Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39 - Vengo (Babungo)

³⁹ Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39 ပူးပေါင်းရင်းမြစ်များ

Matiu 22:29

Yeso bəŋsə tɨ́ vəŋ laa, «Viŋ gù, buꞌ laa viŋ kee kɨ̀ɨ nə ŋwaꞌlə Nwi me, tɨꞌnə me wutə Nwi me.

Mark 10:3

Ŋwə bəŋsə tɨ́ vəŋ, gì laa, «Mose nə sɔ̀ꞌ kɨkə tɨ́ viŋ taa ŋwaꞌlə Nwi?»

Mark 12:10

Yeso nə gì yigisə tii yɔ́, kɨ nii gì tɨ́ vəŋ laa, «Maa viŋ ta tìi shəŋ ŋwaꞌlə Nwi ŋkɨə faŋ ŋkə gì laa, «Ŋoꞌ njyə faŋ vɨɨ məbɔŋ ndɔꞌ twèy nyə, kìasə gu ŋoꞌ maa məbɔŋ mfay ŋii.

Lukas 16:29

Abraham gi tɨ́ ŋwə laa, «Vəŋ kìi ŋwaꞌlə Mose ghɔ nshiisə-ŋii sɔghɔ; bàw vəŋ kɨ zɔnə vəŋ.»

Lukas 16:31

Abraham gi tɨ́ ŋwə laa, «Vəŋ kɨ luu kee kɨ zɔnə Mose nə nshiisə-ŋii sɔghɔ me, buu kɨ kaꞌ vəŋ kee biŋ wə faŋ ŋwə ndɔ̀ fɨ shɨ yiku, jwì yɨ vəŋ me.»

Lukas 24:25

Yeso gi tɨ́ vəŋ laa, «Aŋ viŋ, tɔ kiŋ kee ta ley maa nu kɔ́ yimu? Fwi siŋ bwà maa məbiŋ vənu vənshə faŋ nshiisə-ŋii sɔghɔ nə nàysə nə mu?

Lukas 24:27

Ŋwə gi tɨ́ vəŋ nɨniŋ, kɨ nii zì kɨ twelə ŋiꞌ təgi tənshə fɨ taa ŋwaꞌlə Nwi faŋ ntə kɔ̀ŋ wuu məbweysə vɨɨ ghɔ́, zì fɨ taa ŋwaꞌlə Mose, shɔ̀ɔ fɨ taa vəŋwaꞌlə və nshiisə-ŋii sɔghɔ vənshə.

Lukas 24:44

kɨ nii gì tɨ́ vəŋ laa, «Maa yigisə nyaa, faŋ mə nə gì tɨ́ viŋ, faŋ nsiŋ nə luu mɔ́ꞌ nə, lùu laa vənu vənshə faŋ mbə lùu taa ŋwaꞌlə ntɨsə Mose, nə taa vəŋwaꞌlə və nshiisə-ŋii sɔghɔ, nə taa ŋwaꞌlə Sam, kɔ̀ŋ mə, ndɔ gay vənshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:45

Fɨkɨꞌ Filip ye Nataniel, gì tɨ́ ŋwə laa, «Yia yè wə ntɨə faŋ Mose nə nshiisə-ŋii sɔghɔ nə nyɔꞌ kɔ̀ŋ ŋwə taa ŋwaꞌlə Nwi. Lùu Yeso, wuu Nazaret, wee Josef.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:32

Nɨniŋ, wə mɔ́ꞌ shɔ faŋ ŋwə gisə kɔ̀ŋ mə (laa mə lùu Wee Nwi yinsəŋ). Mə kɔꞌ kɨɨ laa ŋwə gisə yinsəŋ kɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:36

Luu nə, vənu vəmɔ́ꞌ shɔ faŋ mbə shɔɔ yigisə Jɔn yɔ́, faŋ mbə də laa Tii ŋwaa nə tɔ̀ŋ mə yinsəŋ. Lùu vənu və shuu yɔŋvə faŋ mə yɨ nə, faŋ Tii ŋwaa kɔ̀ mə laa mə yɨ. Mbə də yinsəŋ laa tɔ̀ŋ Tii ŋwaa tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:40

Luu nə, viŋ kee kaw jwi yɨ mə me, tɨ́ kaꞌ viŋ kìi məbwey vəlwaŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:46

Viŋ nə toꞌ biŋ Mose ghɔ́, buu viŋ bìŋ mə nɨzi, buꞌ laa ŋkee fɨshi Mose nə nyɔ̀ꞌ vənu kɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:52

Vəŋ taw ŋwə laa, «A lùu wuu Galilii nɨzi mu? Kəə fɨ taa ŋwaꞌlə Nwi. A taa ye laa kaꞌ nshiiŋii-sɔghɔ kee fùu fɨ shɨ Galilii me.»

