Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:21 - Vengo (Babungo)

²¹ Yeso baa kɨ gì tɨ́ vəŋ laa, «Mə gɨgə nə ŋwaa ŋwaa nə. Viŋ taa kəə mə dɨdu, kɨ kukə nə vənu vəbwəvə viŋ maa viŋ. Shəŋ ŋkɨə faŋ mə gə shɔ, kaꞌ viŋ kee kɨ̀ɨ nə jɨɨ jwì shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:21 ပူးပေါင်းရင်းမြစ်များ

Matiu 23:39

Mə baa naysə tɨ́ viŋ laa, zì ndee, viŋ kee ndɔ baa ye mə me, gə ziꞌ maa shi ŋkɨə faŋ viŋ ndɔ gi laa, «Mənɔŋ-bwaŋnə tɨ́ wə ntɨə faŋ ŋwə jɨjwi maa yizii tɨta Nwi.»

Matiu 25:41

Ŋwə taa kɨ nii gì tɨ́ vɨɨ mbɨə faŋ vəŋ lùu kwiŋ ŋkwii laa, «Viŋ ndɔ fɨ yɨ mə, vɨɨ ndwaŋ, gə̀ ŋìi taa wi faŋ ŋwə gòꞌsə yighee muꞌ, faŋ vɨ lòotə tɨ́ tɨɨ vəzwitə vəbwəvə ghɔ vɨ nshiisə-ŋiisə si.

Matiu 25:46

Vɨɨ bwənə vɔ́ ndɔ ŋii taa ŋɨꞌ yikwalə faŋ nyə gòꞌsə yighee muꞌ. Gə fɨ maa vɨɨ jəənə vɔ́, vəŋ zɨ məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:33

Yeso nə gì yigi nyə̀, tɨ́ kaꞌ vɨɨ kɨ̀ɨ nə nu kɔ̀ŋ yiku njyə faŋ ŋwə ndɔ ku nyə, (laa vɨ ndɔ bey yi fuu fəŋkɔꞌ fə ŋkɨꞌsə, bɨ̀ŋsə tə yizɔ.)

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:35

Yeso gi tɨ́ vəŋ laa, «Məley taa lùu ghɔ viŋ sheꞌ maa wee-fɨ-yighee. Bàw viŋ toꞌ gə vɨsɨ vɨsɨ maa yighee njyə faŋ məley ghɔ́ lùu ghɔ viŋ nə, buꞌ mfiŋsə taa kɔlə viŋ jɨɨ. Wə faŋ ŋwə toꞌ fɨ taa mfiŋsə, kee yaa kɨ kɨɨ nə fɔɔ ŋwə gə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:33

Vaŋ vaŋ, yighee kee baa gòꞌ ntaŋ, faŋ mə taa mèꞌtə viŋ me. Viŋ taa kɨ kəə mə, luu nə, shəŋ ŋkɨə faŋ mə gə shɔ, kaꞌ viŋ kee gə̀ shɔ me, yuu mə nə duꞌtə mə naysə tɨ́ vɨɨ Jus nə. Mə baa luu naysə nu kɔ́ tɨ́ viŋ ndwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:34

Viŋ ndɔ kəə mə, kee yè mə me, buꞌ laa shəŋ ŋkɨə faŋ mə ndɔ luu shɔ, kaꞌ viŋ kee zìꞌ yifi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:36

Ŋiꞌ nu ŋkɨə faŋ ŋwə gì laa, shəŋ ŋkɨə faŋ yi taa gə̀ shɔ, kaꞌ nsiŋ kee zìꞌ shɔ me, sii lùu laa kə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:24

Lùu ŋiꞌ nu ŋkɨə faŋ mə gì tɨ́ viŋ laa, viŋ ndɔ kukə nə vənu vəbwəvə viŋ tɔ viŋ. Ŋkee yinsəŋ viŋ ndɔ kukə nə vənu vəbwəvə viŋ tɔ viŋ, buꞌ faŋ viŋ kee biŋ laa mə lùu wə ntɨə faŋ mə lùu me.»

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.