Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:6 - Vengo (Babungo)

⁶ Yibɨɨ muu Jeykob nə luu yifi. Vəŋ ziꞌ maa shəŋ kɔ́, Yeso bwa fɨ maa yitoꞌ yɔ́, dùꞌ nsi yɨ yibɨɨ muu yɔ́. Nə luu maa yizɔ buꞌtə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:6 ပူးပေါင်းရင်းမြစ်များ

Matiu 27:45

Kɨ lùu maa yizɔ buꞌtə, vədɨꞌ fəŋ ŋkee yaa nɨntəŋ vətuꞌ maa vəshəŋ vənshə, gə ziꞌ maa vəshɨshwi vətia.

Matiu 4:2

Ŋwə nə luu yifi, baŋ fazɨ maa vəshi muu-yinshwe, baŋ fazɨ vətuꞌ nə shɨshwi. Jɨŋ kɨ nii zasə ŋwə.

Matiu 8:24

Vəŋ gə nɨniŋ, fɨŋ kwalə koꞌ taa muu. Vəba və muu nə kəə fi bay kɔ́. Nshɨ-tɔ Yeso nə bɨbwey.

Lukas 2:7

Ŋwə bi mfɔŋ ŋwiŋ wi, luu wee-wəndɔŋ, ndìŋtə ŋwə taa vəway və njwisə, nùŋ ŋwə taa ŋkɨŋ fazɨ nyaasə taa ta nyaasə. Vəŋ nə shi taa ta nyaasə, buꞌ laa shəŋ nə kee lùu shɔ taa ŋii tɨ́ vəŋ maa məshi shɔ me.

Lukas 9:58

Yeso gi tɨ́ ŋwə laa, «Fəsə kìi təŋɔŋ maa məshi shɔ. Mənwə fɨ taa yizɔ kii təzi. Gə fɨ maa Wuu yinsəŋ Nwi, ŋwə kee kìi shəŋ nùŋ tɔ ki shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:9

Yeso bəŋsə tɨ́ vəŋ laa shi ŋkwəŋ luu vələə njɔsə-bɔɔ, wə faŋ ŋwə toꞌ nə shɨshwi, kaꞌ ŋwə kee tùŋ ghuu ki me, buꞌ faŋ shɨshwi mbi ŋwə̀ dəsə jɨɨ tɨ́ ŋwə yijəə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:12

A kwàlə shɔ̀ɔ tii ŋwaa-nsiŋ Jeykob faŋ ŋwə nə kɔ̀ yibɨɨ muu nyə̀ tɨ́ yia mu? Jeykob nə nu fɨ taa yibɨɨ nyə̀ ghɔ vaŋ vi nə nyaasə si.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:5

Ŋwə gə ziꞌ maa ntɨꞌ yimɔ́ꞌ fɨ shɨ Samaria, yizii ntɨꞌ yɔ́ luu Sika. Ntɨꞌ yɔ́ luu yɨ shəŋ nsi ŋkɨə faŋ Jeykob nə kɔ̀ tɨ́ ŋwiŋ wi Josef fɨshi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:7

Fɨkɨꞌ wəzwi mɔ́ꞌ fɨ shɨ Samaria fuu jwì maa mətɔ muu. Yeso gi tɨ́ ŋwə laa ŋwə kɔ yi nə muu yi nu.

2 Kɔrintian 8:9

Viŋ kɔꞌ kɨɨ faŋ tɨta ŋwaa-nsiŋ Yeso Kristo nə kèe gəŋ siŋ nə. Faŋ ŋwə nə kɔlə kìi vətɔ vənshə, ŋwə kiasə gù mbəə buꞌ viŋ, laa bəə ki kɔ́ yɨsə viŋ kii vətɔ vənshə.

Hibru 2:17

Ŋwə nə gù yaa vaŋ-nshwi vi maa jɨɨsə sənshə, tɨ́ kaꞌ ŋwə kèe gəŋsə vəŋ, gù yaa wuu kwalə məfeꞌ Nwi, faŋ ŋwə faꞌ tɨ́ Nwi nə fwi yimuꞌ, laa ŋwə sɔ yibɨsə vɨɨ faŋ vəŋ nə yɨ̀sə nə.

Hibru 4:15

Wuu kwalə məfeꞌ Nwi ghɔ́ lùu wə faŋ ŋwə kɔꞌ kɨɨ maa məkee gəŋsə maa nsiŋ maa məbwa ŋwaa-nsiŋ, buꞌ laa ŋwə nə gù wə yaa nsiŋ, kìi məmɔŋ sheꞌ yaa nsiŋ. Luu nə, ŋwə nə kee yɨ̀ tuu nu bwə me.