Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:28 - Vengo (Babungo)

²⁸ Nɨniŋ, faŋ Yeso nəə deesə taa ŋii Nwi nə, ŋwə gi ŋkee nəŋay laa, «Viŋ gì laa viŋ kɨɨ nə mə lee, ndɔ̀ gì laa viŋ kɨ̀ɨ nə shəŋ ŋkɨə faŋ mə ndɔ̀ fɨ fuŋ mu? Nɨniŋ, baw viŋ kɨɨ laa mə kee jwì maa nshɨ-tɔ ŋwaa me. Mə ndɔ̀ fɨ ghɔ wə ntɨə faŋ ŋwə luu ŋkee shətə wuu yinsəŋ, faŋ ŋwə nə tɔ̀ŋ mə. Luu nə, viŋ kee kɨɨ nə ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:28 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 2:23

Ŋwə kɨ nii shɔ̀ɔ gə̀ shɨ Galilii, gə̀ kɨ shi maa ntɨꞌ yimɔ́ꞌ faŋ vɨ tii nə Nazaret. Nɨniŋ, ŋkə faynə maa nu ŋkɨə faŋ nshiiŋii-sɔghɔ nə nàysə laa, vɨ taa kɨ tii ŋwə nə wuu Nazarini.

Matiu 26:55

Yeso kɨ nii gì tɨ́ nwaa vɨɨ vɔ́ laa, «Viŋ jwi nə vəbaꞌ nə mbaysə, jwi jia mə yaa viŋ jwi jia ndɔꞌ lee? Vəshi vəshi mə yaa duꞌ taa ŋii Nwi yikwalə, deesə shɔ, viŋ kee bee jìa mə me.

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Lukas 2:11

Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Lukas 2:39

Nshu Yeso ghɔ tii wi yɨsə vənu vənshə, faŋ nuŋsə Nwi naysə nə, kɨ nii baa ndɔ̀ fɨ ntɨꞌ Jerusalem, bə̀ŋ gə shɨ Galilii, taa ntɨꞌ vəŋ, Nazaret.

Lukas 2:4

Josef baa luu ndɔ̀ fɨ ntɨꞌ Nazaret shɨ Galilii, gə̀ ntɨꞌ Betelehem fɨ Judia, faŋ nə luu ntɨꞌ Deyvid. Ŋwə nə gə Betelehem, buꞌ laa ŋwə nə luu wuu ŋiꞌ ŋii fwàŋ Deyvid.

Lukas 2:51

Ŋwə kɨ nii ndɔ̀, ghɔ vɨ vəŋ siꞌ bəŋ gə Nazaret, ŋwə nə zɔnə vəŋ. Nshu wi nuŋsə vənu vɔ́ vənshə taa fwi ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:46

Nataniel gi tɨ́ ŋwə laa, «Kaꞌ nu jəə ndɔ fùu fɨ ntɨꞌ Nazaret mu?» Filip gi tɨ́ ŋwə laa ŋwə jwi ye.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:36

Nɨniŋ, sii yɨ̀ kə viŋ gi laa mə ndà Nwi, buꞌ faŋ mə gì laa mə faŋ Tii ŋwaa nə shòꞌ mə, baa tɔ̀ŋ mə taa mbi nyə̀, mə lùu Wee Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:49

Lùu nɨniŋ buꞌ laa mə nəə kee gisə sheꞌ nə nshɨ-tɔ ŋwaa me. Tii ŋwaa faŋ ŋwə nə tɔ̀ŋ mə, nə tɨ̀ mə nə nu ŋkɨə faŋ mə taa kɨ naysə, baa nə yigi njyə faŋ mə taa kɨ gisə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:10

A kee yibiŋ laa yia tɨta Nwi lùu fa kəmuꞌ yimu? Laa mə lùu taa fwi Tii ŋwaa, Tii ŋwaa luu taa fwi mə yimu? Vənu mbɨə faŋ mə gisə, mə kee gisə nə wutə kaŋ me, luu tɨta Nwi faŋ ŋwə lùu taa fwi mə, faŋ ŋwə faꞌ vənu mbɨə faŋ mə yɨsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:31

