Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:21 - Vengo (Babungo)

²¹ Yeso gi tɨ́ ŋwə laa, «Ye mɔɔ, yaa, zɔ nu ŋkɨə faŋ mə nàysə tɨ́ ghɔ! Yighee ndɔ kɨ jwi faŋ wə ndɔ kee baa shɔꞌtə Nwi fuu baŋ nyə̀ me, tɨꞌnə me taa Jerusalem me!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:21 ပူးပေါင်းရင်းမြစ်များ

Matiu 18:20

Lùu nɨniŋ buꞌ laa shəŋ tɨ̀ me shəŋ faŋ vɨɨ dùꞌ shɔ vəbɔɔ, tɨꞌnə me vətia, maa yizii nyaa, buu mə taa luu taa ŋwaa vəŋ.»

Matiu 28:19

Viŋ gə taa məshɨ mənshə fɨ taa mbi, kɨ yɨsə vɨɨ gu vɨɨ məzwetə nu kaŋ. Viŋ kɔ muu mə Nwi tɨ́ vəŋ maa yizii tɨta Nwi, nə yizii Wee (Nwi), baa nə yizii Zwitə Ley,

Lukas 21:24

Vɨɨ shɨ və̀ ndɔ kɨ kukə fɨ ghɔ baꞌ yighaw, vɨ jiatə vəŋ maa vəbuꞌ və yighaw, fiŋtə vətɔŋ vətɔŋ. Vɨɨ tətɔŋ fu jeꞌtə Jerusalem nsi, gə ziꞌ tɨ́ shi ŋkɨə faŋ yighee vɨɨ tətɔŋ fu vɔ́ ndɔ shɔɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:6

Yeso gi tɨ́ ŋwə laa, «Lùu mə lùu jɨɨ yɔ́. Nu yinsəŋ nə məbwey vəlwaŋ ndɔ fɨ ghɔ mə nɨzi. Kaꞌ wə kee gə ye tɨta Nwi me, maa tɨ̀ lɨꞌ laa ŋwə shɔ̀ɔ fɨ maa mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:2

Yighee jɨjwi faŋ vəŋ taa jɔŋ viŋ fɨ taa ŋii məshəŋtə Nwi. Yighee jɨjwi faŋ wə tɨ̀ me wə faŋ ŋwə ndɔ zwi viŋ, kɨ bɨꞌtə laa yi faꞌ faꞌ jəə tɨ́ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:32

Viŋ kɔꞌ kɨɨ laa yighee taa kuꞌ, nyə duꞌtə nyə kuꞌ, faŋ viŋ taa nyɨŋkə vənshə, wə kɨ gə fu ŋwə, wə kɨ gə fu ŋwə. Viŋ taa meꞌtə mə nɨnɔŋ. Luu nə, mə kee taa luu nɨnɔŋ me, buꞌ laa yia Tii ŋwaa lùu mɔ́ꞌ ghee nshə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:23

Yighee ndɔ kuꞌ faŋ vɨɨ ndɔ kɨ shɔꞌtə Nwi maa jɨɨ yijəə, kɨ shɔꞌtə Nwi nə nu ŋkɨə faŋ Zwitə Nwi kwàŋ taa fwisə vəŋ, shɔꞌtə ŋwə ŋkee maa yinsəŋ, fɔnə vəŋ zɔnə ŋwə nɨzi. Yinsəŋ, yighee yɔ́ duꞌtə nyə kuꞌ ndwə. Nwi kəə vɨɨ faŋ vəŋ shɔꞌtə ŋwə tɨ́ nee.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:25

Viŋ zɔ! Mə gì tɨ́ viŋ yinsəŋ laa, yighee kɨkuꞌ, kaꞌ mə gì laa nyə duꞌtə nyə kùꞌ, faŋ vəŋku-kɨ-duꞌ taa zɔ gɨ Wee Nwi. Nɨniŋ, vəŋku və vɨɨ mbɨə faŋ vəŋ zɔ̀ gɨ Wee Nwi yɔ́, taa ywey fɨ shɨ yiku.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:28

Kɨ shuu wiŋ yɔŋ maa vənu vɔ́ me. Yighee kɨkuꞌ faŋ vɨɨ vənshə faŋ vəŋ kukə̀ taa zɔ gɨ Wuu yinsəŋ Nwi ghɔ́.

Akts 6:14

Vəŋ baa gì laa vəŋ nə zɔ̀ faŋ ŋwə gì laa Yeso, wuu Nazaret taa sɔꞌ ŋii Nwi yɔ́, ndɔ baa kwiinə nuŋsə nyaa-nsiŋ faŋ Mose nə kɔ̀ tɨ́ nsiŋ nə.

Efesɔs 2:18

Luu sheꞌ buꞌ ŋwə laa nsiŋ kìi jɨɨ, ŋìi yɨ tɨta Nwi taa Zwitə ki kəmuꞌ ndwə.

Efesɔs 3:14

Lùu ŋiꞌ nu ŋkɨə faŋ mə tùŋ vətɔ-vəyəə vaŋ nsi vɨsɨ tɨta Nwi,

1 Timoti 2:8

Nɨniŋ, mə kəə laa vəndɔŋ kɨ shɔꞌtə Nwi maa vəshəŋ vənshə faŋ viŋ shəŋtə shɔ nə, shaꞌsə ghɔ vəŋ yizɔ. Bàw vəndɔŋ kɨ shɔꞌtə Nwi nə fwi yimuꞌ, tuu nu bwə kee lùu maa vəŋ me, fwi vəŋ kee kɨ shəsə me.

1 Pita 1:17

Viŋ tii Nwi nə Tii wiŋ, faŋ ŋwə shoꞌtə vənu və vɨɨ faŋ vəŋ yɨsə tɔ tɔ, kee nə fəntɔ-fə-yisɨ me. Nɨniŋ, bàw laa viŋ kɨ toꞌ ghuu yitoꞌ kiŋ maa yighee faŋ viŋ lùu vəndɔ mbi nə feenə.

Reveleyshən 21:22

Mə kee yè ŋii Nwi taa shɨ yɔ́ me, buꞌ laa nshɨ-tɔ Nwi, tɨta Nshɔɔ-mbi lùu taa ŋwaa vəŋ, ghɔ bi-njɨɨ yɔ́.