Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39 - Vengo (Babungo)

³⁹ Yeso nə gì yigi yɔ́ kɔ̀ŋ Zwitə Ley Nwi faŋ ŋkə ndɔ ŋii maa vɨɨ mbɨə faŋ vəŋ nùŋ fwisə vəŋ maa Nwi. Maa yighee yɔ́ vɨɨ nə kee ta kìi Zwitə Ley kɔ́ me, buꞌ laa Nwi nə kee ta kòꞌsə ndaw Yeso taa shəŋ yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:39 ပူးပေါင်းရင်းမြစ်များ

Matiu 16:14

Vəŋ gi laa, «Vɨɨ mɔ́ꞌ gisə laa a luu Jɔn, wuu məkɔ muu mə Nwi. Vəmɔ́ꞌ laa a luu Elias, vəmɔ́ꞌ laa a luu Jeremaya, tɨꞌnə me wuu mɔ́ꞌ fɨ taa ŋwaa nshiisə-ŋii sɔghɔ vəmwavə.»

Matiu 21:11

Nwaa vɨɨ vɔ́ bəŋsə tɨ́ vəŋ laa, «Lùu Yeso, nshiiŋii-sɔghɔ faŋ ŋwə ndɔ̀ fɨ ntɨꞌ Nazaret shɨ Galilii.»

Lukas 24:49

Viŋ zɔ! Mə taa tɔŋ Zwitə Ley Nwi faŋ Tii ŋwaa nə kɔ̀ꞌnə nə, tɨ́ viŋ. Viŋ duꞌ taa shɨ, zìꞌ maa shi ŋkɨə faŋ Nwi ndɔ kwaŋ wutə maa viŋ, faŋ ŋkə ndɔ fɨ yizɔ.»

Lukas 3:16

Jɔn bəŋsə tɨ́ vəŋ vənshə, gì laa, «Mə mɔꞌ lùu muu tɔ viŋ. Luu nə, wə ntɨə faŋ ŋwə weꞌ shɔɔ mə, ndɔ jwi kɨ kwaŋ luu Zwitə Ley Nwi maa viŋ, baa nə nsɔꞌ Nwi faŋ nyə twaŋ yibɨsə yinshə yaa wi. Ŋwə kwàlə shɔ̀ɔ mə. Mə kee bee kuꞌnə maa məfaꞌ vəfaꞌ və vəbuꞌ tɨ́ ŋwə, yaa məkeꞌtə kuu gɔsə wi me.

Lukas 7:16

Vɨɨ vənshə fee, bəŋsə Nwi, gì laa, «Ŋkee nshiiŋii-sɔghɔ kwalə fùu taa ŋwaa nsiŋ,» baa nə laa, «Nwi jwì kèe gəŋsə vɨɨ vi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:21

Vəŋ bitə tɨ́ ŋwə laa, «A kee luu Kristo ghɔ́ me, buu a lùu ndə? A luu Elias mu?» Ŋwə bəŋsə laa bey. Vəŋ laa ŋwə lùu nshiiŋii-sɔghɔ wì, faŋ vɨ kɨꞌ ŋwə nə mu? Ŋwə laa bey.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:25

Vəŋ baa bìtə tɨ́ ŋwə laa, «Sii yɨ kə, a kɔ muu mə Nwi tɨ́ vɨɨ, faŋ a kee lùu Kristo ghɔ́ me, tɨꞌnə me lùu Aysaya me, tɨꞌnə me lùu nshiiŋii-sɔghɔ wì me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:33

Jɔn nə gì laa, «Mə yaa kee kɨɨ nə ŋwə me. Luu nə, Nwi faŋ ŋwə nə tɔ̀ŋ mə laa mə jwi kɨ kɔ muu mə Nwi tɨ́ vɨɨ nə, gì shee kɔ̀ŋ ŋwə laa, «Wə ntɨə faŋ a ndɔ ye Zwitə Ley Nwi siꞌ jwì dùꞌ taa ŋwaa ŋwə, buu wə ghɔ́ lùu wə ntɨə faŋ ŋwə ndɔ kɨ kɔ Zwitə Ley Nwi tɨ́ vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:16

