Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27 - Vengo (Babungo)

²⁷ Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27 ပူးပေါင်းရင်းမြစ်များ

Matiu 17:5

Faŋ ŋwə nəə kɨ bii gisə, mbɔꞌ yiley yimɔ́ꞌ jwi shìtə vəŋ, gɨ Nwi fuu fɨ taa mbɔꞌ yɔ́, gì laa, «Lùu ŋwiŋ ŋwaa nə, faŋ mə kàw. Ŋwə bàw shee nɨzi. Viŋ kɨ zɔnə ŋwə!»

Matiu 25:46

Vɨɨ bwənə vɔ́ ndɔ ŋii taa ŋɨꞌ yikwalə faŋ nyə gòꞌsə yighee muꞌ. Gə fɨ maa vɨɨ jəənə vɔ́, vəŋ zɨ məbwey vəlwaŋ faŋ ŋwə gòꞌsə yighee muꞌ.»

Matiu 3:17

Gɨ Nwi gi fɨ taa yizɔ laa, «Lùu ŋwiŋ ŋwaa nə faŋ mə kàw. Ŋwə baw shee.»

Matiu 6:19

«Kɨ viŋ baytə vətɔ fɨ shɨ nsi, nùŋ maa shəŋ faŋ mbɔŋ nə kwa taa kwə me, tɨꞌnə me vəndɔꞌ bɨꞌ ŋìi shàw me.

Matiu 8:20

Yeso gi tɨ́ ŋwə laa, «Mənsɨŋ-mə-ŋgusə kìi təŋɔŋ təvəŋ, mənwə fɨ taa yizɔ kii təzi təvəŋ. Gə fɨ maa Wuu yinsəŋ Nwi, ŋwə kee kìi shəŋ nuŋsə tɔ ki shɔ me.»

Mark 1:11

Gɨ Nwi gi fɨ taa yizɔ laa, «A luu ŋkee ŋwiŋ ŋwaa faŋ mə kàw. A bàw shee.»

Mark 9:7

Mbɔꞌ kɨ nii koꞌ, shìtə vəŋ. Gɨ Nwi koꞌ fɨ taa mbɔꞌ yɔ́ laa, «Luu ŋkee ŋwiŋ ŋwaa nə, faŋ mə kàw ŋwə. Viŋ zɔnə ŋwə!»

Lukas 3:22

Zwitə Ley Nwi siꞌ, tɨ̀ŋnə tɔ ŋwə yaa bɔŋsə. Gɨ Nwi gi fiizɔ laa, «A lùu ŋwiŋ ŋwaa, faŋ mə kàw. A bàw shee dɨdɨꞌ.»

Lukas 9:35

Gɨ Nwi fuu taa mbɔꞌ yɔ́ laa, «Lùu ŋwiŋ ŋwaa nə, faŋ mə nə shoꞌ. Viŋ kɨ zɔnə ŋwə!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:28

Mə kɔ məbwey tɨ́ vəŋ faŋ ŋwə kee ndɔ mè me. Vəŋ kee ndɔ kukə me. Kaꞌ wə kee baa shaw vəŋ fɨ ghɔ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:42

Mə kɔꞌ kɨɨ laa a zɔ gɨ nyaa ghee nshə. Mə gi nee buꞌ vɨɨ mbɨə faŋ vəŋ tɨŋnə feenə, tɨ́ kaꞌ vəŋ bìŋ laa tɔ̀ŋ ghɔ tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:24

Mə nə toꞌ kee kɨ yɨsə vənu mbɨə faŋ wə dɨday nə kee ta yiyɨsə taa ŋwaa vəŋ me, buu nu bwə vəŋ kee lùu shɔ me. Luu nə, vəŋ nə yè vənu vɔ́, baa kɨ bee mə, bee yia Tii ŋwaa vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:2

A nə kɔ̀ wutə shee maa məsɔꞌ vɨɨ vənshə fɨ shɨ nsi, laa mə kɨ kɔ məbwey faŋ ŋwə gòꞌsə yighee muꞌ tɨ́ vɨɨ vənshə, faŋ a nə kɔ̀ shee nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:15

Nɨniŋ laa vɨɨ vənshə faŋ vəŋ nùŋ fwisə vəŋ maa ŋwə, ndɔ zɨ məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33

Wə ntɨə faŋ ŋwə bìŋ nu ŋkɨə faŋ ŋwə gisə, biŋ laa Nwi lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:47

Viŋ zɔ! Mə gì tɨ́ viŋ yinsəŋ laa, wə ntɨə faŋ ŋwə nùŋ fwi yi maa mə, kii məbwey faŋ ŋwə kee yaa kɨ mè me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:51

