Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:35 - Vengo (Babungo)

³⁵ Yinsəŋ, Jɔn nə luu yaa kiꞌ faŋ ŋwə bee ŋkee ley. Luu nə, viŋ nə kàw dùꞌ taa məley wi ghɔ́ sheꞌ maa kuŋtə yighee, baa ndɔ̀. Viŋ nə bìŋ yigisə yi sheꞌ maa kuŋtə yighee baa mèꞌtə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:35 ပူးပေါင်းရင်းမြစ်များ

Matiu 11:11

Mə naysə nu yinsəŋ tɨ́ viŋ laa, wə mɔ́ꞌ faŋ ŋwə kwàlə shɔ̀ɔ Jɔn, wuu məkɔ muu mə Nwi, kee ta lùu shɔ taa ŋwaa vɨɨ faŋ bì wəzwi me. Luu nə, ŋkee wuu tɨtiꞌ fɨ taa ŋwaa vɨɨ mbɨə faŋ vəŋ ndɔ ŋii taa nu yifwàŋ yizɔ, kwàlə shɔ̀ɔ ŋwə.

Matiu 21:26

Luu nə, kaꞌ nsiŋ kee gì laa ŋkə nə ndɔ̀ fɨ ghɔ wə mənsaw nɨzi me, buꞌ laa vɨɨ vənshə gisə laa Jɔn nə luu nshiiŋii-sɔghɔ.» Nɨniŋ, vəŋ nəə fee vɨɨ,

Mark 1:5

Vɨɨ Jerusalem vənshə ghɔ vɨ vɨɨ vənshə fɨ taa ntɨꞌsə Judia səmɔ́ꞌsə ndɔ gə̀ ye ŋwə. Ŋwə kɔ muu mə Nwi tɨ́ vɨɨ mbɨə faŋ vəŋ bìŋ vənu vəbwəvə vəŋ taa muu mə Jordan.

Mark 6:20

buꞌ laa fwàŋ Herod nəə fee Jɔn, tɨ́ ŋwə nə kɨɨ laa Jɔn nə luu ŋkee wuu ley vɨsɨ Nwi, faŋ vənu vi lùu vəloomə. Nɨniŋ, fwàŋ Herod nəə shiinə ŋwə, zɔnə yigisə yi yighee mɔ́ꞌ, zɔ nu ki nə məŋaytə.

Lukas 7:28

Mə naysə tɨ́ viŋ laa wə kee lùu shɔ, faŋ nə bì wəzwi, faŋ kaꞌ ŋwə kwàlə shɔ̀ɔ Jɔn me. Luu nə, ŋkee wuu tɨtiꞌ faŋ ŋwə ndɔ ŋii nu yifwàŋ Nwi, kwalə shɔ̀ɔ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:66

Shù fɨ maa yighee yɔ́, vɨɨ vəyaŋ faŋ vəŋ nəə beꞌsə Yeso, suꞌtə fɨ maa ŋwə, kee baa beꞌsə ŋwə me.

2 Pita 1:19

Yigisə nshiisə-ŋii sɔghɔ kɔ̀ŋ Yeso luu ŋkee yiley tɨ́ yia ndwə buꞌ nu kɔ́. Bàw viŋ kwaŋ fwi siŋ maa yigisə yɔ́ nɨzi, buꞌ laa nyə lùu yaa kiꞌ faŋ ŋwə bee taa mfiŋsə gə zìꞌ maa yighee njyə faŋ fu lee. Yighee njyə faŋ fəjwiŋ fɨ taa nshia-ndoo-mbisɨ, faŋ lùu Kristo nə, ndɔ jwi yɨ viŋ, viŋ ye vənu vənshə vəley.