Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:37 - Vengo (Babungo)

³⁷ Kɨ luu maa shi kwalə, faŋ lùu shi məndwə vəshi və kwalə vɔ́, Yeso ndɔ yizɔ, gì ŋkee nəŋay laa, «Wə tɨ̀ me wə faŋ too muu ywey ŋwə, bàw ŋwə jwi yɨ mə, nu muu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:37 ပူးပေါင်းရင်းမြစ်များ

Matiu 11:28

Yeso nə baa gì laa, «Viŋ jwi yɨ mə, viŋ vənshə, faŋ viŋ bwà fɨ maa vəfaꞌ faŋ mbə shɔ̀ɔ wutə kiŋ, tɨꞌnə me faŋ vəbiꞌ vədɨɨvə lùu tɔ viŋ, mə taa yɨsə viŋ shəŋ ŋwaa.

Matiu 3:3

Nɨniŋ, Jɔn nə luu ŋkee wə ntɨə faŋ nshiiŋii-sɔghɔ Aysaya nəə gisə kɔ̀ŋ ŋwə laa, «Gɨ wə luꞌ fɨ tɔɔ waꞌsə laa vɨ lootə jɨɨ Mɔꞌmbi, bɔ̀ŋsə fɔꞌ wi ŋwə neꞌtə.»

Matiu 5:6

Mənɔŋ-bwaŋnə tɨ́ vɨɨ mbɨə faŋ jɨŋ nu loomə zasə vəŋ, fwisə vəŋ baa yɔŋ buꞌ nu kɔ́, fɔnə vəŋ taa zwəkə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:23

Jɔn bəŋsə tɨ́ vəŋ laa, «Mə lùu gɨ wə faŋ nyə luꞌ fɨ tɔɔ waꞌsə laa, vɨ bɔŋsə jɨɨ Nwi, nyə neꞌtə.» Ŋwə nə gi yigi yɔ́ sheꞌ faŋ ŋkə lùu taa ŋwaꞌlə Aysaya, nshiiŋii-sɔghɔ wì.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:10

Yeso bəŋsə tɨ́ ŋwə laa, «A nii toꞌ kɨɨ nə vəkɔ və Nwi, nə wə ntɨə faŋ ŋwə gisə tɨ́ ghɔ laa, Kɔ mə nə muu mə nu, buu a bitə tɨ́ ŋwə, ŋwə kɔ ghɔ nə muu mə vəlwaŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:11

Wəzwi ghɔ́ gi tɨ́ ŋwə laa, «Tɨta, a kee kìi fa sùŋ muu shɔ fɨ taa yibɨɨ me, yibɨɨ yɔ́ baa lùu yigə, a taa ndi muu mə vəlwaŋ mbɔ́ fɨ fə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:14

Gə fɨ maa wə ntɨə faŋ mə kɔ muu mə vəlwaŋ mbɔ́ tɨ́ ŋwə, ŋwə nu, kaꞌ twey-muu ndɔ kee baa ywey ŋwə me. Muu mbɨə faŋ mə kɔ̀ tɨ́ ŋwə nə, kiasə gù koꞌ-fɨ-nsi taa fwi ŋwə, muu fuu fɨ fuŋ, yɨ̀sə ŋwə kii məbwey vəlwaŋ faŋ ŋwə gòꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:40

Luu nə, viŋ kee kaw jwi yɨ mə me, tɨ́ kaꞌ viŋ kìi məbwey vəlwaŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:35

Ŋwə gi tɨ́ vəŋ laa, «Lùu mə lùu fazɨ kɔ́ faŋ ŋkə kɔ məbwey tɨ́ vɨɨ. Wə tɨ̀ me wə faŋ ŋwə jwi yɨ mə, kaꞌ jɨŋ kee baa zà ŋwə me; twey-muu kee baa ywey ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:37

Vɨɨ mbɨə faŋ Tii ŋwaa kɔ laa lùu vɨɨ vaŋ, vɨɨ vɔ́ vənshə taa kɨ jwi yɨ mə. Wə tɨ̀ me wə faŋ ŋwə jwi yɨ mə, mə kee taa jɔŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:55

Mbasə ŋwaa ŋwaa luu ŋkee fazɨ yinsəŋ, mənshi maa luu ŋkee fa nu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:28

