Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23 - Vengo (Babungo)

²³ Nwi yɨ̀ nɨniŋ laa vɨɨ kɔ feenə tɨ́ ŋwiŋ wi, sheꞌ faŋ vəŋ fee tɨta Nwi nə. Nɨniŋ, wə ntɨə faŋ ŋwə kee fèe Wee Nwi ghɔ́ me, buu ŋwə nɨzi kee fee tɨta Nwi, faŋ ŋwə nə tɔ̀ŋ ŋwiŋ wi shɨ nsi nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:23 ပူးပေါင်းရင်းမြစ်များ

Matiu 10:37

Wə ntɨə faŋ ŋwə kàw tii wi, tɨꞌnə me nshu wi, shɔ̀ɔ mə, kee kùꞌnə shee me. Wə faŋ ŋwə kàw ŋwiŋ wi wəndɔŋ, tɨꞌnə me wəzwi, shɔ̀ɔ mə, kee kùꞌnə shee me.

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 12:21

Vɨɨ tətɔŋ fu ndɔ nuŋ fwisə vəŋ maa yizii yi.»

Matiu 15:8

«Vɨɨ shɨ və̀ bəŋsə mə sheꞌ fɨ shuu. Fwisə vəŋ luu ŋkee ntaŋ fɨ maa mə.

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Lukas 10:16

Yeso nə gì nɨniŋ, baa gì tɨ́ vɨɨ ntɔŋ vi vɔ́ laa, «Wə ntɨə faŋ ŋwə zɔnə viŋ, zɔnə mə. Wə ntɨə faŋ ŋwə twèy viŋ, twèy luu mə. Wə ntɨə faŋ ŋwə twèy mə, twèy luu wə ntɨə faŋ ŋwə nə tɔ̀ŋ mə nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:1

Yeso baa gì tɨ́ vəŋ laa, «Kɨ fwi siŋ kɨ lɔꞌ me! Viŋ nuŋ fwi siŋ maa Nwi, nə maa mə!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:14

Ŋkə ndɔ kɨ koꞌsə yizii nyaa, buꞌ laa ŋkə ndɔ kɨ fi luu nu kaŋ, twelə tɨ́ viŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:10

Vətɔ vaŋ vənshə lùu mbɨɨ vətɔ, mbɨɨnə lùu maanə. Vɨɨ nə yè yikwalə nyaa buꞌ mbə.

Roma 1:7

Nɨniŋ, mə tɔ̀ŋ ŋwaꞌlə ŋwə̀ tɨ́ viŋ vənshə, faŋ viŋ lùu shɨ Rom, faŋ Nwi kaw viŋ, baa tìi viŋ laa viŋ luu vɨɨ vi. Nwi, Tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

Roma 15:12

Aysaya nə gì ŋkii laa, «Wuu ŋiꞌ ŋii Jesse ndɔ jwi, ndɔ̀ yizɔ, sɔ̀ꞌ məshɨ, vɨɨ tətɔŋ fu ndɔ nuŋ ŋkitə vəŋ maa ŋwə.»

Roma 6:22

Gə̀ fɨ maa ndwə, faŋ Nwi yɨsə viŋ fì tɔ kiŋ fɨ ghɔ nu bwə, gù vəbuꞌ tɨ́ Nwi, viŋ kwaanə vətaŋ viŋ, gù vɨɨ faŋ vəŋ bàw tɨ́ Nwi, gə̀ vɨsɨ vɨsɨ. Vəndwə və nu kɔ́, lùu məbwey vəlwaŋ faŋ ŋwə gòꞌsə yighee muꞌ.

Roma 8:9

Gə̀ fɨ maa viŋ, viŋ kee toꞌ luu fɨ maa nuŋsə mbasə ŋwaa me. Viŋ toꞌ luu fɨ maa Zwitə Ley Nwi, buꞌ laa Zwitə Ley Nwi shi taa ŋwaa viŋ. Wə kɨ luu kee kìi Zwitə Kristo taa fwi ŋwə me, buu kaꞌ ŋwə kee lùu wuu Kristo me.

1 Kɔrintian 1:3

Nwi, Tii ŋwaa-nsiŋ, ghɔ tɨta Yeso Kristo, tu mənɔŋ-bwaŋnə tɔ viŋ, kɔ̀ viŋ nə məduꞌ-nyɔŋ.