Mə yɨ sheꞌ nu ŋkɨə faŋ Tii ŋwaa gì laa mə yɨ, tɨ́ kaꞌ mbi nyə̀ kɨɨ laa mə kaw Tii ŋwaa. - Ŋkə kuꞌ. Viŋ ndɔ, nsiŋ gə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:3

Vəŋ taa yɨ̀sə vənu vɔ́, buꞌ laa vəŋ kee kɨɨ nə Tii ŋwaa me, kee kɨɨ nə mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:25

Tɨta, tɨɨ vənu və loomə, mbi kee kɨɨ nə ghɔ me, kɨɨ sheꞌ mə nə ghɔ. Gə fɨ maa vɨɨ vaŋ vɔ́, vəŋ kɔꞌ kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33

Wə ntɨə faŋ ŋwə bìŋ nu ŋkɨə faŋ ŋwə gisə, biŋ laa Nwi lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:32

Nɨniŋ, wə mɔ́ꞌ shɔ faŋ ŋwə gisə kɔ̀ŋ mə (laa mə lùu Wee Nwi yinsəŋ). Mə kɔꞌ kɨɨ laa ŋwə gisə yinsəŋ kɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:43

Viŋ kee bìŋ mə faŋ mə jwi maa yizii Tii ŋwaa nə me. Kɨ luu wə mɔ́ꞌ jwi sheꞌ nə ŋkii nu, viŋ biŋ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:42

Vəŋ gi laa, «Maa wə ŋwə̀ lùu Yeso, wee Josef. Tii wi nə nshu wi lùu vɨɨ faŋ nsiŋ kɨ̀ɨ nə vəŋ. Sii kaꞌ ŋwə gì laa yi jwì fɨ yizɔ kɨkə?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:14

(Vəshi və zwisə vɔ́, vɨ nəə zɨ maa yiwiŋ ŋkwəŋ.) Fəwiŋ fɔ́ kɨ gaasə nɨntəŋ, Yeso koꞌ gə̀ ŋìi taa ŋii Nwi yikwalə, kɨ deesə nu Nwi shɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:14

Yeso bəŋsə tɨ́ vəŋ laa, «Nu ŋkɨə faŋ mə gisə, lùu nu yinsəŋ faŋ mə kɔlə gisə nu ŋwaa kaŋ, buꞌ laa mə kɔꞌ kɨɨ nə shəŋ ŋkɨə faŋ mə ndɔ̀ fɨ fuŋ, nə shəŋ ŋkɨə faŋ mə gə shɔ. Gə̀ fɨ maa viŋ, viŋ kee kɨ̀ɨ nə shəŋ ŋkɨə faŋ mə ndɔ̀ fɨ fuŋ me, kee kɨ̀ɨ nə shəŋ ŋkɨə faŋ mə gə shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:16

Kɨ luu laa mə shia nsɔꞌ, mə shia yiloomə buꞌ laa mə kee lùu nɨnɔŋ me; mə lùu yia wə ntɨə faŋ ŋwə nə tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:19

Vəŋ bitə tɨ́ ŋwə laa, «Tii wə bə?» Yeso bəŋsə tɨ́ vəŋ laa, «Viŋ kee kɨɨ nə mə me, kee kɨɨ nə Tii ŋwaa me. Viŋ toꞌ kɨɨ nə mə, buu viŋ kɨ̀ɨ nə Tii ŋwaa nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:26

Vənu shɔ vəyaŋ maa məgi kɔ̀ŋ viŋ, nə maa məsɔꞌ nsɔꞌ tɔ viŋ. Luu nə, wə ntɨə faŋ ŋwə nə tɔ̀ŋ mə, lùu wuu yinsəŋ. Mə naysə vənu tɨ́ vɨɨ, luu mbə faŋ naysə ŋwə shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:42

Yeso gi tɨ́ vəŋ laa, «Nii toꞌ lùu yinsəŋ laa Nwi lùu tii wiŋ, buu viŋ kɨ kaw mə, buꞌ laa mə ndɔ̀ fɨ yɨ Nwi, baa lùu ŋwiŋ wi. Mə kee jwì maa yizii nyaa me, nə tɔ̀ŋ Nwi tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:29

Yia kɔꞌ kɨɨ laa ŋkee fɨshi Nwi nə gì tɨ́ Mose. Gə̀ fɨ maa wə ŋwə̀, yia kee kɨɨ nə fɔɔ faŋ ŋwə ndɔ̀ fɨ fuŋ me.»