Nɨniŋ, faŋ Yeso nəə deesə taa ŋii Nwi nə, ŋwə gi ŋkee nəŋay laa, «Viŋ gì laa viŋ kɨɨ nə mə lee, ndɔ̀ gì laa viŋ kɨ̀ɨ nə shəŋ ŋkɨə faŋ mə ndɔ̀ fɨ fuŋ mu? Nɨniŋ, baw viŋ kɨɨ laa mə kee jwì maa nshɨ-tɔ ŋwaa me. Mə ndɔ̀ fɨ ghɔ wə ntɨə faŋ ŋwə luu ŋkee shətə wuu yinsəŋ, faŋ ŋwə nə tɔ̀ŋ mə. Luu nə, viŋ kee kɨɨ nə ŋwə me.

1 Kɔrintian 10:21

Jɨɨ kee lùu shɔ, tɨ́ kaꞌ viŋ nu məluꞌ taa ndaw Yeso Kristo, baa kìasə nu məluꞌ fɨ taa ndaw zwitə bwə me. Sheꞌ nɨniŋ, jɨɨ kee lùu shɔ, tɨ́ kaꞌ viŋ zɨ̀ fazɨ taa ŋii Nwi, baa kìasə zɨ̀ fazɨ taa ŋii zwitə bwə me.

1 Kɔrintian 10:4

Vəŋ vənshə nə nù muu mbɨə faŋ Nwi nə kɔ̀ tɨ́ vəŋ. Muu mbɨə faŋ vəŋ nə nu nə, nə fùu fɨ taa kweꞌ njyə faŋ ghɔ vɨ kweꞌ ghɔ́ nəə toꞌ mɔ́ꞌ nə. Kweꞌ ghɔ́ nə luu Yeso Kristo.

1 Kɔrintian 11:25

Faŋ vəŋ nə zɨ, tɨta Yeso baa ndɨ̀ ndaw məluꞌ, gì laa, «Ndaw nyə̀ lùu shwenə məkee məfimə faŋ Nwi gwìa tɨ́ vɨɨ buꞌ mənshi maa. Viŋ taa kɨ yɨsə nɨniŋ ghee nshə faŋ viŋ nu məluꞌ mbɔ́ nə. Nɨniŋ maa məlumə mə.»

1 Kɔrintian 12:13

Faŋ nsiŋ kɔlə lùu nɨŋkwiŋ nɨŋkwiŋ nə, faŋ vɨɨ mɔ́ꞌ lùu vɨɨ Jus, vəmɔ́ꞌ lùu vɨɨ Griik, vɨɨ mɔ́ꞌ baa lùu vəbuꞌ, vɨɨ mɔ́ꞌ kee lùu vəbuꞌ me, nsiŋ vənshə nə fì Zwitə Nwi kɔ́ kəmuꞌ.

Efesɔs 5:18

Kɨ viŋ kɨ nu məluꞌ mbə kɨ shɔɔ sɨ viŋ me, buꞌ laa nshinə yibwə fuu fɨ fuŋ. Viŋ kɨ yɨ laa lwaŋ sheꞌ Zwitə Nwi taa fwisə viŋ.

Reveleyshən 21:6

Ŋwə nə baa gì shee laa, «Ŋkə gay nɨniŋ. Gì mə nɨniŋ, faŋ mə lùu vɨsɨ, nə yiba. Mə lùu vənzi, baa lùu vəndwə. Mə taa kɨ kɔ muu mə məbwey faŋ mbə fuu fɨ taa koꞌ-fɨ-nsi, tɨ́ wə faŋ fwi yi yɔ̀ŋ. Mə kɔ muu mbɔ́ sheꞌ dayday.

Reveleyshən 22:1

Nshiiŋii Nwi yɔ́ baa də̀ muu mə məbwey shee, mbə nə fùu fɨ maa kenə Nwi ghɔ bi-njɨɨ yɔ́, ndwaꞌlə yaa ŋwaꞌlə məye sɨ,

Reveleyshən 22:17

Zwitə Ley Nwi nə wəzwi məndaa (faŋ ŋwə kɨꞌ Kristo nə), gì laa, «Jwi!» Wə ntɨə faŋ ŋwə zɔ, taa baa luu gì laa, «Jwi!» Wə ntɨə faŋ too muu ywèy ŋwə, ŋwə jwi. Wə ntɨə faŋ ŋwə kəə muu mə məbwey, jwi fi, vɨ kɔ tɨ́ ŋwə dayday.