋ vɨ nə bèy Yeso Kristo fuu fəŋkɔꞌ fə ŋkɨꞌsə nə, vɨ nə bèy vənu vəbwəvə vaŋ-nsiŋ, nsiŋ vɨ vəŋ mɔ́ꞌ, laa yiŋwaa yimwa nyaa-nsiŋ yɔ́ faŋ vənu vəbwəvə lùu taa tey yi nə, ndi, nsiŋ kee baa lùu vəbuꞌ tɨ́ nu bwə me.

Roma 7:14

Nsiŋ kɔꞌ kɨɨ laa ntɨsə Nwi lùu nu Zwitə Ley Nwi. Gə̀ fɨ maa mə, mə luu wə mənsaw nə mbasə ŋwaa. Vɨ nə fìŋ mə yaa buꞌ tɨ́ nu bwə.

Roma 7:25

Mə bwaŋ Nwi laa ŋwə bweysə mə fɨ fuŋ buꞌ tɨta ŋwaa-nsiŋ Yeso Kristo. Nɨniŋ, faŋ mə dùꞌ tɔ mə, fwi nyaa faꞌ luu tɨ́ nuŋsə Nwi, mbasə ŋwaa ŋwaa faꞌ luu tɨ́ nu bwə.

Roma 8:21

Nu jəə kɔ́ lùu laa Nwi ndɔ fuusə vəŋ fɨ taa ghɔ yiku, faŋ vəŋ lùu vəbuꞌ tɨ́ vənshuu vətɔ, yɨ̀sə vəŋ duꞌ tɔ vəŋ, zɨ yikwalə njyə faŋ Nwi ndɔ kɔ tɨ́ vaŋ vi nə.

Efesɔs 2:2

Yighee vɨsɨ yɔ́, viŋ nəə shɔɔ fɨ maa jɨɨsə bwəsə taa mbi, zɔnə tɨɨ vəzwitə vəbwəvə fɨ taa mbi faŋ ŋwə sɔꞌ vɨɨ mbɨə faŋ vəŋ twey nu Nwi ndwə nə.

Taytəs 3:3

Maa yighee vɨsɨ, nsiŋ nɨzi nə bə̀ə tɔ ley, kee zɔnə Nwi me, toꞌ maa jɨɨ yibwə, baa lùu vəbuꞌ tɨ́ vənu vəbwəvə vəyaŋ faŋ fwi saŋ-nsiŋ nə kàw, toꞌ yitoꞌ nyaa-nsiŋ nə njyoꞌ yibwə, baa ghɨꞌ vɨɨ, vɨɨ bee nsiŋ, nsiŋ baa beenə yiŋwaa nyaa-nsiŋ nɨzi.

2 Pita 2:19

Vəŋ kɔꞌnə vɨɨ vɔ́ laa vəŋ ndɔ duꞌ tɔ vəŋ, luu nə, nshɨ-tɔ vəŋ faŋ vəŋ gisə yigi yɔ́ nə, lùu vəbuꞌ tɨ́ nu bwə, nu bwə kɨ bii ka vəŋ. Viŋ kɔꞌ kɨɨ laa fa tɨ̀ me fa faŋ ŋkə sɔꞌ wə, wə ghɔ́ lùu buꞌ tɨ́ fa kɔ́.