Faŋ nu kɔ́ nə fɔŋ lùu, vɨɨ məzwetə nu Yeso kee ta kɨ̀ɨ nə ŋiꞌ ki me. Nə luu sheꞌ maa yighee njyə faŋ Nwi kɔ̀ yikwalə tɨ́ Yeso, buu vəŋ lumə laa lùu nu ŋkɨə faŋ vɨ nə nyɔ̀ꞌ taa ŋwaꞌlə Nwi, laa ŋkə ndɔ gay, faŋ vɨ yɨ̀ maa Yeso nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:23

Faŋ Yeso nə zɔ laa vɨɨ Griik kəə ye ŋwə nə, ŋwə kɨɨ laa yighee yi kɨkuꞌ. Ŋwə gi tɨ́ vəŋ laa, «Yighee kɨ kuꞌ faŋ vɨɨ vənshə taa ye yikwalə Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:13

Fa tɨ̀ me fa faŋ viŋ ndwaŋ fɨ ghɔ Nwi maa yizii nyaa, buu mə taa yɨ̀sə laa viŋ kii, tɨ́ kaꞌ vɨɨ kɨ̀ɨ nə yikwalə Nwi fɨ yiba jɨŋ ŋwiŋ wi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:26

Wuu məgaŋtə faŋ luu Zwitə Ley faŋ Nwi ndɔ tɔŋ tɨ́ viŋ buꞌ mə, ndɔ twelə vənu vənshə tɨ́ viŋ, baa lùmə vənu vənshə tɨ́ viŋ faŋ mə nə nàysə tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:14

Ŋkə ndɔ kɨ koꞌsə yizii nyaa, buꞌ laa ŋkə ndɔ kɨ fi luu nu kaŋ, twelə tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:7

Mə naysə ŋkee nu yinsəŋ tɨ́ viŋ laa, lùu nu jəə tɨ́ viŋ faŋ mə gə nɨniŋ nə. Kaꞌ Zwitə Ley Nwi kee ndɔ jwi maa viŋ me, maa tɨ̀ lɨꞌ laa mə bɨ gə, gə̀ tɔ̀ŋ wuu məgaŋtə ghɔ́ tɨ́ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:1

Faŋ Yeso nə gì vənu vɔ́ mètə, ndèynə yizɔ, shɔꞌtə Nwi, gì laa lee, «Tɨta, yighee kùꞌ, də yikwalə ŋwiŋ wə tɨ́ mbi, tɨ́ kaꞌ vɨɨ kɨ̀ɨ nə yikwalə yə buꞌ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:5

Nɨniŋ, tɨta ŋwaa, baa kɔ yikwalə nyaa shee, faŋ mə jɨjwi yɨ ghɔ ndwə nə. Sɨ kii yikwalə mɔ́ꞌ shəŋ muꞌ, sheꞌ faŋ sɨ nə kìi yikwalə shəŋ muꞌ yighee vɨsɨ, shù fɨ maa yighee njyə faŋ mbi nə kee ta lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:22

Ŋwə nə gì nɨniŋ mètə, ndɔ̀ tàw zwitə maa vəŋ, gì laa, «Viŋ fi Zwitə Ley Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:14

Vɨɨ vɔ́ vənshə ye nu shuu yɔŋ ŋkɨə faŋ Yeso nə yɨ̀ yifi, vəŋ gi laa, «Yinsəŋ, luu ŋkee nshiiŋii-sɔghɔ nə, faŋ Nwi nə gì fɨshi laa ŋwə ndɔ jwì taa mbi shɨ nsi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:12

Vɨɨ mbɨə faŋ vəŋ nə luu yifi nə, shumə ŋwə. Vɨɨ mɔ́ꞌ gi laa ŋwə lùu wuu yinsəŋ. Vɨɨ mɔ́ꞌ twey, gì laa ŋwə toꞌ bweꞌsə vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:54

