Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:48 - Vengo (Babungo)

⁴⁸ Yeso gi tɨ́ wuu kwalə ghɔ́ laa, «Maa viŋ kee kaw biŋ mə maa laa viŋ bɨ ye vəshwenə və shuu yɔŋvə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:48 ပူးပေါင်းရင်းမြစ်များ

Matiu 16:1

Vɨɨ Farisii ghɔ vɨ vɨɨ Sadusii jwi yɨ Yeso, mɔ̀ŋ ŋwə, gì laa ŋwə yɨ shwenə nu shuu yɔŋ mɔ́ꞌ faŋ ŋkə ndɔ̀ fɨ yizɔ, vəŋ ye.

Matiu 24:24

Vɨɨ ndɔ fuu vəyaŋ faŋ vəŋ sɨɨ ba, gisə laa vəŋ luu Kristo, tɨꞌnə me nshiisə-ŋii sɔghɔ. Vəŋ ndɔ də vəshwenə və shuu yɔŋvə maa məyɨ laa vɨɨ ndi jɨɨ, mɔŋ ŋkee maa məbweꞌsə vɨɨ mbɨə faŋ Nwi shoꞌ vəŋ nə.

Matiu 27:42

ndɔ gisə laa, «Ŋwə nəə bweysə vɨɨ day, kee kɨɨ bweysə nshɨ-tɔ wi me. Kɨ luu laa ŋwə luu fwàŋ vɨɨ Isirayl, bàw ŋwə siꞌ fɨ fuu fəŋkɔꞌ fə ŋkɨꞌsə ndwə, buu nsiŋ kɨ nii bìŋ ŋwə.

Mark 13:22

Vɨɨ ndɔ fuu kɨ bweꞌsə vɨɨ, gisə laa vəŋ lùu Kristo, wuu məbweysə wiŋ. Vəmɔ́ꞌ gi laa vəŋ lùu vɨɨ məfɨꞌtə yighisə shuu Nwi, kɨ də vəshwenə nə vənu və shuu yɔŋvə maa məbweꞌsə vɨɨ, kɨ mɔŋ maa məbweꞌsə ŋkee vɨɨ mbɨə faŋ Nwi nə shoꞌ laa lùu mbii vɨɨ nə nɨzi.

Lukas 10:18

Ŋwə gi tɨ́ vəŋ laa, «Mə yè faŋ tɨɨ vəzwitə vəbwəvə fìŋ fɨ taa yizɔ yaa yibay.

Lukas 16:31

Abraham gi tɨ́ ŋwə laa, «Vəŋ kɨ luu kee kɨ zɔnə Mose nə nshiisə-ŋii sɔghɔ me, buu kɨ kaꞌ vəŋ kee biŋ wə faŋ ŋwə ndɔ̀ fɨ shɨ yiku, jwì yɨ vəŋ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:37

Faŋ Yeso nə kɔlə yɨ̀sə vəshwenə və shuu yɔŋvə vɨsɨ vɨɨ nə, vəŋ kee bee nùŋ fwi vəŋ maa ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 15:24

Mə nə toꞌ kee kɨ yɨsə vənu mbɨə faŋ wə dɨday nə kee ta yiyɨsə taa ŋwaa vəŋ me, buu nu bwə vəŋ kee lùu shɔ me. Luu nə, vəŋ nə yè vənu vɔ́, baa kɨ bee mə, bee yia Tii ŋwaa vənshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:18

Vɨɨ kwalə vɨɨ Jus gi tɨ́ Yeso laa, «A də̀ shwenə nu shuu yɔŋ ŋkɨə tɨ́ yia, faŋ ŋkə də laa a kii wutə maa məyɨ̀ tɨ́ nee?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:29

Yeso gi tɨ́ ŋwə laa, «A bìŋ mə, buꞌ laa a ye mə nə yisɨ yə. Mənɔŋ-bwaŋnə ndɔ luu tɔ vɨɨ mbɨə faŋ vəŋ kee yè vənu və̀ nə sɨ me, biŋ vənu vɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:49

Wuu kwalə ghɔ́ gi tɨ́ ŋwə laa, «Tɨta, kɔꞌlə jwi, buꞌ ŋwiŋ ŋwaa ghɔ́ mètə ku!»

Akts 14:3

Luu nə, Pɔɔl ghɔ Barnabas shi yifi tày, fɨ̀ꞌtə nu Nwi ntee, buꞌ laa vəŋ nə nùŋ fwisə vəŋ sheꞌ maa tɨta Yeso. Tɨta Yeso luu yiba jɨŋ vəŋ, kɔ wutə tɨ́ vəŋ laa vəŋ kɨ yɨsə vənu və shuu yɔŋvə, tɨ́ kɨ kaꞌ vɨɨ yè laa yigisə vəŋ kɔ̀ŋ gəŋsə Nwi lùu yinsəŋ.

