Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:31 - Vengo (Babungo)

31 Yeso kɨ nii gì tɨ́ vɨɨ mbɨə faŋ vəŋ nə biŋ ŋwə nə laa, «Viŋ taa kɨ luu tweꞌ kɨ zɔ yigisə nyaa, buu viŋ lùu vɨɨ faŋ vəŋ beꞌsə mə yinsəŋ.

အခန်းကိုကြည့်ပါ။ ကော်ပီ




Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:31
25 ပူးပေါင်းရင်းမြစ်များ  

Luu nə, wə ntɨə faŋ ŋwə jia fwi yi, nùŋ sheꞌ maa Nwi, zìꞌ maa vəndwə, ndɔ bwey.


Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»


Mbasə ŋwaa ŋwaa luu ŋkee fazɨ yinsəŋ, mənshi maa luu ŋkee fa nu yinsəŋ.


Nɨniŋ, Wee Nwi kɨ luu kɨ yɨsə laa viŋ kee baa lùu vəbuꞌ me, buu viŋ taa nyɨŋ fɨ lùu vəbuꞌ yinsəŋ.


Məshəŋtə ghɔ́ kɨ waꞌ, vɨɨ vəyaŋ fɨ taa ŋwaa vɨɨ Jus nə vɨɨ vəmɔ́ꞌ faŋ vəŋ nəə bəŋsə Nwi nɨzi, beꞌsə Pɔɔl ghɔ Barnabas. Pɔɔl ghɔ Barnabas gi tɨ́ vəŋ, tɨ̀sə vəŋ laa, vəŋ nùŋ fwisə vəŋ sheꞌ maa nu gəŋsə Nwi kɔ́.


Maa vəshəŋ vɔ́ vənshə, vəŋ yɨsə fwisə vɨɨ məbiŋ nu Kristo weꞌ maa nu Kristo. Vəŋ baa tɨ̀sə vɨɨ vɔ́ laa vəŋ goꞌsə ghɔ vɨ Yeso, baa nàysə tɨ́ vəŋ laa vɨɨ məbiŋ nu Kristo taa ye ŋɨꞌ, buu ŋii maa nu yifwàŋ Nwi.


Jwi kɔ tɔ və-ndee, gaŋtə Nwi gaŋtə mə, laa mə kɨ tɨtɨŋnə, fɨꞌtə nu Nwi tɨ́ vɨɨ kwalə nə tɨ́ vɨɨ tɨtiꞌ, fɨꞌtə sheꞌ nu ŋkɨə faŋ nshiisə-ŋii sɔghɔ nə Mose nə fɨ̀ꞌtə laa ŋkə ndɔ gay nə.


Bàw a kɨɨ nə gəŋsə Nwi, baa nə fwi yishəsə yi nɨzi. Nwi shə maa vɨɨ faŋ vəŋ gù, saylə tɨ́ ghɔ, faŋ a gòꞌsə taa nu məsaylə kɔ́. Luu nə, a kee gòꞌsə shɔ me, buu ŋwə shia ghɔ, mèꞌ nɨzi.


Ŋwə ndɔ kɔ məbwey vəlwaŋ tɨ́ vɨɨ mbɨə faŋ vəŋ twèꞌ maa məyɨ nu jəə, tə̀ sɨ maa nu ŋkɨə faŋ ŋkə kee ndɔ mè me, baa kəə jɨɨ laa vəŋ baw mètə, tɨ́ kaꞌ Nwi bəŋsə vəŋ.


buꞌ faŋ viŋ kɨ tɨtweꞌ bìŋ Nwi, nùŋ fwi siŋ sheꞌ maa nu Nwi, tɨ̀ŋnə weꞌ, tə̀ sɨ sheꞌ maa vənu mbɨə faŋ viŋ zɔ̀ fɨ taa nu Nwi. Luu sheꞌ nu Nwi kɔ́ faŋ vɨ fɨꞌtə tɨ́ vɨɨ vənshə, ŋkə saynə shɨ nsi kənshə. Mə Pɔɔl nə gù wuu faꞌ nu Nwi kɔ́, laa mə kɨ fɨꞌtə nu Nwi kɔ́ tɨ́ vɨɨ.


Luu nə, wəzwi ndɔ zɨ məbwey vəlwaŋ, buꞌ faŋ ŋwə bì vaŋ vi, gòꞌsə maa nu Kristo, nə taa ŋkawnə Nwi, baa yɨsə vənu vəjəəvə nə yitɔfə, gə̀ nə vɨsɨ.


Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.


Gə fɨ maa ghɔ, bàw a goꞌ nə nu ŋkɨə faŋ a nə zwetə̀, kɨɨ laa lùu yinsəŋ, buꞌ laa a kɨ̀ɨ nə vɨɨ mbɨə faŋ a nə zwètə fɨ ghɔ vəŋ nə.


Viŋ kɨ lumə laa nsiŋ lùu nə fa kəmuꞌ, nsiŋ vɨ Kristo, faŋ nsiŋ taa kɨ nuŋsə vənu mbɨə faŋ nsiŋ nə bìŋ yighee vɨsɨ nə, gə kɔ maa vəndwə.


Məkee mbɔ́ kee ndɔ luu yuu mbɨə faŋ mə nə gwìa yia vətɨɨ viŋ maa yighee njyə faŋ mə nə ndì vəŋ, fùusə vəŋ fɨ shɨ Ijip me. Vəŋ nə kee nùŋsə məkee mbɨə faŋ yia vɨ vəŋ nə gwìa nə me. Nɨniŋ, mə shìasə vəŋ nɨzi.» Lùu faŋ Nwi nə gì tɨ́ vɨɨ Isirayl nə.


Wə kɨ luu ndeynə ntɨsə Nwi, goꞌsə shɔ, kee lùu yaa wə faŋ ŋwə zɔ ndènə me, luu nə, lùu yaa wə faŋ ŋwə zɔ kɨ yɨsə, buu mənɔŋ-bwaŋnə Nwi lùu tɔ wə ghɔ́ faŋ ŋwə yɨ nu kɔ́ nə. Ntɨsə Nwi bàw shɨ̀lə, yɨsə nsiŋ fuu fɨ ghɔ nu bwə, duꞌ jəə.


Vɨɨ mbeenə Kristo vɔ́ nə fùu fɨ taa ŋwaa nsiŋ. Luu nə, vəŋ nə kee bee lùu vɨɨ vaŋ-nsiŋ me. Vəŋ nəə toꞌ luu vɨɨ vaŋ-nsiŋ, buu vəŋ nə gòꞌ nsiŋ vɨ vəŋ. Luu nə, vəŋ fuu nɨniŋ laa nsiŋ kɨɨ ntee laa vəŋ vənshə kee lùu vɨɨ vaŋ-nsiŋ me.


Bàw laa nu ŋkɨə faŋ viŋ yaa zɔ yighee vɨsɨ, ŋkə goꞌsə taa fwisə viŋ, buu viŋ gòꞌsə nə nu kəmuꞌ viŋ vɨ Wee Nwi nə nshɨ-tɔ Nwi nɨzi.


Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