Lùu mə lùu fazɨ kɔ́ faŋ ŋkə ndɔ̀ fɨ yizɔ nə, faŋ ŋkə kɔ məbwey tɨ́ vɨɨ. Wə kɨ luu zɨ̀ fazɨ kɔ́, buu ŋwə bwèy yighee muꞌ. Fazɨ kɔ́ faŋ mə taa kɔ tɨ́ vɨɨ laa vəŋ bwey, lùu mbasə ŋwaa ŋwaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:53

Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, viŋ kɨ luu kee kɨ kwə mbasə Wuu yinsəŋ Nwi, ndɔ nu mənshi mi me, buu kaꞌ viŋ kee kìi məbwey ghɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:54

Wə tɨ̀ me wə faŋ ŋwə kwə mbasə ŋwaa ŋwaa, nu mənshi maa, taa luu ŋwə faŋ ŋwə kii məbwey vəlwaŋ, buu mə ndɔ yweysə ŋwə maa vəshi vəshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:58

Nɨniŋ, mbasə ŋwaa ŋwaa luu ŋkee fazɨ faŋ ŋkə ndɔ̀ fɨ yizɔ. Fazɨ ŋkɨə faŋ vətɨɨ viŋ nə zɨ̀ taa tɔɔ waꞌsə fɨshi nə, baa kii kukə, kee lùu fazɨ yinsəŋ faŋ ŋkə ndɔ̀ fɨ yizɔ me. Luu nə, wə ntɨə faŋ ŋwə zɨ̀ fazɨ ŋkɨə faŋ mə kɔ nə, ndɔ goꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:62

Viŋ sii taa gì laa kə, faŋ viŋ ye Wuu yinsəŋ Nwi ndɔ bəŋ koꞌ gə̀ shəŋ ŋkɨə faŋ ŋwə nə ndɔ̀ fɨ fuŋ?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:68

Saymon Pita bəŋsə tɨ́ ŋwə laa, «Tɨta, yia sii nyɨŋ ghɔ, yia baa bèꞌsə ndə? A kìi yigi faŋ nyə kɔ yia nə məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:18

Nɨniŋ, mə gisə nu ŋwaa kaŋ; Tii ŋwaa faŋ ŋwə nə tɔ̀ŋ mə nə, gisə sheꞌ nɨniŋ.»

Akts 10:38

Nwi nə yòꞌ Yeso, wuu Nazaret, nə Zwitə Ley Nwi, baa nə wutə, ŋwə ndɔ kɨ toꞌ vəshəŋ vənshə, yɨsə vənu vəjəəvə, baa shùꞌ vəza fɨ maa vɨɨ mbɨə faŋ zwitə bwə nə luu taa ŋwaa vəŋ, buꞌ laa Nwi nə luu yiba jɨŋ ŋwə.

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Roma 4:11

Ŋwə nə bɨ nùŋ fwi yi maa Nwi, Nwi ndi ŋwə yaa wuu loomə, faŋ vɨ nə kee ta nàysə ŋwə me, buu Nwi kɨ nii kɔ̀ nu məsɨɨtə wə tɨ́ ŋwə yaa shwenə wuu loomə. Nɨniŋ, Abraham gu tɨɨ vɨɨ vənshə faŋ vəŋ nùŋ fwisə vəŋ maa Kristo, faŋ vɨ kee sɨ̀ɨtə vəŋ me, Nwi ndi vəŋ yaa vɨɨ loomə.

Roma 6:23

Lùu nɨniŋ buꞌ laa nu bwə yaa kɨ ndɔꞌ vɨɨ faꞌ vi nə yiku. Luu nə, Nwi key vɨɨ mbɨə faŋ ghɔ vɨ tɨta ŋwaa-nsiŋ Yeso Kristo lùu nə fa kəmuꞌ nə, nə məbwey vəlwaŋ faŋ ŋwə gòꞌsə yighee muꞌ.

1 Kɔrintian 6:13

Wə mɔ́ꞌ taa gi laa, «Nwi nə nàysə fazɨ tɨ́ kaꞌ ŋkə ŋìi taa njyoꞌ, baa nàysə njyoꞌ wə laa fazɨ kɨ ŋii shɔ.» Ŋkə lùu nɨniŋ. Luu nə, shi mɔ́ꞌ Nwi ndɔ ndisə njyoꞌ wə ghɔ fazɨ. Gə fɨ maa nu məshi nə vəki, Nwi nə kee bɔ̀ŋ ŋwaa wə laa ŋwə ndɨ ŋwaa wi ghɔ́, kɨ yɨsə vənu vəbwəvə shɔ me. Nwi nə bɔ̀ŋ ŋwaa wə laa ŋwə ndɨ ŋwaa wi ghɔ́, kɨ toꞌ nə ŋwə, faꞌ vənu və Nwi nə ŋwaa wi ghɔ́. Kɔ̀ Nwi kɔ̀ fa ŋkɨə faŋ ŋwaa wi ghɔ́ kəə.

