Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:10 - Vengo (Babungo)

¹⁰ Nɨniŋ, vɨɨ Jus gi tɨ́ wə ghɔ́ faŋ Yeso nə shùꞌ za ki nə laa, «Lùu shi zwisə Nwi. Luu nuŋsə laa kɨ vɨ shaꞌ yighaŋ maa shi zwisə Nwi me!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:10 ပူးပေါင်းရင်းမြစ်များ

Matiu 12:10

Wə mɔ́ꞌ nə luu shɔ taa ŋii Nwi yɔ́ faŋ kwiŋ wi nə ku muꞌ. Vəŋ bitə tɨ́ Yeso laa ŋkə kùꞌnə maa məshuꞌ za fɨ maa wə maa shi zwisə Nwi mu? Vəŋ nə bìtə nɨniŋ maa məshɔɔ fuŋ, kwaŋ ŋwə taa nsɔꞌ.

Mark 2:24

Vɨɨ Farisii jwi gì tɨ́ Yeso laa, «Sii yɨ̀ kə, vɨɨ məzwetə nu kə faꞌ faꞌ faŋ ŋkə kee yikuꞌnə laa vɨ faꞌ maa shi zwisə Nwi me?»

Mark 3:4

buu bìtə tɨ́ vɨɨ vɔ́ laa, «Luu nuŋsə maa məyɨ nu jəə maa shi zwisə Nwi mu, mu maa məyɨ nu bwə? Luu nuŋsə maa məbweysə wə mu, mu maa məzwi wə?»

Lukas 13:14

Tɨɨ ŋii Nwi ye, fwi yi bɨ, buꞌ laa Yeso shùꞌ za maa shi zwisə Nwi. Ŋwə gi tɨ́ vɨɨ mbɨə faŋ vəŋ nə shə̀ŋtə yifi laa, «Vəshi lùu shɔ ntɔfə, faŋ kaꞌ vɨ kɨ fàꞌ vəfaꞌ shɔ. Viŋ jwi maa vəshi vɔ́, vɨ bweysə viŋ fɨ ghɔ vəza, kee kɨ jwi maa shi zwisə Nwi me.»

Lukas 23:56

Vəŋ bəŋ kùunə, gə̀ nàysə lamenda nə məŋgwə məluŋsə faŋ vəŋ taa gə wiŋsə maa ŋku Yeso faŋ shi zwisə kɔ́ taa shɔɔ. Kɨ lùu maa shi zwisə, vəŋ shəŋ ŋwaa, faŋ lùu nuŋsə Nwi nɨniŋ nə.

Lukas 6:2

Vɨɨ Farisii vəmɔ́ꞌ ye, gì tɨ́ vəŋ laa, «Sii yɨ̀ kə, viŋ faꞌ faꞌ faŋ ŋkə kee yikuꞌnə laa vɨ faꞌ maa shi zwisə Nwi me?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:19

Shi mɔ́ꞌ vɨɨ kwalə və vɨɨ Jus fɨ ntɨꞌ Jerusalem nə tɔ̀ŋ vɨɨ məfeꞌ Nwi vəmɔ́ꞌ, nə vɨɨ Levi tɨ́ Jɔn, laa vəŋ jwi bitə tɨ́ ŋwə laa ŋwə lùu ndə?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:11

Wə ghɔ́ bəŋsə tɨ́ vəŋ laa, «Wə ntɨə faŋ ŋwə shùꞌ mə fɨ maa za kaŋ, ŋwə gì laa mə ndi yighaŋ nyaa, ndɔ̀ kɨ toꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:15

Wə ghɔ́ gə, gə̀ nàysə tɨ́ vɨɨ Jus vɔ́ laa shùꞌ Yeso shùꞌ zatə ki.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:16

Nə luu nu ŋkɨə faŋ vɨɨ Jus nə tey kɨ kɔ ŋɨꞌ tɨ́ Yeso, buꞌ laa ŋwə nəə yɨ kəŋ vənu vɔ́ maa shi zwisə Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:23

Faŋ viŋ sɨɨtə vaŋ maa shi zwisə Nwi nɨniŋ, laa kɨ viŋ bɨꞌ ntɨsə Mose me, sii yɨ kə fwi siŋ shəsə laa mə shùꞌ za fɨ maa wə maa shi zwisə Nwi laa wə ghɔ́ bwaŋnə, ŋwaa wi weꞌ nshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 9:16

Vɨɨ mɔ́ꞌ fɨ taa ŋwaa vɨɨ Farisii gi laa, «Kaꞌ wə ŋwə̀ kee ndɔ̀ fɨ ghɔ Nwi me, buꞌ faŋ ŋwə kee nùŋsə nuŋsə shi zwisə Nwi me.» Vɨɨ mɔ́ꞌ gi laa, «Sii kaꞌ wuu məyɨ vənu vəbwəvə yɨsə nu shuu yɔŋ nee kɨkə?» Nɨniŋ, vəŋ gaasə yiŋwaa vəway vəbɔɔ.