Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:29 - Vengo (Babungo)

²⁹ Mə lùu yia wə ntɨə faŋ ŋwə nə tɔ̀ŋ mə. Ŋwə lùu yiba jɨŋ mə, kee meꞌtə mə nɨnɔŋ me, buꞌ laa mə yɨsə sheꞌ vənu mbɨə faŋ mbə bàw tɨ́ ŋwə ghee nshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:29 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 3:15

Yeso bəŋsə tɨ́ ŋwə laa, «Meꞌtə ŋkə lùu nɨniŋ ndwə. Bàw ŋkə luu nɨniŋ laa sɨ kɨ yɨsə vənu vənshə faŋ Nwi kàw.» Nɨniŋ, Jɔn biŋ, mèꞌtə ŋwə.

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:31

Mə yɨ sheꞌ nu ŋkɨə faŋ Tii ŋwaa gì laa mə yɨ, tɨ́ kaꞌ mbi nyə̀ kɨɨ laa mə kaw Tii ŋwaa. - Ŋkə kuꞌ. Viŋ ndɔ, nsiŋ gə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:10

Kaꞌ viŋ goꞌsə taa ŋkawnə nyaa faŋ viŋ nuŋsə ntɨsə saŋ, sheꞌ faŋ nshɨ-tɔ ŋwaa nə nùŋsə ntɨsə Tii ŋwaa, buu gòꞌsə taa ŋkawnə yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:32

Viŋ kɔꞌ kɨɨ laa yighee taa kuꞌ, nyə duꞌtə nyə kuꞌ, faŋ viŋ taa nyɨŋkə vənshə, wə kɨ gə fu ŋwə, wə kɨ gə fu ŋwə. Viŋ taa meꞌtə mə nɨnɔŋ. Luu nə, mə kee taa luu nɨnɔŋ me, buꞌ laa yia Tii ŋwaa lùu mɔ́ꞌ ghee nshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:4

Mə nə də̀ yikwalə yə taa mbi nyə̀, fàꞌ faꞌ ŋgwə faŋ a nə tɔ̀ŋ mə laa mə faꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:34

Yeso gi tɨ́ vəŋ laa, «Fazɨ kaŋ lùu laa mə kɨ yɨsə nu wə ntɨə faŋ ŋwə nə tɔ̀ŋ mə nə, baa nə laa mə metə vəfaꞌ vi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:30

Nɨniŋ, kaꞌ mə kee yɨ tuu nu maa wutə kaŋ me. Mə shia nsɔꞌsə sheꞌ faŋ mə zɔ fɨ ghɔ Tii ŋwaa faŋ ŋwə kəə. Nɨniŋ, mə sɔꞌ nsɔꞌsə, nsə lùu səloomə, buꞌ laa mə kee yɨ nu ŋkɨə faŋ kàw mə me; mə yɨ nu ŋkɨə faŋ Nwi faŋ ŋwə nə tɔ̀ŋ mə nə, kàw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:38

Lùu nɨniŋ, buꞌ laa mə sìꞌ fɨ yizɔ maa məyɨ nu ŋkɨə faŋ ŋkə bàw too Nwi faŋ ŋwə nə tɔ̀ŋ mə nə. Mə yaa kee jwì maa məyɨ nu ŋkɨə faŋ ŋkə bàw too mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:16

Kɨ luu laa mə shia nsɔꞌ, mə shia yiloomə buꞌ laa mə kee lùu nɨnɔŋ me; mə lùu yia wə ntɨə faŋ ŋwə nə tɔ̀ŋ mə.

2 Timoti 4:17

Luu nə, tɨta Kristo nə tɨ̀ŋnə jɨŋ mə, kwàŋ wutə maa mə, laa mə naysə nu Nwi kənshə, vɨɨ tətɔŋ fu vənshə zɔ. Nɨniŋ, Nwi fuusə mə fɨ shuu bikəə.

2 Timoti 4:22

Tɨta Yeso Kristo goꞌsə taa fwi ghɔ! Mənɔŋ-bwaŋnə Nwi luu taa ŋwaa viŋ!

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.

Hibru 7:26

Ŋwə luu ŋkee wuu ley, kee kìi nu bwə me, tɨꞌnə me kìi wee-ndoꞌ maa ŋwə me. Ŋwə kee kìi nu ghɔ vɨɨ bwənə me. Nwi nùŋsə ŋwə ŋkee taa yizɔ, laa ŋwə duꞌ yɨ Nwi. Nɨniŋ, ŋwə kùꞌnə tɨ́ kaꞌ ŋwə lùu wuu kwalə məfeꞌ Nwi tɨ́ nsiŋ.

1 Jɔn 2:1

Vaŋ vaŋ, mə nyɔꞌ vənu və̀ tɨ́ viŋ laa kɨ viŋ baa kɨ yɨ vənu vəbwəvə me. Kɨ luu laa wə gu, yɨ nu bwə, buu Yeso Kristo, wuu ley shɔ, faŋ ŋwə tɨŋ vɨsɨ Nwi, ndwaŋ Nwi tɨ́ nsiŋ.

1 Jɔn 3:22

fì vətɔ mbɨə faŋ nsiŋ ndwaŋ fɨ ghɔ Nwi, buꞌ faŋ nsiŋ nùŋsə ntɨsə si, yɨsə nu ŋkɨə faŋ Nwi kàw.