Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:12 - Vengo (Babungo)

¹² Vɨɨ mbɨə faŋ vəŋ nə luu yifi nə, shumə ŋwə. Vɨɨ mɔ́ꞌ gi laa ŋwə lùu wuu yinsəŋ. Vɨɨ mɔ́ꞌ twey, gì laa ŋwə toꞌ bweꞌsə vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:12 ပူးပေါင်းရင်းမြစ်များ

Matiu 10:25

Ŋkə kùꞌnə tɨ́ wuu məzwetə nu laa ŋwə lùu yaa wuu mədeesə wi, baa kùꞌnə tɨ́ buꞌ, laa ŋwə lùu yaa tii wi. Vɨ nə tìi mə nə tɨɨ vəzwitə vəbwəvə, faŋ mə lùu tɨɨ fu tɨ́ viŋ nə. Nɨniŋ, vɨ nə taa tii viŋ vaŋ nə kə?»

Matiu 21:46

Nɨniŋ, vəŋ kəə kɨ jia ŋwə, luu nə, fèe vɨɨ mbɨə faŋ vəŋ nə bàytə yifi, buꞌ laa vɨɨ vɔ́ nə bìŋ laa Yeso lùu nshiiŋii-sɔghɔ.

Matiu 27:63

gì laa, «Tɨta, yia lumə laa wuu təba wì nə gì maa yighee njyə faŋ ŋwə nəə kɨ bii mbi, laa yi taa ywey fɨ shɨ yiku faŋ vəshi vətia taa shɔɔ.

Lukas 18:19

Yeso gi tɨ́ ŋwə laa, «A tìi mə nə wuu jəə buꞌ kə? Wə kee lùu shɔ faŋ ŋwə bàw me, bàw sheꞌ Nwi nɨnɔŋ wi.

Lukas 23:47

Faŋ tɨɨ vəsogeꞌ nə yè nu ŋkɨə faŋ ŋkə gày, ŋwə bəŋsə Nwi, gì laa, «Yinsəŋ, wə ŋwə̀ nə luu wuu loomə.»

Lukas 23:50

Wə mɔ́ꞌ nə luu shɔ, yizii yi lùu Josef. Ŋwə nə luu shɨꞌ fɨ shɨ, baa lùu wuu jəə, vənu vi lùu vəloomə.

Lukas 6:45

Sheꞌ nɨniŋ, wuu jəə yaa kɨ nuŋsə vətɔ vəjəəvə taa fwi ŋwə, fuusə fa jəə fɨ fuŋ. Wuu bwə nuŋsə sheꞌ vətɔ vəbwəvə, fùusə vətɔ vəbwəvə fɨ fuŋ nɨzi. Lùu nɨniŋ buꞌ laa yigi wə faŋ ŋwə gisə, luu sheꞌ nu ŋkɨə faŋ ŋkə lwàŋ taa fwi ŋwə.»

Lukas 7:16

Vɨɨ vənshə fee, bəŋsə Nwi, gì laa, «Ŋkee nshiiŋii-sɔghɔ kwalə fùu taa ŋwaa nsiŋ,» baa nə laa, «Nwi jwì kèe gəŋsə vɨɨ vi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:14

Vɨɨ vɔ́ vənshə ye nu shuu yɔŋ ŋkɨə faŋ Yeso nə yɨ̀ yifi, vəŋ gi laa, «Yinsəŋ, luu ŋkee nshiiŋii-sɔghɔ nə, faŋ Nwi nə gì fɨshi laa ŋwə ndɔ jwì taa mbi shɨ nsi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:32

Vɨɨ Farisii zɔ faŋ vɨɨ lulə kɔ̀ŋ yigisə Yeso yɔ́, vəŋ faynə ghɔ vɨ vɨɨ kwalə məfeꞌ Nwi, tɔ̀ŋ vɨɨ faꞌ vəŋ laa vɨ jia ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:47

Vɨɨ Farisii gi tɨ́ vəŋ laa, «Vɨ baa kɨ luu bwèꞌsə viŋ nɨzi mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:52

Vəŋ taw ŋwə laa, «A lùu wuu Galilii nɨzi mu? Kəə fɨ taa ŋwaꞌlə Nwi. A taa ye laa kaꞌ nshiiŋii-sɔghɔ kee fùu fɨ shɨ Galilii me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:16

Vɨɨ mɔ́ꞌ fɨ taa ŋwaa vɨɨ Farisii gi laa, «Kaꞌ wə ŋwə̀ kee ndɔ̀ fɨ ghɔ Nwi me, buꞌ faŋ ŋwə kee nùŋsə nuŋsə shi zwisə Nwi me.» Vɨɨ mɔ́ꞌ gi laa, «Sii kaꞌ wuu məyɨ vənu vəbwəvə yɨsə nu shuu yɔŋ nee kɨkə?» Nɨniŋ, vəŋ gaasə yiŋwaa vəway vəbɔɔ.

Akts 11:24

Barnabas nə luu ŋkee wuu jəə, Zwitə Ley Nwi lwaŋ taa fwi ŋwə. Ŋwə nuŋ fwi yi yinshə maa Kristo. Nɨniŋ, vɨɨ vəyaŋ kuꞌsə maa nwaa vɨɨ məbiŋ Kristo.

Roma 5:7

Maa wə kee yaa kɨ yasə biŋ yiku tɔ wə mɔ́ꞌ faŋ nu ki lùu kəloomə me. Kaꞌ yighee mɔ́ꞌ wə kà fwi, bìŋ yiku tɔ wuu jəə, faŋ ŋwə yɨsə ŋkee vənu vəjəəvə.

Filipi 2:14

Faꞌ tɨ̀ me faꞌ faŋ viŋ faꞌ, viŋ faꞌ jəə, kee kɨ lulə me, kee kɨ tay me.