Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42 - Vengo (Babungo)

⁴² Vəŋ gi tɨ́ wəzwi ghɔ́ laa «Yia kee baa bìŋ Yeso sheꞌ buꞌ yigi yə me. Yia zɔ nə tuulə ghia, buu kɨ̀ɨ yinsəŋ laa ŋwə lùu wə ntɨə faŋ ŋwə ndɔ bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:42 ပူးပေါင်းရင်းမြစ်များ

Matiu 1:21

Ŋwə taa bi wee-wəndɔŋ, a shu yizii yi laa Yeso, buꞌ laa ŋwə ndɔ bweysə vɨɨ vi fɨ ghɔ vənu vəbwəvə faŋ mbə lùu maa vəŋ.»

Lukas 2:32

Wee ŋwə̀ lùu yaa kiꞌ faŋ ŋwə də jɨɨ tɨ́ vɨɨ tətɔŋ fu, laa vəŋ ndɔ kɨɨ nə Nwi. Ŋwə ndɔ baa yɨsə vɨ bəŋsə vɨɨ Isirayl, faŋ lùu vɨɨ və nə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:17

Nɨniŋ, vəŋ ndɔ, gə̀ ziꞌ Betani. Faŋ vəŋ nə ziꞌ yifi, zɔ laa shù fɨ nə faŋ vɨ tə̀ə Lasarɔs, lùu vəshi yishwe.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:8

Lùu nɨniŋ buꞌ laa mə nə nàysə yigisə yə, faŋ a nə kwàŋ taa fwi mə, tɨ́ vəŋ, vəŋ biŋ, kɨ̀ɨ yinsəŋ laa mə nə ndɔ̀ fɨ yɨ ghɔ, baa biŋ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:29

«Viŋ jwi ye wə faŋ ŋwə naysə vənu vaŋ vənshə faŋ mə nə yɨ̀. Nə kaꞌ kee lùu Kristo yimu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:41

Vɨɨ vəmɔ́ꞌ vəyaŋ baa nùŋ fwi vəŋ maa ŋwə, faŋ vəŋ nə zɔ̀ yigisə Yeso.

Akts 13:23

Nɨniŋ, Nwi yɨsə wə fuu fɨ ŋiꞌ ŋii fwàŋ Deyvid. Wə ghɔ́ luu Yeso. Nwi kɔ ŋwə tɨ́ vɨɨ Isirayl laa lùu wuu məbweysə vəŋ, faŋ Nwi nə kɔ̀ꞌnə tɨ́ vəŋ fɨshi.

Akts 4:12

Kaꞌ wə kee kìi məbwey fɨ ghɔ wə dɨday me. Nwi kɔ sheꞌ Yeso tɨ́ nsiŋ laa nsiŋ ndɔ kii məbwey vəlwaŋ, faŋ nsiŋ bìŋ yizii Yeso yɔ́.»

Akts 5:31

Nwi yweysə ŋwə fɨ shɨ yiku maa wutə ki, yɨ̀ laa ŋwə luu tɔ, baa luu wuu məbweysə vɨɨ, maa məkɔ jɨɨ tɨ́ vɨɨ Isirayl, tɨ́ kɨ kaꞌ vəŋ bìŋ nu bwə vəŋ, kwìinə fwisə vəŋ, Nwi ndenə yibɨsə vəŋ.

2 Kɔrintian 5:19

Nwi nə luu taa ŋwaa Kristo, mètə nsɔꞌ vɨɨ fɨ mbi ghɔ vɨ vəŋ, kee bə̀ŋsə nu bwə vəŋ tɨ́ vəŋ me. Nwi nuŋsə yia laa yia kɨ gisə nu məmetə nsɔꞌ tɨ́ vɨɨ.

1 Timoti 4:10

Lùu nu ŋkɨə faŋ nsiŋ saŋ yiŋwaa nyaa-nsiŋ shɔ, baa tuŋ yighaw buꞌ nu kɔ́, buꞌ laa nsiŋ nùŋ fwi saŋ-nsiŋ maa Nwi, faŋ lùu Nwi faŋ ŋwə goꞌsə yighee muꞌ, baa lùu mbweysə vɨɨ vənshə, bweysə vɨɨ mbɨə faŋ vəŋ nùŋ fwisə vəŋ maa Kristo nə.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.