Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:34 - Vengo (Babungo)

³⁴ Luu nə, mə kee bə̀ə wə faŋ ŋwə gisə yigi yinsəŋ kɔ̀ŋ mə me. Mə lumə yigisə Jɔn yɔ́ tɨ́ viŋ, tɨ́ kaꞌ viŋ nyɨŋ fɨ taa nsɔꞌ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:34 ပူးပေါင်းရင်းမြစ်များ

Lukas 13:34

Aŋ vɨɨ Jerusalem, Jerusalem, viŋ zwilə nshiisə-ŋii sɔghɔ, tumə vɨɨ mbɨə faŋ Nwi tɔ̀ŋ tɨ́ viŋ, nə ŋoꞌsə. Ghee yaŋ mə nəə kəə baytə viŋ, sheꞌ faŋ nshɨ ŋgu yaa kɨ baytə vaŋ vi taa ghalə ŋwə nə. Luu nə, viŋ twey.

Lukas 19:10

Viŋ kɔꞌ kɨɨ laa Wuu yinsəŋ Nwi jwì maa məkəə vɨɨ mbɨə faŋ vəŋ nə ndì, tɨ́ kaꞌ ŋwə bweysə vəŋ.»

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31

Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:32

Nɨniŋ, wə mɔ́ꞌ shɔ faŋ ŋwə gisə kɔ̀ŋ mə (laa mə lùu Wee Nwi yinsəŋ). Mə kɔꞌ kɨɨ laa ŋwə gisə yinsəŋ kɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:41

Mə kee kəə feenə fɨ ghɔ vɨɨ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:54

Yeso bəŋsə tɨ́ vəŋ laa, «Mə nii toꞌ kɨ koꞌsə ŋwaa ŋwaa, laa vɨ kɨ fee mə, buu lùu nu day day. Luu nə, kɔ sheꞌ Tii ŋwaa kɔ feenə shee. Tii ŋwaa faŋ viŋ gì laa luu Nwi wiŋ,

Roma 10:1

Vaŋ-nshwi vaŋ, nu ŋkɨə faŋ fwi nyaa kəə, mə baa luu buꞌ ghɔ tɨ́ Nwi shɔ tɔ vɨɨ Isirayl, lùu laa Nwi ndɔ bweysə vəŋ.

Roma 10:21

Gə̀ fɨ maa vɨɨ Isirayl, ŋwə nə gì kɔ̀ŋ vəŋ laa, «Nwi nə nèsə ghɔ ghi shi ŋkwəŋ tɨ́ ŋgwisə vɨɨ mbɨə faŋ vəŋ kee zɨzɔnə me, baa sɔnə nə yigi.»

Roma 12:21

Kɨ biŋ laa nu bwə ghɔꞌ ghɔ me, bee kii yɨsə nu jəə, ghɔꞌ nu bwə nə nu jəə kɔ́.

Roma 3:3

Vɨɨ mɔ́ꞌ fɨ taa ŋwaa vəŋ kɔlə shòꞌsə məlɨꞌtə ghɔ vɨ Nwi, Nwi kee bee shoꞌ njii me. Maa ŋkə lùu nɨniŋ.

1 Kɔrintian 9:22

Yighee njyə faŋ mə lùu yia vɨ vɨɨ faŋ fwisə vəŋ kee ta wèꞌ maa nu Nwi me, mə lùu yaa vəŋ, tɨ́ kaꞌ mə yɨsə vəŋ beꞌsə Kristo. Wə kɔlə lùu kɨkə, mə lùu yaa ŋwə, tɨ́ kaꞌ mə tòꞌ fɨ maa jɨɨsə sənshə maa məjwi nə vɨɨ, tɨ́ kaꞌ vəŋ kìi məbwey vəlwaŋ fɨ ghɔ Nwi.

1 Timoti 4:16

Kɨ shiŋnə ŋwaa wə, baa shiŋnə nu Nwi faŋ a deesə nə, gòꞌsə shɔ. A kɨ luu kɨ yɨ nɨniŋ, buu a taa bweysə ŋwaa wə, nə vɨɨ mbɨə faŋ vəŋ zɔ nu ŋkɨə faŋ a gisə.

1 Jɔn 5:9

Maa nsiŋ yaa kɨ biŋ nu faŋ gì vɨɨ laa vəŋ kɨ̀ɨ. Nɨniŋ, nu ŋkɨə faŋ gì Nwi, ŋkə lùu kəweꞌ shɔ̀ɔ nu vɨɨ. Nə twèlə nshɨ-tɔ Nwi twèlə nu məbiŋ kɔ́ buꞌ ŋwiŋ wi.