Yeso bəŋsə tɨ́ vəŋ laa, «Mə nii toꞌ kɨ koꞌsə ŋwaa ŋwaa, laa vɨ kɨ fee mə, buu lùu nu day day. Luu nə, kɔ sheꞌ Tii ŋwaa kɔ feenə shee. Tii ŋwaa faŋ viŋ gì laa luu Nwi wiŋ,

Akts 19:2

bìtə tɨ́ vəŋ laa, vəŋ nə fì Zwitə Ley Nwi yighee njyə faŋ vəŋ nùŋ fwisə vəŋ maa Kristo mu? Vəŋ bəŋsə tɨ́ ŋwə laa, «Bey, kɨ yia nə bee ta zɔ̀ laa Zwitə Ley Nwi shɔ me.»

Akts 2:17

«Nwi gì laa, yi ndɔ tu Zwitə Ley Nwi tɔ vɨɨ vənshə maa vəshi vəndwə, laa vaŋ viŋ, mbə vəndɔŋ nə mbə vəki, ndɔ kɨ naysə yigisə shuu Nwi. Zawə wiŋ ndɔ kɨ ye vəshwenə və Nwi. Gə fɨ maa vɨɨ taa viŋ, njyəəsə ndɔ kɨ shi vəŋ, laa vəŋ ye ŋiꞌ nu Nwi shɔ.

Akts 2:33

Nwi fuusə ŋwə fɨ shɨ yiku, nùŋ ŋwə maa kwiŋ maꞌnə Nwi, kɔ̀ Zwitə Ley Nwi tɨ́ ŋwə, faŋ Nwi nə kɔ̀ꞌnə nə. Ŋwə tù Zwitə Ley kɔ́ feenə ndwə, faŋ viŋ ye baa zɔ.

Akts 2:38

Pita gi tɨ́ vəŋ laa, «Viŋ kwiinə fwi siŋ, fì muu mə Nwi tɔ tɔ, maa yizii Yeso Kristo, laa Nwi ndenə vənu vəbwəvə viŋ faŋ viŋ nə yɨ̀sə, buu viŋ fi Zwitə Ley Nwi, faŋ Nwi taa key viŋ shɔ nə,

Akts 2:4

Vəŋ vənshə lwaŋ nə Zwitə Ley Nwi, tey kɨ gisə təghaŋ nɨŋkwiŋ nɨŋkwiŋ, faŋ yɨ̀sə Zwitə Ley Nwi kɔ́ laa vəŋ kɨ gisə.

Akts 3:13

Viŋ zɔ! Nwi vətɨɨ via Abraham nə Isak baa nə Jeykob, nəə bəŋsə wuu faꞌ wi Yeso. Luu ŋwə faŋ viŋ nə kɔ̀ tɨ́ goməna Pilate, baa twey ŋwə sɨ Pilate, faŋ ŋwə nə kəə meꞌtə ŋwə, ŋwə gə.

Akts 4:31

Faŋ vəŋ nə bùꞌ ghɔ tɨ́ Nwi nɨniŋ nə, shəŋ ŋkɨə faŋ vəŋ nə faynə shɔ nə, nəꞌnə, Zwitə Ley Nwi ŋii taa fwisə vəŋ vənshə. Vəŋ fɨꞌtə nu Nwi nə fwi yiweꞌ.

Roma 8:9

Gə̀ fɨ maa viŋ, viŋ kee toꞌ luu fɨ maa nuŋsə mbasə ŋwaa me. Viŋ toꞌ luu fɨ maa Zwitə Ley Nwi, buꞌ laa Zwitə Ley Nwi shi taa ŋwaa viŋ. Wə kɨ luu kee kìi Zwitə Kristo taa fwi ŋwə me, buu kaꞌ ŋwə kee lùu wuu Kristo me.

2 Kɔrintian 3:8

Faŋ ŋkə lùu nɨniŋ, buu faꞌ Zwitə Nwi taa luu kɨkə? Maa ŋkə bàw shɔ̀ɔ yiŋkii.

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.