68 Saymon Pita bəŋsə tɨ́ ŋwə laa, «Tɨta, yia sii nyɨŋ ghɔ, yia baa bèꞌsə ndə? A kìi yigi faŋ nyə kɔ yia nə məbwey vəlwaŋ.
Saymon Pita gi laa, «A luu Kristo, baa luu Wee Nwi yinsəŋ.»
Ŋwə baa kɨ bìtə tɨ́ vəŋ laa, «Gə fɨ maa viŋ, viŋ gì ŋkiŋ laa mə lùu ndə?» Pita bəŋsə tɨ́ ŋwə laa, «A luu Kristo.» (Faŋ lùu laa wə faŋ Nwi tɔ̀ɔlə ŋwə.)
Ŋwə baa bìtə tɨ́ vəŋ laa, «Gə fɨ maa viŋ, viŋ gì ŋkiŋ laa mə lùu ndə?» Pita gi laa, «A luu Kristo, Wee Nwi.»
Lùu nɨniŋ buꞌ laa mə nəə kee gisə sheꞌ nə nshɨ-tɔ ŋwaa me. Tii ŋwaa faŋ ŋwə nə tɔ̀ŋ mə, nə tɨ̀ mə nə nu ŋkɨə faŋ mə taa kɨ naysə, baa nə yigi njyə faŋ mə taa kɨ gisə.
Mə kɔꞌ kɨɨ laa, ntɨ yi yɔ́ kɔ məbwey faŋ ŋwə gòꞌsə yighee muꞌ. Nɨniŋ, mə gisə vənu vənshə sheꞌ faŋ tɨta Nwi nə nàysə shee.»
Lùu nɨniŋ buꞌ laa mə nə nàysə yigisə yə, faŋ a nə kwàŋ taa fwi mə, tɨ́ vəŋ, vəŋ biŋ, kɨ̀ɨ yinsəŋ laa mə nə ndɔ̀ fɨ yɨ ghɔ, baa biŋ laa nə tɔ̀ŋ ghɔ tɔ̀ŋ mə.
Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.
Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»
Viŋ zɔ! Kɔ Zwitə Nwi kɔ məbwey tɨ́ wə. Kɨ ŋkə kee luu ŋkee nu mbasə ŋwaa me. Maa lùu ghaŋ tii mə gì tɨ́ viŋ nə. Yigi njyə faŋ mə gi tɨ́ viŋ nə, ndɔ yɨsə Zwitə Ley Nwi ŋii taa ŋwaa vɨɨ, vəŋ zɨ məbwey vəlwaŋ.
Vaŋ-nshwi vaŋ, faŋ viŋ lùu vaŋ ŋiꞌ ŋii Abraham, tɨꞌnə me vɨɨ vəmɔ́ꞌ faŋ vəŋ fee Nwi nɨzi, viŋ kɔꞌ kɨɨ laa Nwi tɔ̀ŋ nu ŋkɨə faŋ ŋkə bweysə vɨɨ tɨ́ nsiŋ.
Kaꞌ wə kee kìi məbwey fɨ ghɔ wə dɨday me. Nwi kɔ sheꞌ Yeso tɨ́ nsiŋ laa nsiŋ ndɔ kii məbwey vəlwaŋ, faŋ nsiŋ bìŋ yizii Yeso yɔ́.»
«Viŋ gə tɨŋnə taa ŋii Nwi yikwalə, kɨ naysə vənu və məbwey vənshə tɨ́ vɨɨ.»
Luu sheꞌ Mose ghɔ́ faŋ ŋwə nə luu ghɔ vɨɨ Isirayl taa tɔɔ waꞌsə, shəŋtə vəŋ nə, faŋ ŋwə nə kòꞌ fuu baŋ Sinai, nshiiŋii Nwi gi tɨ́ ŋwə, ŋwə bəŋ siꞌ gə̀ nàysə tɨ́ vətɨɨ vaŋ-nsiŋ. Ŋwə nə fì yigisə Nwi kɔ̀ŋ məbwey, shɔ̀ɔsə tɨ́ nsiŋ.
Filip gi tɨ́ ŋwə laa, «A nùŋ fwi yə maa Kristo, kee bɨbɨꞌtə me, buu kaꞌ a fi.» Ŋwə gi laa, «Mə biŋ laa Yeso Kristo lùu Wee Nwi.»]