Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:19 - Vengo (Babungo)

¹⁹ Nə luu buꞌ nu kɔ́, Yeso gi tɨ́ vəŋ laa, «Viŋ zɔ! Mə gì tɨ́ viŋ yinsəŋ laa, kaꞌ Wee Nwi kee kɨ yɨ tuu nu maa wutə ki me. Ŋwə yɨ sheꞌ vənu mbɨə faŋ ŋwə ye laa Tii wi yɨsə, buꞌ laa nu ŋkɨə faŋ tɨta Nwi yɨ luu sheꞌ nu ŋkɨə faŋ ŋwiŋ wi yɨsə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:19 ပူးပေါင်းရင်းမြစ်များ

Matiu 26:39

Ŋwə filə gə, tùŋ yikəꞌ yi nsi maa məshɔꞌtə Nwi, gì laa, «Tii ŋwaa, jɨɨ yiday lùu shɔ, a yɨ̀ ndaw ŋɨꞌ nyə̀ shɔ̀ɔ fɨ maa mə. Luu nə, kɨ ŋkə gay maa ŋkitə nyaa me; yɨ nu ŋkɨə faŋ ŋkə lùu taa ŋkitə yə.»

Lukas 21:15

buꞌ laa nshɨ-tɔ ŋwaa ndɔ kɨ kwaŋ yigisə tɔ ley shuu viŋ, faŋ kaꞌ tuu ŋkee wuu mbeenə wiŋ kee ndɔ tɨŋnə, kɨ bəŋsə nu tɨ́ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:18

Ŋkə kee lùu laa wə ndɔ baꞌsə məbwey fɨ ghɔ mə nə wutə ki me. Ndɔ biŋ mə biŋ yiku ŋgɨɨ-mə. Mə kìi wutə maa məbiŋ yiku, baa nə wutə maa məywey fɨ shɨ yiku. Nə kɔ̀ Tii ŋwaa kɔ ntɨ nyə̀ nə wutə kɔ́ shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:49

Lùu nɨniŋ buꞌ laa mə nəə kee gisə sheꞌ nə nshɨ-tɔ ŋwaa me. Tii ŋwaa faŋ ŋwə nə tɔ̀ŋ mə, nə tɨ̀ mə nə nu ŋkɨə faŋ mə taa kɨ naysə, baa nə yigi njyə faŋ mə taa kɨ gisə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:50

Mə kɔꞌ kɨɨ laa, ntɨ yi yɔ́ kɔ məbwey faŋ ŋwə gòꞌsə yighee muꞌ. Nɨniŋ, mə gisə vənu vənshə sheꞌ faŋ tɨta Nwi nə nàysə shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:10

A kee yibiŋ laa yia tɨta Nwi lùu fa kəmuꞌ yimu? Laa mə lùu taa fwi Tii ŋwaa, Tii ŋwaa luu taa fwi mə yimu? Vənu mbɨə faŋ mə gisə, mə kee gisə nə wutə kaŋ me, luu tɨta Nwi faŋ ŋwə lùu taa fwi mə, faŋ ŋwə faꞌ vənu mbɨə faŋ mə yɨsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:19

Yeso bəŋsə tɨ́ vəŋ laa, «Viŋ sɔꞌ ŋii Nwi nyə̀, mə taa fianə maa vəshi vətia.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:21

Sheꞌ faŋ tɨta Nwi yɨsə vɨɨ kukə baa ywey, ŋwiŋ wi ghɔ́ yweysə vɨɨ nɨzi, faŋ ŋwə kàw.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:38

Lùu nɨniŋ, buꞌ laa mə sìꞌ fɨ yizɔ maa məyɨ nu ŋkɨə faŋ ŋkə bàw too Nwi faŋ ŋwə nə tɔ̀ŋ mə nə. Mə yaa kee jwì maa məyɨ nu ŋkɨə faŋ ŋkə bàw too mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:28

