Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33 - Vengo (Babungo)

³³ Wə ntɨə faŋ ŋwə bìŋ nu ŋkɨə faŋ ŋwə gisə, biŋ laa Nwi lùu wuu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:33 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:27

Kɨ viŋ baa kɨ faꞌ maa fazɨ ŋkɨə faŋ ŋkə taa ndi me. Bàw viŋ faꞌ maa məfi fazɨ ŋkɨə faŋ kaꞌ ŋkə goꞌsə yighee muꞌ, yɨ̀ viŋ kìi məbwey vəlwaŋ. Lùu ŋkɨə faŋ Wuu yinsəŋ Nwi ndɔ kɔ tɨ́ viŋ. Kaꞌ ŋwə kɔ tɨ́ viŋ buꞌ laa tɨta Nwi nə kɔ̀ wutə ki tɨ́ ŋwə yaa shwenə tɨ́ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:26

Vənu shɔ vəyaŋ maa məgi kɔ̀ŋ viŋ, nə maa məsɔꞌ nsɔꞌ tɔ viŋ. Luu nə, wə ntɨə faŋ ŋwə nə tɔ̀ŋ mə, lùu wuu yinsəŋ. Mə naysə vənu tɨ́ vɨɨ, luu mbə faŋ naysə ŋwə shee.»

Roma 15:28

Yighee njyə faŋ mə ndɔ metə faꞌ ghɔ́, baa kɔ̀ vətɔ vɔ́ faŋ vɨ nə bàytə maa məkɔ tɨ́ vɨɨ fɨ Jerusalem nə, kɨ nii ndɔ̀ jwi yɨ viŋ, shɔ̀ɔ gə̀ Speyn.

Roma 4:11

Ŋwə nə bɨ nùŋ fwi yi maa Nwi, Nwi ndi ŋwə yaa wuu loomə, faŋ vɨ nə kee ta nàysə ŋwə me, buu Nwi kɨ nii kɔ̀ nu məsɨɨtə wə tɨ́ ŋwə yaa shwenə wuu loomə. Nɨniŋ, Abraham gu tɨɨ vɨɨ vənshə faŋ vəŋ nùŋ fwisə vəŋ maa Kristo, faŋ vɨ kee sɨ̀ɨtə vəŋ me, Nwi ndi vəŋ yaa vɨɨ loomə.

1 Kɔrintian 9:2

Kɨ ghaŋ laa mə kee lùu wuu ntɔŋ Kristo tɨ́ vɨɨ mɔ́ꞌ me, mə nə luu wuu ntɔŋ Kristo tɨ́ viŋ ŋkee maa yinsəŋ. Nshɨ-tɔ wiŋ faŋ viŋ lùu vɨɨ Kristo buꞌ mə nə, lùu shwenə laa mə lùu wuu ntɔŋ wi maa yinsəŋ.

2 Kɔrintian 1:18

Bey, ŋkee maa yinsəŋ Nwi, yigisə yia tɨ́ viŋ kee lùu ɔŋ nə bey me.

2 Kɔrintian 1:22

kwàŋ shwenə maa nsiŋ laa kìi yi kìi nsiŋ, kɔ̀ nsiŋ nə Zwitə ki taa fwisə nsiŋ, maa məyɨ laa nsiŋ kɔꞌ kɨɨ laa nsiŋ ndɔ zɨ məbwey vəlwaŋ fɨ ghɔ ŋwə nɨzi.

Efesɔs 1:13

Gə fɨ maa viŋ, faŋ viŋ nə zɔ̀ nu yinsəŋ Nwi sheꞌ fɨ yiba, viŋ zɔ̀ ntɔŋ yijəə Nwi nɨzi, faŋ nyə bweysə viŋ nɨzi. Viŋ kɨ nii nùŋ fwi siŋ maa Kristo nɨzi. Nwi kɔ viŋ nə Zwitə Ley ki, faŋ ŋwə nə kɔ̀ꞌnə maa məkɔ tɨ́ vɨɨ nə. Zwitə Ley Nwi kɔ́ lùu shwenə ki mbɨɨ ŋwaa viŋ,

Efesɔs 4:30

Kɨ viŋ yɨ laa Zwitə Ley Nwi luŋ me, buꞌ laa Nwi kɔ Zwitə ki kɔ́ tɨ́ viŋ, shwèe shwenə ki maa viŋ, yɨ̀ laa viŋ ndɔ fuu fɨ taa nsɔꞌ Nwi maa shi ŋkɨə faŋ vɨ ndɔ bweysə vɨɨ fɨ fuŋ.

2 Timoti 2:19

Luu nə, shɨ ŋii weꞌnə ŋkɨə faŋ Nwi nə bɔ̀ŋ, gòꞌsə yighee muꞌ. Shwenə ki lùu laa, «Nwi kɔꞌ kