Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:28 - Vengo (Babungo)

²⁸ Nɨniŋ, Yeso gi laa, «Viŋ ndɔ bɨŋsə Wuu yinsəŋ Nwi (fuu fəŋkɔꞌ fə ŋkɨꞌsə), buu kɨ̀ɨ nə wə ntɨə faŋ mə lùu, baa kɨɨ laa mə kee yɨ vənu sheꞌ maa yizii nyaa me, laa mə gisə vənu faŋ də Tii ŋwaa shee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:28 ပူးပေါင်းရင်းမြစ်များ

Matiu 24:5

Vɨɨ vəyaŋ ndɔ fuu taa mbi, kɨ tii təzii təvəŋ maa yizii nyaa, gisə laa vəŋ lùu Kristo, wuu məbweysə vɨɨ Nwi, kɨ bweꞌsə vɨɨ vəyaŋ shɔ.

Mark 13:6

Vɨɨ vəyaŋ ndɔ jwi, kɨ tii təzii təvəŋ maa yizii nyaa, gisə laa vəŋ lùu mə, wuu məbweysə wiŋ. Vəŋ ndɔ bweꞌsə vɨɨ vəyaŋ.

Lukas 21:8

Ŋwə gi tɨ́ vəŋ laa, «Viŋ kɨ kəmə tɔ kiŋ, buꞌ vɨ ndɔ bweꞌsə viŋ. Vɨɨ vəyaŋ ndɔ fuu taa mbi maa yizii nyaa, gisə laa vəŋ lùu mə, baa gisə laa yighee yɔ́ kɨkuꞌ. Kɨ viŋ ndɔ beꞌsə vɨɨ vɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:42

Mə kɔꞌ kɨɨ laa a zɔ gɨ nyaa ghee nshə. Mə gi nee buꞌ vɨɨ mbɨə faŋ vəŋ tɨŋnə feenə, tɨ́ kaꞌ vəŋ bìŋ laa tɔ̀ŋ ghɔ tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:19

Mə naysə nu kɔ́ tɨ́ viŋ ndwə faŋ ŋkə kee ta yigay me, laa ŋkə taa gay, viŋ biŋ mə laa mə lùu wə ntɨə faŋ mə lùu, baa nə laa yigi yɔ́ kɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:10

Nu ŋkɨə faŋ ŋkə də̀ laa mə lùu wuu loomə, lùu faŋ mə gə yɨ tɨta Nwi, viŋ kee baa yè mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:32

Ŋkə nə gày nɨniŋ, laa Yeso ku yiku maa jɨɨ njyə faŋ ŋwə nə duꞌtə ŋwə naysə tɨ́ vɨɨ laa yi ndɔ ku nyə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:18

Vəŋ nə zìꞌ yifi, bèy Yeso fuu fəŋkɔꞌ fə ŋkɨꞌsə. Maa yighee yɔ́ vɨ baa bèy vɨɨ vəmɔ́ꞌ vəbɔɔ, wə mɔ́ꞌ maa kwiŋ Yeso muꞌ, wuu mɔ́ꞌ maa kwiŋ muꞌ, Yeso luu nɨntəŋ ŋwaa vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:11

Ye mɔɔ, mə naysə tɨ́ ghɔ yinsəŋ laa, yia gisə vənu faŋ yia kɨ̀ɨ nə mbə, baa naysə vənu faŋ yia nə yè nə yisɨ. Luu nə, viŋ kee bìŋ yia me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:14

Ŋkee fɨ shi Mose nə ndì zɔ faŋ vɨ nə nàysə fɨ maa bwey, bèy maa tɨ, shàꞌsə yizɔ taa tɔɔ waꞌsə. Sheꞌ nee, vɨ ndɔ ghaa shaꞌsə Wuu yinsəŋ Nwi yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:26

Yeso gi tɨ́ ŋwə laa, «Mə faŋ mə gisə tɨ́ ghɔ feenə, mə lùu wə ghɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:19

Nə luu buꞌ nu kɔ́, Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, kaꞌ Wee Nwi kee kɨ yɨ tuu nu maa wutə ki me. Ŋwə yɨ sheꞌ vənu mbɨə faŋ ŋwə ye laa Tii wi yɨsə, buꞌ laa nu ŋkɨə faŋ tɨta Nwi yɨ luu sheꞌ nu ŋkɨə faŋ ŋwiŋ wi yɨsə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:30

Nɨniŋ, kaꞌ mə kee yɨ tuu nu maa wutə kaŋ me. Mə shia nsɔꞌsə sheꞌ faŋ mə zɔ fɨ ghɔ Tii ŋwaa faŋ ŋwə kəə. Nɨniŋ, mə sɔꞌ nsɔꞌsə, nsə lùu səloomə, buꞌ laa mə kee yɨ nu ŋkɨə faŋ kàw mə me; mə yɨ nu ŋkɨə faŋ Nwi faŋ ŋwə nə tɔ̀ŋ mə nə, kàw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:38

Lùu nɨniŋ, buꞌ laa mə sìꞌ fɨ yizɔ maa məyɨ nu ŋkɨə faŋ ŋkə bàw too Nwi faŋ ŋwə nə tɔ̀ŋ mə nə. Mə yaa kee jwì maa məyɨ nu ŋkɨə faŋ ŋkə bàw too mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:24

Lùu ŋiꞌ nu ŋkɨə faŋ mə gì tɨ́ viŋ laa, viŋ ndɔ kukə nə vənu vəbwəvə viŋ tɔ viŋ. Ŋkee yinsəŋ viŋ ndɔ kukə nə vənu vəbwəvə viŋ tɔ viŋ, buꞌ faŋ viŋ kee biŋ laa mə lùu wə ntɨə faŋ mə lùu me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:27

Vəŋ zɔ, kee kɨɨ laa ŋwə gisə tɨ́ vəŋ kɔ̀ŋ Nwi Tii wi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:58

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, mə nə luu shɔ, buu vɨ ndɔ kɨ dùꞌ bì Abraham.»

Akts 2:41

Vɨɨ mbɨə faŋ vəŋ nə bìŋ yigi yɔ́, fi muu mə Nwi. Nɨniŋ, vɨɨ yaa ŋkaŋsə sətia kùꞌsə maa nwaa vəŋ sheꞌ maa shi kɔ́.

Akts 4:4

Vɨɨ vəyaŋ faŋ vəŋ nə zɔ̀ yigisə Pita yɔ́, biŋ, nùŋ fwisə vəŋ maa Kristo. Nwaa vɨɨ Kristo ziꞌ yaa ŋkaŋsə tee.

Roma 1:4

Ŋwə lùu wee Nwi buꞌ wutə Nwi nə Zwitə Ley ŋkɨə faŋ ŋkə lùu taa ŋwaa ŋwə. Nwi nùŋsə ŋwə maa ŋwiŋ wi, buꞌ faŋ ŋwə nə ywèysə ŋwə fɨ shɨ yiku. Wee Nwi ghɔ́ lùu tɨta ŋwaa-nsiŋ Yeso Kristo,