Nɨniŋ, Yeso gi laa, «Viŋ ndɔ bɨŋsə Wuu yinsəŋ Nwi (fuu fəŋkɔꞌ fə ŋkɨꞌsə), buu kɨ̀ɨ nə wə ntɨə faŋ mə lùu, baa kɨɨ laa mə kee yɨ vənu sheꞌ maa yizii nyaa me, laa mə gisə vənu faŋ də Tii ŋwaa shee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:4

Bàw nsiŋ faꞌ vəfaꞌ və wə ntɨə faŋ ŋwə nə tɔ̀ŋ mə, faŋ fu kɨ bii. Fu jɨjɨ, faŋ fu jɨ, wə taa kee baa kìi yighee kɨ faꞌ me.

Akts 2:24

Luu nə, Nwi yweysə ŋwə fɨ shɨ yiku, fùusə ŋwə fɨ taa ghɔ yiku, buꞌ laa wutə yiku nə kee kùꞌ maa məjia ŋwə me.

Roma 6:4

Nɨniŋ, faŋ vɨ nə bèy nsiŋ taa muu nə, ŋkə luu yaa nsiŋ nə kùkə, vɨ təə nsiŋ vɨ Kristo taa swi mɔ́ꞌ. Nɨniŋ laa nsiŋ zɨ̀ məbwey, toꞌ ghuu yitoꞌ finə, buꞌ laa tɨta Nwi nə baa ywèysə Kristo fɨ shɨ yiku nə wutə ki kəkwalə nə.

Roma 8:11

Kɨ luu laa Zwitə Ley Nwi ŋkɨə faŋ ŋkə nə ywèysə Yeso fɨ shɨ yiku nə, lùu taa fwisə viŋ, buu Nwi faŋ ŋwə nə ywèysə Yeso fɨ shɨ yiku nə, ndɔ yɨsə yiŋwaa yiŋ faŋ nyə ndɔ ku, baa ywèy nɨzi buꞌ Zwitə ki faŋ ŋkə lùu taa fwisə viŋ nə.

1 Kɔrintian 15:12

Yigisə Nwi yɔ́ faŋ yia fɨꞌtə tɨ́ vɨɨ nə, lùu laa, Nwi nə ywèysə Kristo fɨ shɨ yiku. Faŋ ŋkə lùu nɨniŋ, faŋ Nwi nə ywèysə Kristo fɨ shɨ yiku nə, sii kaꞌ vɨɨ mɔ́ꞌ fɨ taa ŋwaa viŋ gi laa məywey fɨ shɨ yiku kee lùu shɔ me kɨkə?

2 Kɔrintian 4:14

Yia kɔꞌ kɨɨ laa wə ntɨə faŋ ŋwə nə ywèysə tɨta Yeso fɨ shɨ yiku nə, ndɔ baa yweysə nsiŋ buꞌ ŋwə, jwì nə nsiŋ, nùŋsə vɨsɨ ŋwə.

2 Kɔrintian 5:10

Viŋ kɔꞌ kɨɨ laa nsiŋ vənshə ndɔ koꞌ fuu vəŋkaw və nsɔꞌ və Kristo, tɨ́ kaꞌ wə nə wə fì fɨ ghɔ ŋwə maa nu ŋkɨə faŋ ŋwə nə yɨ̀sə shɨ nsi nyə̀, faŋ ŋkə nə luu kəjəə, tɨꞌnə me kəbwə.

Efesɔs 2:5

kɔ̀ məbwey tɨ́ nsiŋ fɨ yiba Kristo maa yighee njyə faŋ nsiŋ nəə kɨ bii vəŋku və vɨɨ taa nu bwə kaŋ-nsiŋ nə. Luu sheꞌ buꞌ gəŋsə Nwi, laa Nwi bweysə viŋ ndwə.