Akts 15:12

Ŋwə gi nɨniŋ, vɨɨ vənshə shia, kɨ zɔ sheꞌ fɨ ghɔ Barnabas ghɔ Pɔɔl, faŋ vəŋ naysə vənu və shuu yɔŋvə, baa nə vənu və yifiŋtə, faŋ Nwi yɨ̀sə tɨ́ vɨɨ tətɔŋ fu, buꞌ faŋ Barnabas ghɔ Pɔɔl nə fɨꞌtə ntɔŋ yijəə Nwi tɨ́ vəŋ nə.

Akts 2:19

Mə ndɔ də vənu və shuu yɔŋvə yizɔ, baa nə vəshwenə shɨ nsi, vəshwenə yaa mənshi nə wisə nə fəndɨꞌ.

Akts 2:22

Nɨniŋ, vɨɨ Isirayl, viŋ zɔ nu ŋkɨə faŋ mə gì tɨ́ viŋ. Viŋ kɨɨ laa Nwi nə kɔ̀ vənu vəkwalə nə vənu vəshuu yɔŋvə nə vəshwenə tɨ́ Yeso, wuu Nazaret, ŋwə nə yɨ̀sə taa ŋwaa viŋ, tɨ́ kaꞌ vɨ ye laa tɔ̀ŋ Nwi tɔ̀ŋ ŋwə yinsəŋ.

Akts 2:43

Vɨɨ vənshə fee Nwi, vɨɨ ntɔŋ Yeso yɨsə vənu və shuu yɔŋvə vəyaŋ.

Akts 4:30

Nesə ghɔ kə nɨzi, shùꞌ vəza fɨ maa vɨɨ, yɨ laa vəshwenə nə vənu və shuu yɔŋvə fuu maa yizii wuu faꞌ wə Yeso, faŋ ŋwə bàw shɨlə nə.»

Akts 5:12

Vɨɨ ntɔŋ Yeso Kristo baa yɨsə vənu və shuu yɔŋvə vəyaŋ taa ŋwaa vɨɨ. Vɨɨ məbiŋ Yeso Kristo vənshə baytə taa ndii Solomon fɨ taa ŋii Nwi yikwalə ghee ghee nə fwi vəŋ yimuꞌ.

Akts 6:8

Stefen nə luu wə faŋ Nwi nə tù mənɔŋ-bwaŋnə tɔ ŋwə, wutə Nwi nə luu yiba jɨŋ ŋwə. Ŋwə yɨ vənu vəkwalə nə vənu və shuu yɔŋvə taa ŋwaa vɨɨ.

Akts 7:36

Mose ghɔ́ fùusə vəŋ fɨ shɨ Ijip, faŋ ŋwə nə yɨ̀ vənu və shuu yɔŋvə shɨ Ijip, nə taa mamuu bay, baa yɨ̀sə vəmɔ́ꞌ faŋ vəŋ nə luu taa tɔɔ waꞌsə maa ŋuꞌ muu-yinshwe.

Roma 15:19

faŋ Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə tɨ́ vəŋ buꞌ wutə Nwi nə wutə Zwitə Ley Nwi. Lùu faŋ mə nə fɨ̀ꞌtə ntɔŋ yijəə Nwi yinshə buꞌ Yeso Kristo, zì fɨ ntɨꞌ Jerusalem, kia gə̀ zìꞌ ŋkee maa shɨ Ilirikɔn,

1 Kɔrintian 1:22

Lùu nɨniŋ buꞌ laa vɨɨ Jus kəə sheꞌ laa vɨ də vəshwenə və vənu və shuu yɔŋvə fɨ ghɔ Nwi tɨ́ vəŋ. Gə̀ fɨ maa vɨɨ Griik, vəŋ kəə zɔ sheꞌ yigisə tɔ-ley.

2 Kɔrintian 12:12

Maa mə nə yɨsə vənu mbɨə faŋ mbə də̀ laa mə lùu wuu ntɔŋ Kristo taa ŋwaa viŋ nə fwi yizutə. Nwi nə tɨ̀ŋ yiba jɨŋ mə, də̀ vəshwenə nə vənu və shuu yɔŋvə.

2 Tesalonika 2:9

Ndɔ yɨsə Satan, tɨɨ vəzwitə vəbwəvə, laa wuu ndwaŋ ghɔ́ fuu taa mbi, kɨ yɨsə vənu və shuu yɔŋvə vənshə, nə vəshwenə nə vənu və yifiŋtə, faŋ lùu sheꞌ vənu və təba.

Hibru 2:4

Nwi baa luu də̀ laa lùu nu yinsəŋ, faŋ ŋwə nə ndì wutə ki, də̀ vəshwenə, baa yɨsə vənu və shuu yɔŋvə. Ŋwə baa luu kɔ̀ vəkɔ faŋ ŋwə kàw tɨ́ vɨɨ, faŋ mbə ndɔ̀ fɨ yiba Zwitə Ley.