Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:2 - Vengo (Babungo)

² Nwaa vɨɨ vəyaŋ beꞌsə ŋwə, buꞌ laa vəŋ nə yè vənu və shuu yɔŋvə faŋ ŋwə nə yɨ̀ maa vɨɨ vəza.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:2 ပူးပေါင်းရင်းမြစ်များ

Matiu 12:15

Yeso zɔ nu kɔ́, ndɔ̀ fɨ yifi. Vɨɨ vəyaŋ beꞌsə ŋwə. Ŋwə shuꞌ vəza fɨ maa vəŋ vənshə,

Matiu 13:2

Vɨɨ vəyaŋ jwi shə̀ŋtə yɨ ŋwə. Nɨniŋ, ŋwə ŋii taa bay, dùꞌ taa tey yi, nwaa vɨɨ vɔ́ tɨŋnə mbɔꞌ muu.

Matiu 14:14

Nɨniŋ, ŋwə kɨ fuu fɨ taa bay, yè nwaa vɨɨ vəyaŋ, kèe gəŋsə vəŋ, fùusə vəza fɨ maa vɨɨ vəza vəvəŋ.

Matiu 8:1

Yeso kɨ nii siꞌ fɨ fuu baŋ yifi, nwaa vɨɨ vəyaŋ beꞌsə ŋwə.

Mark 1:45

Luu nə, wə ghɔ́ fuu kɨ toꞌ, naysə tɨ́ vɨɨ vəyaŋ. Nu kɔ́ saynə, fi vəshəŋ vənshə. Vɨɨ tey kɨ baytə yɨ Yeso ŋkee dɨdɨꞌ, tɨ́ kɨ kaꞌ ŋwə kee baa kɨɨ fuu baa ŋii taa ntɨꞌ yimɔ́ꞌ ntee me, kɨ nii dùꞌ sheꞌ yiba shɨ. Vɨɨ kɨ jɨjwi yɨ ŋwə fɨ maa vəshəŋ vənshə.

Mark 6:33

Vɨɨ vəyaŋ ye vəŋ faŋ vəŋ gə, nyɨŋ bèꞌsə vəŋ fɨ ghuu, shìanə gə̀ vɨsɨ fɨ ghɔ vəŋ. Vɨɨ vɔ́ nə ndɔ̀ fɨ ntɨꞌsə sənshə, bèꞌsə vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:47

Vɨɨ məfeꞌ Nwi nə vɨɨ Farisii faynə taa ŋii məshia nsɔꞌsə, gì laa, «Nsiŋ yɨ kɨkə nə wə ŋwə̀ faŋ ŋwə yɨsə vəshwenə və shuu yɔŋvə vəyaŋ nee nə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:18

Lùu nu ŋkɨə faŋ ŋkə nə yɨ̀sə laa vɨɨ vəyaŋ baytə yɨ ŋwə, buꞌ laa vəŋ nə zɔ̀ nu shuu yɔŋ ŋkɨə faŋ ŋwə nə yɨ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:37

Faŋ Yeso nə kɔlə yɨ̀sə vəshwenə və shuu yɔŋvə vɨsɨ vɨɨ nə, vəŋ kee bee nùŋ fwi vəŋ maa ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:11

Luu ŋkee mfɔŋ shwenə nu shuu yɔŋ faŋ Yeso nə yɨ̀sə, ntɨꞌ Kana shɨ Galilii. Nɨniŋ, ŋwə tey kɨ də yikwalə yi tɨ́ vɨɨ mbɨə faŋ vəŋ nə yè nu kɔ́ nə. Vɨɨ məzwetə nu ki, biŋ ŋwə, nùŋsə fwisə vəŋ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:23

Yiŋkii kɨ shɔɔ, Yeso duꞌ ntɨꞌ Jerusalem maa vəshi və Pasa. Vɨɨ vəyaŋ nuŋ fwisə vəŋ maa ŋwə buꞌ faŋ vəŋ yè vənu və shuu yɔŋvə faŋ ŋwə nə yɨ̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:30

Yeso nə baa yɨ̀ vənu və shuu yɔŋvə vəyaŋ, vɨɨ məzwetə nu ki ye, vɨ kee nyɔ̀ꞌ vənu vɔ́ taa ŋwaꞌlə ŋwə̀ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:14

Vɨɨ vɔ́ vənshə ye nu shuu yɔŋ ŋkɨə faŋ Yeso nə yɨ̀ yifi, vəŋ gi laa, «Yinsəŋ, luu ŋkee nshiiŋii-sɔghɔ nə, faŋ Nwi nə gì fɨshi laa ŋwə ndɔ jwì taa mbi shɨ nsi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:22

Fu kɨ lee, vɨɨ mbɨə faŋ vəŋ gòꞌ njɨɨ muu njyə faŋ Yeso sɨ lùu shɔ ghɔ vɨ vɨɨ məzwetə nu ki nə, ye laa bay kəmɔ́ꞌ kee baa lùu shɔ me, laa ŋkə nə luu sheꞌ kəmuꞌ. Vəŋ nə kɨɨ laa Yeso sɨ kee ŋìi taa bay kɔ́ ghɔ vɨ vɨɨ məzwetə nu ki me, laa sɨ gə̀ sheꞌ vɨɨ məzwetə nu ki nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:26

Yeso bəŋsə tɨ́ vəŋ laa, «Yinsəŋ, mə naysə tɨ́ viŋ laa, nu ŋkɨə faŋ viŋ kəə mə shɔ, luu buꞌ laa viŋ sɨ zɨ̀ bee kì zwə̀kə, kee bee luu buꞌ nu shuu yɔŋ ŋkɨə faŋ viŋ sɨ ye fɨ ghɔ mə nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:30

Vəŋ gi tɨ́ ŋwə laa, «Faŋ ŋkə lùu nɨniŋ, baw a yɨ ŋkee nu yaa shwenə tɨ́ yia, tɨ́ kaꞌ yia ye wutə kə, bìŋ ghɔ? A taa yɨ kə?