Efesɔs 3:16

Faŋ yikwalə Nwi lùu yiyaŋ dɨdɨꞌ nə, mə buꞌ ghɔ tɨ́ ŋwə laa ŋwə yɨsə Zwitə ki kuꞌsə wutə maa viŋ, tɨ́ kaꞌ fwi siŋ weꞌ maa nu ki.

Filipi 3:21

Yighee njyə faŋ ŋwə ndɔ jwi, ŋwə ndɔ yɨsə laa yiŋku yiŋwaa nyaa-nsiŋ nyə̀ gù yaa ŋwaa wi faŋ ŋwə bàw shɨlə nə. Ŋwə ndɔ yɨ nu kɔ́ nə wutə ki kəkwalə, ŋkɨə faŋ ŋkə ndɔ yɨ vətɔ vənshə fɨ mbi zɔnə ŋwə.

Filipi 4:13

Yaa kɨ weꞌsə Kristo weꞌsə mə. Ŋwə kɔ wutə shee, tɨ́ kaꞌ mə yɨ̀sə vənu vənshə.

Kɔlɔsii 1:11

Yia baa shɔꞌtə Nwi laa Nwi ndi wutə ki faŋ ŋkə shɔ̀ɔ vəwutə vənshə, yɨ̀sə laa viŋ kii wutə, tɨŋ weꞌ maa nu Nwi, kɔlə gày kə, viŋ jìa fwi siŋ weꞌ, kee meꞌtə nu Nwi me.

Kɔlɔsii 1:16

Nwi nə shɔ̀ɔ fɨ maa ŋwə, bɔ̀ŋ vətɔ vənshə faŋ mbə lùu yizɔ, nə mbɨə fɨ shɨ nsi, vətɔ mbɨə faŋ kaꞌ vɨɨ yè nə sɨ, nə mbɨə faŋ kaꞌ vɨɨ kee yè nə sɨ me. Vɨɨ məsɔꞌ mbi vənshə, mbɨə taa yizɔ, nə mbɨə shɨ nsi, baa nə vəzwitə nə vəwutə vənshə, fa tɨ̀ me fa faŋ Nwi nə bɔ̀ŋ, Nwi nə shɔ̀ɔ fɨ ghɔ ŋwiŋ wi, bɔ̀ŋ mbə. Nɨniŋ, vətɔ vənshə ndɔ̀ fɨ ghɔ Kristo, baa lùu shɔ sheꞌ tɨ́ ŋwə.

1 Tesalonika 4:14

Kɨ luu nsiŋ biŋ laa Yeso nə ku, baa ywèy fɨ shɨ yiku, buu nsiŋ kɔꞌ kɨɨ laa Nwi ndɔ yɨsə laa vɨɨ mbɨə faŋ vəŋ nə kukə̀ nə, ndɔ gə ziꞌ shəŋ ŋkɨə faŋ Yeso lùu shɔ nɨzi.

1 Pita 3:18

Kristo nə kù yighee muꞌ buꞌ vənu vəbwəvə faŋ vɨɨ yɨ̀sə. Ŋkee wə ntɨə faŋ vənu vi lùu vəloomə, kù tɔ vɨɨ faŋ vənu vəvəŋ kee lùu vəloomə me, laa ŋwə kiasə nsiŋ, kɔ̀ tɨ́ Nwi. Vɨ nə zwì mbasə ŋwaa wi, luu nə, zwitə ki bwey.

Reveleyshən 2:23

Mə taa zwilə vaŋ vi. Nɨniŋ laa vəməshəŋtə və vɨɨ Nwi vənshə taa kɨɨ laa mə lùu wə ntɨə faŋ mə kɨɨ nə mbɨꞌtə vɨɨ, baa nə nu ŋkɨə faŋ vəŋ kəə. Mə taa ndɔꞌ wə tɨ̀ me wə sheꞌ maa nu ŋkɨə faŋ ŋwə nə yɨ̀sə.