Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12 - Vengo (Babungo)

¹² Maa yighee yɔ́ Yeso baa gì tɨ́ vɨɨ laa, «Mə lùu kiꞌ taa mbi. Wə ntɨə faŋ ŋwə beꞌsə mə, kaꞌ ŋwə kee baa tòꞌ fɨ taa mfiŋsə me, ŋwə taa ye məley faŋ ŋwə kɔ məbwey vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:12 ပူးပေါင်းရင်းမြစ်များ

Matiu 5:14

Viŋ lùu kiꞌ taa mbi. Ntɨꞌ yimɔ́ꞌ faŋ nyə lùu fuu kweꞌ, kaꞌ nyə kee ndenə me.

Lukas 2:32

Wee ŋwə̀ lùu yaa kiꞌ faŋ ŋwə də jɨɨ tɨ́ vɨɨ tətɔŋ fu, laa vəŋ ndɔ kɨɨ nə Nwi. Ŋwə ndɔ baa yɨsə vɨ bəŋsə vɨɨ Isirayl, faŋ lùu vɨɨ və nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:35

Yeso gi tɨ́ vəŋ laa, «Məley taa lùu ghɔ viŋ sheꞌ maa wee-fɨ-yighee. Bàw viŋ toꞌ gə vɨsɨ vɨsɨ maa yighee njyə faŋ məley ghɔ́ lùu ghɔ viŋ nə, buꞌ mfiŋsə taa kɔlə viŋ jɨɨ. Wə faŋ ŋwə toꞌ fɨ taa mfiŋsə, kee yaa kɨ kɨɨ nə fɔɔ ŋwə gə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:36

Bàw viŋ biŋ məley ghɔ́ faŋ ŋwə kɨ bii ghɔ viŋ nə, tɨ́ kaꞌ viŋ ndɔ lùu vɨɨ faŋ vəŋ kìi məley nɨzi.» Yeso nə gì yigi yɔ́, gə̀ kə̀ə shəŋ ndenə shɔ, laa vɨɨ kee baa yè ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:46

Mə fùu mbi yaa kiꞌ, laa wə tɨ̀ me wə faŋ ŋwə nùŋ fwi yi maa mə, kee baa tòꞌ fɨ taa mfiŋsə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:19

Məley nə jwi shɨ nsi, luu nə, vɨɨ kaw mfiŋsə shɔ̀ɔ məley ghɔ́. Ŋiꞌ nsɔꞌ Nwi lùu laa vɨɨ kàw mfiŋsə shɔ̀ɔ məley ghɔ́, yɨsə sheꞌ vənu vəbwəvə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:5

Yighee njyə faŋ mə kɨ bii taa mbi nyə̀, mə lùu məley taa mbi.»

Akts 13:47

Yia yɨ̀ nɨniŋ buꞌ laa tɨta Nwi nə gì laa, «Mə nùŋ ghɔ yaa kiꞌ tɨ́ vɨɨ tətɔŋ fu, laa a taa də jɨɨ məbwey vəlwaŋ tɨ́ vəŋ, gə kɔ maa vəndwə və mbi.»

Akts 26:23

Vəŋ nə duꞌtə vəŋ naysə laa Kristo, wuu məbweysə vɨɨ, ŋgwə faŋ Nwi kɔ̀ꞌnə nə, ndɔ ye ŋɨꞌ, baa luu mfɔŋ wə maa məywey fɨ shɨ yiku, kɨ fɨꞌtə nu məley Nwi tɨ́ ŋgwisə nyaa-nsiŋ nə tɨ́ vɨɨ tɔmə day, laa sɨ vəŋ ley.»

2 Pita 2:17

Vɨɨ vɔ́ lùu yaa koꞌ-fɨ-nsi faŋ ŋwə kee kìi muu me. Vəŋ baa lùu yaa mbɔꞌ fɨ taa yizɔ faŋ fɨɨ yaa kɨ shɔɔ saynə, tɨ́ kaꞌ mbɔꞌ yɔ́ kee baa jwì nə yighuu me. Nwi nùŋsə shəŋ tɨ́ vɨɨ vɔ́, faŋ luu ŋkee shəŋ taa mfiŋsə.

2 Pita 2:4

Viŋ kɔꞌ kɨɨ laa, yighee njyə faŋ ŋkee nshiisə-ŋiisə Nwi nə yɨ̀ nu bwə, Nwi nə kee mèꞌtə vəŋ me. Nwi nə kwaŋ vəŋ taa shəŋ wi faŋ ŋwə kee yaa kɨ ndɨɨnə me. Vɨ ka vəŋ nə vəsumə, vəŋ duꞌ taa shəŋ mfiŋsə, vəŋ taa goꞌ yifi gə ziꞌ tɨ́ shi nsɔꞌ Nwi.

1 Jɔn 1:6

Nsiŋ kɨ luu gi laa nsiŋ lùu fa kəmuꞌ, nsiŋ vɨ Nwi, luu nə, kɨ toꞌ fɨ taa mfiŋsə, buu nsiŋ sɨɨ ba, kee yɨ nu ŋkɨə faŋ ŋkə luu kəloomə me.

Ŋwaꞌlə Jud 1:13

Vəŋ baa lùu yaa muu faŋ mbə lùu mətatə, vənu vəbwəvə vəŋ luu yaa təfwi tə muu ntɨə faŋ muu fùu meꞌtə. Vəŋ baa lùu yaa məjwiŋ faŋ mbə mèꞌtə vəshəŋ vəvəŋ. Nɨniŋ, Nwi lòotə shəŋ tɨ́ vəŋ maa shəŋ ŋkɨə faŋ ŋkə lùu ŋkee kəfəŋ, laa vəŋ goꞌ shɔ yighee muꞌ.

Ŋwaꞌlə Jud 1:6

Nu mɔ́ꞌ lùu nu nshiisə-ŋiisə Nwi, faŋ vəŋ nə kee dùꞌ maa shəŋ ŋkɨə faŋ Nwi nə nùŋ vəŋ shɔ me. Vəŋ nyɨŋkə fɨ maa shəŋ kɔ́, Nwi kɨ nii mèꞌ vəŋ, kwaŋ vəŋ ŋkee taa mfiŋsə, ka vəŋ nə vəsumə və bwey, mbə goꞌsə yighee muꞌ, ndɔ gə zìꞌ maa shi kwalə ŋkɨə faŋ Nwi ndɔ sɔꞌ mbi.

Reveleyshən 21:24

Vɨɨ tətɔŋ fu toꞌ ye vədɨꞌ buꞌ məley wi. Vəfwàŋ fɨ shɨ nsi jwi nə yifwàŋ vəŋ sheꞌ tɨ́ shɨ kɔ́.