Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36 - Vengo (Babungo)

³⁶ Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36 ပူးပေါင်းရင်းမြစ်များ

Matiu 25:46

Vɨɨ bwənə vɔ́ ndɔ ŋii taa ŋɨꞌ yikwalə faŋ nyə gòꞌsə yighee muꞌ. Gə fɨ maa vɨɨ jəənə vɔ́, vəŋ zɨ məbwey vəlwaŋ faŋ ŋwə gòꞌsə yighee muꞌ.»

Mark 16:16

Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Lukas 2:30

buꞌ laa sɨ ŋaa yè wə ntɨə faŋ ŋwə kɔ məbwey vəlwaŋ tɨ́ vɨɨ.

Lukas 3:6

Wə tɨ̀ me wə ndɔ kɨ ye faŋ Nwi bweysə vɨɨ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:12

Nə biŋ sheꞌ way vɨɨ bìŋ ŋwə, nùŋ fwisə vəŋ maa ŋwə. Nɨniŋ, ŋwə yɨ vɨɨ mbɨə faŋ vəŋ nùŋ fwisə vəŋ maa ŋwə, luu vaŋ Nwi, buꞌ faŋ vəŋ nə nùŋ fwisə vəŋ maa yizii yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:28

Mə kɔ məbwey tɨ́ vəŋ faŋ ŋwə kee ndɔ mè me. Vəŋ kee ndɔ kukə me. Kaꞌ wə kee baa shaw vəŋ fɨ ghɔ mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:36

Yighee jwi kùꞌ laa wə ntɨə faŋ ŋwə shwi say, kii vəndɔꞌnə vi. Vəndɔꞌnə vi lùu laa ŋwə baytə vɨɨ laa vəŋ jwi kìi məbwey vəlwaŋ. Nɨniŋ, wə ntɨə faŋ ŋwə yaa bia, nə wə ntɨə faŋ ŋwə shɨshwi, kìi məŋaytə shəŋ muꞌ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:58

Nɨniŋ, mbasə ŋwaa ŋwaa luu ŋkee fazɨ faŋ ŋkə ndɔ̀ fɨ yizɔ. Fazɨ ŋkɨə faŋ vətɨɨ viŋ nə zɨ̀ taa tɔɔ waꞌsə fɨshi nə, baa kii kukə, kee lùu fazɨ yinsəŋ faŋ ŋkə ndɔ̀ fɨ yizɔ me. Luu nə, wə ntɨə faŋ ŋwə zɨ̀ fazɨ ŋkɨə faŋ mə kɔ nə, ndɔ goꞌsə yighee muꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:51

Viŋ zɔ! Mə naysə tɨ́ viŋ yinsəŋ laa, kɨ luu wə biŋ, nùŋsə yigisə nyaa, buu ŋwə ndɔ goꞌsə yighee muꞌ, kee ku me.»

Akts 14:2

Luu nə, vɨɨ Jus vəmɔ́ꞌ faŋ vəŋ nə kee bìŋ nu Kristo me, gə yè vɨɨ faŋ kee lùu vɨɨ Jus me, yɨ̀ laa fwisə vəŋ fəŋ maa Pɔɔl ghɔ Barnabas.

Roma 4:15

Lùu nɨniŋ buꞌ laa ntɨsə Nwi yɨsə sheꞌ laa nsɔꞌ Nwi ndɔ ŋii maa vɨɨ, buꞌ faŋ vəŋ kee kɨɨ maa mənuŋsə ntɨsə sɔ́ me. Wə ntɨə faŋ ntɨsə sɔ́ kee lùu shɔ tɨ́ ŋwə me, buu kaꞌ ŋwə kee gù nu maa ntɨsə sɔ́ me.

Roma 5:9

Nɨniŋ, faŋ ŋwə nə kìasə nu kaŋ-nsiŋ nə mənshi mi, ŋkə loomə nə, nsiŋ kɔꞌ kɨɨ ŋkee maa yinsəŋ laa Nwi ndɔ bweysə nsiŋ fɨ taa nsɔꞌ Nwi buꞌ ŋwə.

Roma 8:1

Nɨniŋ, vɨɨ mbɨə faŋ vəŋ fàynə ghɔ vɨ Yeso Kristo, kaꞌ vəŋ kee ndɔ baa gu nsɔꞌ ndì me.

