Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:17 - Vengo (Babungo)

¹⁷ Maa yighee yɔ́ Yeso gi tɨ́ vɨɨ Jus vɔ́ laa, «Tii ŋwaa faꞌ faꞌ ghee nshə. Nɨniŋ, mə faꞌ ghee nshə nɨzi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:17 ပူးပေါင်းရင်းမြစ်များ

Matiu 10:29

Maa vɨ fìŋ vəndwaŋ vəbɔɔ maa vəfɨlaŋ tee. Luu nə, kaꞌ tuu ndwaŋ kəmuꞌ kee fìŋ nsi maa laa Nwi, Tii wiŋ, yibiŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:36

Nɨniŋ, sii yɨ̀ kə viŋ gi laa mə ndà Nwi, buꞌ faŋ mə gì laa mə faŋ Tii ŋwaa nə shòꞌ mə, baa tɔ̀ŋ mə taa mbi nyə̀, mə lùu Wee Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:10

A kee yibiŋ laa yia tɨta Nwi lùu fa kəmuꞌ yimu? Laa mə lùu taa fwi Tii ŋwaa, Tii ŋwaa luu taa fwi mə yimu? Vənu mbɨə faŋ mə gisə, mə kee gisə nə wutə kaŋ me, luu tɨta Nwi faŋ ŋwə lùu taa fwi mə, faŋ ŋwə faꞌ vənu mbɨə faŋ mə yɨsə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:16

Nə luu nu ŋkɨə faŋ vɨɨ Jus nə tey kɨ kɔ ŋɨꞌ tɨ́ Yeso, buꞌ laa ŋwə nəə yɨ kəŋ vənu vɔ́ maa shi zwisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:18

Vɨɨ Jus vɔ́ zɔ nu kɔ́, baa mètə kɨ kəə jɨɨ maa məzwi ŋwə, buꞌ laa ŋwə bɨsə nuŋsə shi zwisə vəŋ, ndɔ baa tii Nwi nə tii wi, faŋ ŋkə də̀ laa ŋwə ndì tɔ ki, fɨ̀ꞌnə ghɔ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:4

Bàw nsiŋ faꞌ vəfaꞌ və wə ntɨə faŋ ŋwə nə tɔ̀ŋ mə, faŋ fu kɨ bii. Fu jɨjɨ, faŋ fu jɨ, wə taa kee baa kìi yighee kɨ faꞌ me.

Akts 14:17

Luu nə, ŋwə nə kee mèꞌtə maa mədə vənu vəjəəvə vi tɨ́ viŋ me, buꞌ faŋ ŋwə yɨsə jəə maa viŋ, tɔŋ yighuu fɨ yizɔ tɨ́ viŋ, nə yighee məta vətɔ vəzɨvə. Ŋwə kɔ vətɔ vəzɨvə tɨ́ viŋ, viŋ zɨ zwəkə, fwi siŋ ŋaytə.»

Akts 17:28

Nsiŋ bwey sheꞌ buꞌ ŋwə, toꞌ buꞌ ŋwə, shi sheꞌ ghɔ ŋwə. Lùu faŋ vɨɨ ŋwaꞌlə viŋ vəmɔ́ꞌ ŋwaꞌlə laa, «Nsiŋ lùu fɨ ŋiꞌ ŋii Nwi.»

1 Kɔrintian 12:6

Jɨɨsə faŋ vɨɨ fàꞌ vəfaꞌ maa wutə Nwi lùu nɨŋkwiŋ nɨŋkwiŋ. Luu nə, Nwi faŋ ŋwə kɔ̀ wutə kɔ́ tɨ́ vɨɨ vənshə laa vəŋ kɨ faꞌ vəfaꞌ vɔ́ vənshə nə, luu sheꞌ Nwi ghɔ́ muꞌ.

Kɔlɔsii 1:16

Nwi nə shɔ̀ɔ fɨ maa ŋwə, bɔ̀ŋ vətɔ vənshə faŋ mbə lùu yizɔ, nə mbɨə fɨ shɨ nsi, vətɔ mbɨə faŋ kaꞌ vɨɨ yè nə sɨ, nə mbɨə faŋ kaꞌ vɨɨ kee yè nə sɨ me. Vɨɨ məsɔꞌ mbi vənshə, mbɨə taa yizɔ, nə mbɨə shɨ nsi, baa nə vəzwitə nə vəwutə vənshə, fa tɨ̀ me fa faŋ Nwi nə bɔ̀ŋ, Nwi nə shɔ̀ɔ fɨ ghɔ ŋwiŋ wi, bɔ̀ŋ mbə. Nɨniŋ, vətɔ vənshə ndɔ̀ fɨ ghɔ Kristo, baa lùu shɔ sheꞌ tɨ́ ŋwə.

1 Tesalonika 2:13

Nɨniŋ, yia bwaŋ Nwi buꞌ viŋ ghee nshə. Yighee njyə faŋ yia nə jwì nə yigisə Nwi tɨ́ viŋ nə, viŋ zɔ, nùŋ fwi siŋ shɔ, kee ndì yigisə yɔ́ yaa yigisə wə mənsaw me, ndì lùu yaa yigisə Nwi, faŋ nyə lùu nɨniŋ yinsəŋ. Nə luu nɨniŋ buꞌ laa Nwi nə faꞌ taa ŋwaa viŋ, faŋ viŋ nə nùŋ fwi siŋ maa ŋwə nə.

Hibru 1:3

Wee Nwi ghɔ́ lùu məley Nwi; wutə Nwi taa ŋwaa ŋwə. Ŋkɨꞌnə yi lùu yaa njyə Nwi. Kìi ŋwə kìi wutə maa mbi yinshə sheꞌ fɨ maa yigisə yi. Ŋwə lòotə jɨɨ, sɔ̀ yibɨsə vɨɨ laa vəŋ ley. Ŋwə baa luu koꞌ gə̀ yizɔ, dùꞌ maa kwiŋ maꞌnə Nwi, faŋ ŋwə sɔ̀ꞌ vətɔ vənshə.