Akts 13:27

Viŋ zɔ! Vɨɨ mbɨə faŋ vəŋ luu Jerusalem ghɔ vɨ vɨɨ mbɨə faŋ vəŋ sɔꞌ vəŋ nə, nə kee kɨ̀ɨ nə Yeso me, kee bee zɔ kɨ̀ɨ nə nu ŋkɨə faŋ nshiisə-ŋii sɔghɔ nə gi kɔ̀ŋ ŋwə nə me, tɨ́ vɨ tii yigisə vəŋ maa vəshi və zwisə vənshə. Luu nə, vəŋ yɨ laa yigisə nshiisə-ŋii sɔghɔ gu yinsəŋ, faŋ vəŋ nə zwì Yeso.

Akts 17:11

Vɨɨ fɨ ntɨꞌ Berea nə kii fwisə jəəsə shɔ̀ɔ vɨɨ fɨ ntɨꞌ Tesalonika. Vəŋ zɔ nu Kristo nə fwi yiley, tìi fɨ taa ŋwaꞌlə Nwi shi shi, maa məye laa vənu mbɨə faŋ Pɔɔl nəə gisə nə, lùu yinsəŋ mu?

Akts 26:27

Fwàŋ Agripa, a biŋ yigisə nshiisə-ŋii sɔghɔ mu? Mə kɔꞌ kɨɨ laa a biŋ.»

Roma 1:2

Mə fɨꞌtə ntɔŋ njyə faŋ Nwi nə kɔꞌnə tɨ́ vɨɨ ywaŋ-vɨsɨ, kwàŋ taa ghɔ nshiisə-ŋii sɔghɔ, vəŋ nyɔꞌ taa vəŋwaꞌlə və Nwi.

Roma 3:2

Ŋkə ghaŋ gaŋtə wə ŋkee jəə maa vənu vəyaŋ. Mfɔŋ nu lùu laa, Nwi nə nuŋsə vənu vənshə faŋ Nwi nə gì, taa ghɔ vɨɨ Jus.

Kɔlɔsii 3:16

Viŋ duꞌ kɨ bɨꞌtə sheꞌ yigisə Kristo fɨ taa fwisə viŋ ghee nshə. Viŋ kɨ ndi yitɔfə maa mədeesə wə nə wə nə nu Nwi, tɨsə wə nə wə. Viŋ kɨ bəŋsə Nwi nə nyaysə taŋ taŋ, viŋ kɨ zwa nyaysə faŋ Zwitə Ley Nwi kɔ̀ tɨ́ viŋ. Bàw viŋ yɨ nɨniŋ, baa bwàŋ Nwi nə fwi yimuꞌ.

Hibru 11:16

Luu nə, vəŋ nəə kəə shəŋ kəmɔ́ꞌ faŋ ŋkə lùu kəjəə shɔ̀ɔ shɨ vəŋ. Luu shəŋ ŋkɨə faŋ ŋkə lùu yɨ Nwi yizɔ. Nɨniŋ, tɔ Nwi kee dɨdɨɨ me, faŋ vəŋ tìi Nwi nə tɨɨ vəŋ, buꞌ laa Nwi duꞌtə Nwi naysə shəŋ tɨ́ vəŋ.

Hibru 11:35

Nwi nə baa luu yɨ̀sə vəki vəmɔ́ꞌ nə yè vɨɨ vəŋ, faŋ vəŋ nə kukə̀, faŋ vəŋ ywèy fɨ shɨ yiku. Vɨɨ mɔ́ꞌ nə yè ŋɨꞌ fɨ ghɔ vɨɨ mbeenə Nwi, kùkə . Vəŋ nə kee twey Nwi, tɨ́ la vɨ meꞌtə vəŋ me, buꞌ laa vəŋ nə nùŋ fwi vəŋ maa Nwi, laa vəŋ ndɔ ywey fɨ shɨ yiku, kìi məbwey jəə fɨ yizɔ.

Reveleyshən 19:10

Mə gu ghuu ŋwə maa məbəŋsə ŋwə. Ŋwə gi shee laa, kɨ mə yɨ nɨniŋ me, laa yi lùu wuu faꞌ Nwi yuu mə, baa nə yaa vaŋ-nshwi vaŋ, faŋ vəŋ fɨꞌtə nu Yeso nə, baa nə laa mə kɨ bəŋsə luu nshɨ-tɔ Nwi. Nu məfɨꞌtə nu Yeso lùu nu Zwitə Ley Nwi faŋ ŋkə kwaŋ yigisə shuu Nwi taa fwisə vɨɨ.