Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:4 - Vengo (Babungo)

⁴ Nshiiŋii Nwi yaa kɨ siꞌ jwi ghee ghee, jwi bwìilə muu mbɔ́. Nshiiŋii Nwi yɔ́ bwiilə muu mbɔ́, mfɔŋ wə faŋ ŋwə gə̀ ŋìi taa muu yɔ́, zatə ki kɨ nii yime. Kɔlə kɨ luu ŋkee ntɔ za yikə, ŋkə mè.]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:4 ပူးပေါင်းရင်းမြစ်များ

Matiu 11:12

Shu fɨ maa shi ŋkɨə faŋ Jɔn, wuu məkɔ muu mə Nwi, nə fùu, jwi kɔ tɔ və-ndee, vɨ nywenə nu yifwàŋ yizɔ. Vɨɨ kəə bɨsə nu yifwàŋ yizɔ yɔ́ nə wutə.

Matiu 6:33

Nɨniŋ, viŋ bɨ tə̀ sɨ maa nu yifwàŋ yizɔ, baa nə laa viŋ ndɔ luu vəloomə sɨ ŋwə, buu ŋwə kɨ kuꞌsə vətɔ vɔ́ tɨ́ viŋ nɨzi.

Lukas 13:24

Shuufɔ maa məŋii yifwàŋ Nwi luu sheꞌ yitɨtiꞌ. Viŋ saŋ ŋwaa maa məŋii shɔ! Viŋ zɔ! Mə naysə tɨ́ viŋ laa vɨɨ vəyaŋ ndɔ kɨ kəə ŋii shɔ, ŋìi dɨdu.

Lukas 16:16

Yighee ntɨsə Nwi nə nshiisə-ŋii sɔghɔ nə gə zìꞌ maa nu Jɔn. Zi fɨ maa yighee yɔ́, vɨ kɨ nii fɨ̀ꞌtə ntɔŋ yijəə kɔ̀ŋ nu yifwàŋ Nwi tɨ́ vɨɨ. Vɨɨ vənshə faŋ vəŋ ŋii taa nu yifwàŋ Nwi kɔ́, ŋii nə wutə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:3

Maa vəshəŋ vɔ́, vɨɨ vəza vəyaŋ nəə nɔŋ shɔ, vɨɨ sɨ fɨsə nə vəndwey, nə vɨɨ faŋ yiway yiŋwaa vəŋ kùkə yimuꞌ yimuꞌ. [

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:5

Wə mɔ́ꞌ nə luu shɔ, faŋ ŋwə nə zà ŋuꞌ njɔsə-yifɔŋ muu-ntia.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:7

Wuu za ghɔ́ bəŋsə tɨ́ ŋwə laa, «Tɨta, muu bwiilə, mə kee kìi wə faŋ kaꞌ ŋwə shàꞌ mə, sùꞌsə taa muu me. Mə yaa kɨ mɔŋ maa məsiꞌ tey yi, wə dɨday kɨ shɔ̀ɔ sìꞌ vɨsɨ.»

1 Kɔrintian 6:11

Nə luu yighee vɨsɨ, vɨɨ mɔ́ꞌ fɨ taa ŋwaa viŋ nə yɨ̀sə kəŋ vənu vɔ́. Luu nə, Yeso Kristo sɔ viŋ fɨ maa vənu vəbwəvə viŋ vɔ́, ŋwə fuusə viŋ, tə laa viŋ luu mbii vɨɨ. Nwi ndɨ̀ viŋ yaa vɨɨ faŋ vənu vəvəŋ lùu vəloomə, buꞌ laa viŋ jwì yɨ ŋwə maa yizii tɨta Yeso Kristo. Yɨ Zwitə Ley Nwi laa viŋ luu vɨɨ ley Nwi ndwə.

1 Jɔn 1:7

Kɨ luu laa nsiŋ toꞌ yitoꞌ nyaa-nsiŋ fɨ taa shɨshwi ley, faŋ nshɨ-tɔ Nwi lùu taa shɨshwi ley nə, buu nsiŋ lùu fa kəmuꞌ, nsiŋ nsiŋ. Mənshi mə ŋwiŋ wi Yeso Kristo sɔ̀ yibɨsə nyaa-nsiŋ fɨ maa nsiŋ yinshə, faŋ ŋwə nə kù tɔ nsiŋ nə.