Akts 17:23

Mə yaa toꞌ fɨ taa shɨ viŋ, yè vəshəŋ mbɨə faŋ viŋ bəŋsə vənwi viŋ shɔ nə. Shəŋ məkɔ Nwi mɔ́ꞌ lùu shɔ faŋ vɨ nyɔ̀ꞌ fuu yi laa, «Tɨ́ Nwi ŋgwə faŋ vɨ kee kɨ̀ɨ nə ŋwə me.» Nwi ŋgwə faŋ viŋ kee kɨ̀ɨ nə ŋwə nə me, luu ŋwə faŋ mə fɨꞌtə nu ki tɨ́ viŋ ndwə.

Roma 1:28

Nwi mèꞌtə vəŋ laa yitɔ yivəŋ kùkə, buꞌ laa vəŋ nə kee biŋ jia nu ŋkɨə faŋ vəŋ nə kɨɨ kɔ̀ŋ Nwi fɨ taa fwisə vəŋ me. Nɨniŋ, vəŋ yɨsə vənu vənshə faŋ mbə kee yikuꞌnə me.

Roma 3:4

Kaꞌ Nwi kee shoꞌ məlɨꞌtə wi me. Nwi luu ŋkee wuu yinsəŋ. Luu nə, wə mənsaw lùu wuu təba. Luu sheꞌ faŋ ŋkə lùu taa ŋwaꞌlə Nwi laa, «O Nwi, vɨ kɨ shoꞌ vənu və maa nsɔꞌ, a fuu yaa wuu loomə sheꞌ buꞌ yigisə yə; a taa ghɔꞌ nu vɨɨ vənshə.»

2 Kɔrintian 1:18

Bey, ŋkee maa yinsəŋ Nwi, yigisə yia tɨ́ viŋ kee lùu ɔŋ nə bey me.

2 Kɔrintian 4:6

Nwi, faŋ ŋwə nə gì laa, «Bàw məley kɨ bee, fùu fɨ taa mfiŋsə,» ŋwə baa yɨ̀sə məley bee taa fwisə yia, maa məkɔ tɔ ley tɨ́ yia, tɨ́ kaꞌ yia kɨ̀ɨ nə yikwalə Nwi, faŋ nyə fùu ntee taa ŋwaa Kristo.

Taytəs 1:2

Mə faꞌ faꞌ ghɔ́ buꞌ laa mə kɨꞌ məbwey vəlwaŋ faŋ ŋwə gòꞌsə yighee muꞌ. Nshɨ-tɔ Nwi faŋ ŋwə kee yaa kɨ sɨɨ ba me, nə kɔ̀ꞌnə shù fɨshi maa məndɔ kɔ məbwey vəlwaŋ ghɔ́ tɨ́ vɨɨ.

Hibru 6:18

Nɨniŋ nə, Nwi də̀ maa jɨɨsə səbɔɔ laa ŋkɔꞌnə yi lùu yinsəŋ. Kaꞌ Nwi kee sɨ̀ɨ ba shɔ me. Ŋkɔꞌnə Nwi yɔ́ nə məlɨꞌtə ghɔ́ kɔ̀ wutə tɨ́ nsiŋ, tɨ́ kaꞌ nsiŋ jìa fwi nɨzi, kɨ tə sɨ maa nu ŋkɨə faŋ Nwi kɔ̀ꞌnə tɨ́ nsiŋ nə.

1 Jɔn 5:10

Nɨniŋ, wə ntɨə faŋ ŋwə nùŋ fwi yi maa Wee Nwi, buu nu məbiŋ kɔ́, faŋ Nwi twèlə tɨ́ ŋwə nə, gòꞌsə taa fwi ŋwə. Wə ntɨə faŋ ŋwə kee bìŋ yigisə Nwi me, buu wə ghɔ́ tii Nwi nə wuu ba, buꞌ faŋ ŋwə kee bìŋ nu ŋkɨə faŋ Nwi twelə buꞌ ŋwiŋ wi me.