Galatia 3:10

Gə fɨ maa vɨɨ mbɨə faŋ vəŋ tə̀ sɨ laa vəŋ nuŋsə ntɨsə Nwi, nsɨə faŋ Nwi nə kɔ̀ tɨ́ vɨɨ Jus nə, laa vəŋ taa luu vɨɨ leynə kwiŋ Nwi, buu nsɔꞌ Nwi tɔ vəŋ. Ŋkə lùu nɨniŋ buꞌ laa ŋkə lùu faŋ vɨ nyɔ̀ꞌ taa ŋwaꞌlə Nwi laa, «Wə tɨ̀ me wə faŋ ŋwə kee zɔnə vənu vənshə faŋ vɨ nyɔ̀ꞌ taa ŋwaꞌlə ntɨsə me, kee yɨsə vənu vɔ́ vənshə me, buu nsɔꞌ Nwi tɔ vəŋ.»

Efesɔs 5:6

Kɨ wə bweꞌsə viŋ nə yigisə dayday buꞌ vənu vɔ́ me! Luu buꞌ kəŋ vənu vɔ́ faŋ nsɔꞌ Nwi ndɔ luu tɔ vɨɨ mbɨə faŋ vəŋ kee zɔnə Nwi me.

1 Tesalonika 1:10

baa nə laa viŋ kɨꞌ Yeso, wee Nwi, faŋ Nwi nə ywèysə ŋwə fɨ shɨ yiku nə, faŋ ŋwə ndɔ siꞌ fɨ yizɔ, jwì bwèysə nsiŋ fɨ taa nsɔꞌ Nwi faŋ nyə ndɔ ŋii maa vɨɨ nə.

1 Tesalonika 5:9

Viŋ yɨ nɨniŋ buꞌ laa Nwi nə kee nùŋ nsiŋ laa nsɔꞌ yi ndɔ jia nsiŋ me. Ŋwə nə tìi nsiŋ laa nsiŋ ndɔ zɨ məbwey vəlwaŋ fɨ yiba tɨta ŋwaa-nsiŋ Yeso Kristo,

Hibru 10:29

Faŋ ŋkə lùu nɨniŋ nə, viŋ kɔꞌ kɨɨ laa nsɔꞌ wə ntɨə faŋ ŋwə ndasə ŋkee wee Nwi, weꞌ shɔ̀ɔ. Kəŋ wə ghɔ́ ndì yiku Yeso, faŋ Nwi nə gwìa məkee shɔ tɨ́ nsiŋ nə, yaa nu dayday, baa shiasə Zwitə Nwi faŋ ŋkə jwi nə mənɔŋ-bwaŋnə nə. Nsɔꞌ kəŋ wə ghɔ́ weꞌ shɔ̀ɔ.

Hibru 2:3

Faŋ ŋkə lùu nɨniŋ nə, gə̀ fɨ maa nsiŋ, faŋ nsiŋ zɔ ntɔŋ yimɔ́ꞌ faŋ nyə kwàlə shɔ̀ɔ, kɔ̀ jɨɨ məbwey vəlwaŋ tɨ́ vɨɨ, sii kaꞌ nsiŋ fùu fɨ taa nsɔꞌ kɨkə, faŋ nsiŋ kee zɔnə ntɔŋ yinjii me? Ntɔŋ yɔ́ nə fɔŋ fùu taa mbi faŋ tɨta Yeso nə fɨ̀ꞌtə tɨ́ vɨɨ nə. Vɨɨ mbɨə faŋ vəŋ nə zɔ̀ ntɔŋ yɔ́, lèsə tɨ́ nsiŋ laa lùu nu yinsəŋ.

Hibru 3:18

Vɨɨ mbɨə faŋ Nwi nə kɔ̀ꞌnə tɨ́ vəŋ laa kɨ vəŋ ndɔ ŋii maa shəŋ jəə ki maa məshəŋ ŋwaa shɔ me, nə luu vəndə? Maa nə luu vɨɨ mbɨə faŋ vəŋ nəə kee zɔnə Nwi nə me.

Hibru 3:19

Nɨniŋ, nsiŋ ye laa nu ŋkɨə faŋ ŋkə nə yɨ̀sə laa kɨ vəŋ ŋii maa shəŋ kɔ́ nə me, luu buꞌ laa vəŋ nə kee bìŋ Nwi me.

Reveleyshən 21:8

Gə̀ fɨ maa vɨɨ mbɨə faŋ vəŋ nyɨŋkə, baa twey nu Kristo, nə vɨɨ məyɨ vənu vəbwəvə, nə vɨɨ məzwilə vɨɨ, nə vɨɨ mətii vəki, nə vɨɨ vəfɔ vəbwəvə, nə vɨɨ məbiŋ vənwi vədayday, nə vɨɨ təba vənshə, shəŋ vəŋ luu shəŋ ŋkɨə faŋ wisə bii fɨ fuŋ, lumə ki zwilə vɨɨ, faŋ lùu shəŋ yiku lwesə ghee bɔɔ.»