1 Kɔrintian 10:31

Mə bəŋsə tɨ́ kəŋ wə ghɔ́ laa, bàw viŋ kɨ bəŋsə sheꞌ Nwi maa vənu vənshə faŋ viŋ yɨsə. Yighee njyə faŋ viŋ zɨ fazɨ, tɨꞌnə me nu fa, tɨꞌnə me yɨ nu mɔ́ꞌ, viŋ kɨ yɨsə maa jɨɨ njyə faŋ nyə taa kɔ feenə tɨ́ Nwi.

1 Kɔrintian 16:22

Kɨ luu wə kee kaw tɨta Yeso me, ndwaŋ tɔ ŋwə. «Maranata! Tɨta Yeso jwi!»

1 Kɔrintian 6:19

Maa viŋ kɨ̀ɨ laa Zwitə Nwi shi taa ŋwaa viŋ, faŋ lùu ŋii Nwi. Kwàŋ Nwi kwàŋ Zwitə kɔ́ taa fwisə viŋ. Nɨniŋ, kee kìi viŋ kìi yiŋwaa yiŋ me, kìi Nwi kìi yiŋwaa yiŋ.

2 Kɔrintian 1:9

Yia nə gì fɨ taa fwisə yia laa yia taa kukə. Nu kɔ́ nə gày nɨniŋ laa kɨ yia baa jia fwi sia nə yiŋwaa yia me, laa yia kɨ nuŋsə vənu vənshə taa ghɔ Nwi. Kaꞌ Nwi yweysə wə ŋkee fɨ shɨ yiku.

2 Kɔrintian 5:14

Lùu nɨniŋ buꞌ laa ŋkawnə Kristo sɔꞌ yia. Yia bɨꞌtə laa, faŋ nə kù wə muꞌ tɔ vɨɨ vənshə nə, ŋkə lùu laa vɨɨ vənshə kukə.

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

Efesɔs 6:24

Mənɔŋ-bwaŋnə tɔ vɨɨ vənshə faŋ vəŋ kaw tɨta ŋwaa-nsiŋ, Yeso Kristo, kaw ŋwə nə ŋkawnə yiweꞌ faŋ kaꞌ nyə kee ndɔ mè me!

2 Timoti 1:12

Lùu ŋiꞌ nu ŋkɨə faŋ mə ye ŋɨꞌ shɔ ndwə nə. Luu nə, tɔ kaŋ kee dɨdɨɨ me, buꞌ laa mə kɔꞌ kɨɨ nə wə ntɨə faŋ mə nùŋ fwi nyaa maa ŋwə nə, baa kɨ̀ɨ yinsəŋ laa wutə ki kùꞌnə maa məshiinə nu ŋkɨə faŋ Nwi nə nùŋsə shee, gə ziꞌ maa shi ŋkɨə faŋ ŋwə ndɔ kɔ tɨ́ mə.

Hibru 1:6

Ŋwə nə baa gì kɔ̀ŋ yighee njyə faŋ Nwi ndɔ baa yɨsə ŋwiŋ wi ŋii mbi laa, «Nshiisə-ŋiisə Nwi sənshə gwenə ŋwə.»

2 Pita 1:1

Lùu mə, Saymon Pita, faŋ mə luu wuu faꞌ Yeso Kristo, baa lùu wuu ntɔŋ wi nɨzi, faŋ mə tɔ̀ŋ ŋwaꞌlə ŋwə̀ tɨ́ vɨɨ mbɨə faŋ vəŋ nùŋ fwisə vəŋ maa Nwi. Nshɨ-tɔ wia nùŋ fwi sia maa Nwi sheꞌ nɨniŋ, baa nə maa Yeso Kristo, wuu məbweysə ŋwaa-nsiŋ, faŋ ŋwə nə kìasə nu kaŋ-nsiŋ, ŋkə loomə.

2 Pita 3:18

Viŋ tɨŋnə sheꞌ taa shəŋ jəə kɔ́, weꞌ shɔ, tɨ́ kɨ kaꞌ tɨta ŋwaa-nsiŋ Yeso Kristo, faŋ lùu wuu məbweysə ŋwaa-nsiŋ, tu mənɔŋ-bwaŋnə tɔ viŋ. Viŋ baa kɨɨ nə ŋwə jəə. Nsiŋ kɨ bəŋsə ŋwə, faŋ ŋwə kìi feenə wi ghee nshə.

1 Jɔn 2:23

Wə tɨ̀ me wə faŋ ŋwə kee bìŋ Wee Nwi me, buu ghɔ Nwi kee lùu fɔ nu me. Wə ntɨə faŋ ŋwə bìŋ Wee Nwi ntee, buu ghɔ tɨta Nwi lùu fa kəmuꞌ.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.