1 Kɔrintian 9:2

Kɨ ghaŋ laa mə kee lùu wuu ntɔŋ Kristo tɨ́ vɨɨ mɔ́ꞌ me, mə nə luu wuu ntɔŋ Kristo tɨ́ viŋ ŋkee maa yinsəŋ. Nshɨ-tɔ wiŋ faŋ viŋ lùu vɨɨ Kristo buꞌ mə nə, lùu shwenə laa mə lùu wuu ntɔŋ wi maa yinsəŋ.

2 Kɔrintian 4:18

Ŋkə lùu nɨniŋ buꞌ faŋ nsiŋ kee tə̀ sɨ maa vətɔ mbɨə faŋ kaꞌ wə yè me; nsiŋ tə̀ sɨ luu maa vətɔ mbɨə faŋ kaꞌ wə kee ye me. Lùu nɨniŋ buꞌ laa vətɔ mbɨə faŋ vɨ ye, kee yaa kɨ shi tay me. Luu nə, vətɔ mbɨə faŋ vɨ kee yiye me, gòꞌsə yighee muꞌ.

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Kɔlɔsii 2:22

Maa vətɔ vɔ́ vənshə luu sheꞌ shɔ laa mbə shɔ̀ɔ fɨ taa ŋwaa wə, kɨ nii yindi. Kəŋ ntɨsə sɔ́ ndɔ̀ sheꞌ fɨ taa mbɨꞌtə vɨɨ. Nsə lùu sheꞌ nuŋsə faŋ dèesə vɨɨ nə.

Kɔlɔsii 3:2

Nɨniŋ, viŋ tə sɨ maa vətɔ mbɨə faŋ mbə lùu yizɔ, kee kɨ tə sɨ maa vətɔ fɨ shɨ nsi me.

1 Tesalonika 1:3

Yia kɨ lumə vəfaꞌ vəjəəvə viŋ faŋ viŋ faꞌ buꞌ məbiŋ wiŋ maa Nwi, baa nə vənu vəjəəvə viŋ faŋ viŋ yɨsə fɨ taa ŋkawnə, baa lumə faŋ viŋ jìa fwi, kɨ̀ꞌ tɨta ŋwaa-nsiŋ Yeso Kristo maa yizii Nwi, faŋ lùu Tii ŋwaa-nsiŋ nə.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Hibru 12:16

Viŋ kɨ ndɨɨnə laa kɨ wə yɨ nu bwə me, tɨꞌnə me, ndì nu Nwi nsi me, yaa Esaw nə yɨ yighee vɨsɨ buꞌ dɨꞌ fazɨ nə. Ŋwə nə fìŋ yita yi tɨ́ tuŋnə yiba jɨŋ ki.

Hibru 4:11

Faŋ ŋkə lùu nɨniŋ nə, nsiŋ tweꞌ nə wutə, laa nsiŋ ndɔ gə shəŋ Nwi kɔ́, shə̀ŋ ŋwaa shɔ. Kɨ wə luu taa ŋwaa nsiŋ faŋ ŋwə kee zɨzɔnə me, yuu ndɔ ndi me, yaa vətɨɨ vaŋ-nsiŋ faŋ vəŋ nə kee zɔ̀nə me, kee ŋìi taa shəŋ Nwi me.

Jeyms 1:11

Shɨshwi yaa tɔŋ, vədɨꞌ ndɔ̀ŋ, gay yɔ̀ŋ, baybay wi kwìinə; ŋkɨꞌnə yi yijəə ku. Lùu faŋ mfuꞌ yaa kɨ shɔɔ jɨɨ yi, yɔŋ yaa baybay, ku.

1 Pita 1:24

Ŋkə lùu yuu vɨ nə nyɔ̀ꞌ taa ŋwaꞌlə Nwi laa, «Fa fənshi tɨ̀ me fa fənshi lùu yaa gay. Vətɔ vəjəəvə və vɨɨ lùu yaa baybay gay nə məbaw wi, faŋ ŋwə kee yaa kɨ shi tay me, kɨ nii yiku.

2 Pita 1:17

Yia nə luu shɔ maa yighee njyə faŋ Nwi nə də̀ məkwalə Yeso Kristo nə feenə wi. Yia nə zɔ̀ faŋ Nwi, faŋ ŋwə kìi wutə kənshə nə, nə gì laa, «Lùu ŋwiŋ ŋwaa nə faŋ mə kàw ŋwə. Ŋwə baw too mə dɨdɨꞌ.»