Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51 - Vengo (Babungo)

⁵¹ Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51 ပူးပေါင်းရင်းမြစ်များ

Matiu 20:28

Fɔnə Wuu yinsəŋ Nwi nə kee jwì laa vɨɨ kɨ faꞌ tɨ́ ŋwə me. Ŋwə nə bee kii jwi maa məfaꞌ tɨ́ vɨɨ, kɔ̀ ŋwaa wi tɨ́ yiku maa məbweysə vɨɨ vəyaŋ.»

Lukas 22:19

Ŋwə baa ndì bee, shɔ̀ꞌtə Nwi, bɨ̀ꞌtə, kɔ̀ tɨ́ vəŋ, gì laa, «Lùu ŋwaa ŋwaa nə, [faŋ mə ndɔ kɔ tɔ viŋ. Viŋ ndɔ kɨ yɨsə nɨniŋ, lumə mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:14

Yigi yɔ́ nə kìasə gù wə, shi taa ŋwaa nsiŋ. Yia ye feenə wi, faŋ tɨta Nwi nə kɔ̀ tɨ́ ŋwə, buꞌ laa ŋwə lùu yigɨꞌ Wee Nwi. Ŋwə kee gəŋsə vɨɨ dɨdɨꞌ, ndɔ lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:26

Wə ntɨə faŋ ŋwə lùu yinyay ndwə ndwə, nùŋ fwi yi maa mə, kaꞌ ŋwə kee ku me, gòꞌsə yighee muꞌ. A bìŋ nɨniŋ mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:13

Tuu wə nə kee ta koꞌ gə̀ yizɔ me. Nɨniŋ, wə muꞌ nə sìꞌ fɨ taa yizɔ. Wə ghɔ́ lùu Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:14

Ŋkee fɨ shi Mose nə ndì zɔ faŋ vɨ nə nàysə fɨ maa bwey, bèy maa tɨ, shàꞌsə yizɔ taa tɔɔ waꞌsə. Sheꞌ nee, vɨ ndɔ ghaa shaꞌsə Wuu yinsəŋ Nwi yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:16

Nwi nə kàw mbi dɨdɨꞌ, tɔ̀ŋ yigɨꞌ ŋwiŋ wi laa, vɨɨ vənshə faŋ vəŋ nùŋ fwisə vəŋ maa ŋwə, kee ndɔ ndi me, zɨ̀ məbwey vəlwaŋ faŋ ŋwə gòꞌsə yighee muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36

Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:33

Fazɨ yiŋkii kɔ́, faŋ Nwi kɔ tɨ́ vɨɨ nə, lùu ŋkɨə faŋ ŋkə ndɔ̀ fɨ yizɔ, jwi kɔ məbwey tɨ́ vɨɨ taa mbi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:35

Ŋwə gi tɨ́ vəŋ laa, «Lùu mə lùu fazɨ kɔ́ faŋ ŋkə kɔ məbwey tɨ́ vɨɨ. Wə tɨ̀ me wə faŋ ŋwə jwi yɨ mə, kaꞌ jɨŋ kee baa zà ŋwə me; twey-muu kee baa ywey ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:41

Faŋ ŋwə nə gì nɨniŋ nə, vɨɨ Jus tey kɨ lulə ŋwə, buꞌ faŋ ŋwə nə gì laa yi luu fazɨ kɔ́ faŋ ŋkə ndɔ̀ fɨ yizɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:47

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, kii məbwey faŋ ŋwə kee yaa kɨ mè me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:48

Mə lùu fazɨ ŋkɨə faŋ ŋkə kɔ məbwey tɨ́ vɨɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:50

Gə̀ fɨ maa fazɨ yinsəŋ kɔ́ faŋ ŋkə ndɔ̀ fɨ yizɔ nə, wə tɨ̀ me wə faŋ ŋwə zɨ fazɨ kɔ́, kee ndɔ baa ku me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:38

Wə ntɨə faŋ ŋwə nùŋ fwi yi maa mə, yuu ŋkə lùu taa ŋwaꞌlə Nwi, buu muu mbɔ́ faŋ mbə kɔ məbwey, taa kɨ fuu fɨ taa fwi ŋwə.»

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

2 Kɔrintian 5:21

Nwi nə yɨ̀sə laa wə ntɨə faŋ ŋwə nə kee kɨ̀ɨ nə nu bwə me, biꞌ yibɨsə nyaa-nsiŋ, tɨ́ kaꞌ nsiŋ lùu vɨɨ loomə vɨsɨ Nwi.

Efesɔs 5:2

Viŋ kɨ toꞌ yitoꞌ yiŋ nə ŋkawnə, sheꞌ faŋ Kristo nə kàw viŋ nə, kù tɔ nsiŋ nə, vɨ feꞌ ŋwə shɔ tɨ́ Nwi. Ŋkə nə bàw tɨ́ Nwi nɨniŋ.

Efesɔs 5:25

Gə fɨ maa viŋ, vəndɔŋ, viŋ kɨ kawnə vəki viŋ, sheꞌ faŋ Kristo nə kàw nwaa vɨɨ vi, kù tɔ vəŋ nə.

Taytəs 2:14

faŋ ŋwə nə kɔ̀ ŋwaa wi, kù tɔ nsiŋ, fùusə nsiŋ fɨ taa vənu vəbwəvə vaŋ-nsiŋ vənshə, laa nsiŋ kɨ nii lùu vɨɨ ley, baa lùu ŋkee mbii vɨɨ, kəə sheꞌ maa məyɨ vənu vəjəəvə.

Hibru 10:20

Yeso nə ŋàꞌsə jɨɨ yifi yɔ́ nə mənshi mi. Nshɨ-tɔ Yeso lùu jɨɨ tɨ́ nsiŋ, faŋ kaꞌ nsiŋ shɔ̀ɔ fɨ fuŋ, gə̀ shəŋ ŋkɨə faŋ Nwi lùu shɔ. Ŋwə lùu yaa njwi shuufɔ faŋ nyə yaa kɨ shitə shəŋ ley Nwi taa vəbee və Nwi nə; kaꞌ wə kee gə yɨ Nwi, tɨ̀ lɨꞌ ŋwə shɔ̀ɔ fɨ yifi me.

1 Pita 2:4

Nɨniŋ, viŋ goꞌsə viŋ vɨ Yeso, fɔnə ŋwə lùu ŋoꞌ yibwey. Vɨɨ nə mèꞌ ŋoꞌ yɔ́, luu nə, Nwi ndi ŋoꞌ yɔ́ laa lùu ŋoꞌ yijəə, shɔ̀ɔ ŋoꞌsə sənshə.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

1 Jɔn 4:10

Nɨniŋ ghɔ́, ŋiꞌ nu ŋkɨə faŋ nsiŋ vɨ Nwi kawnə, kee lùu laa zì nsiŋ kɨ kaw Nwi me, lùu laa, nə tèy Nwi kɨ kaw nsiŋ, tɔ̀ŋ ŋwiŋ wi laa ŋwə jwi, sɔ̀ yibɨsə nyaa-nsiŋ.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.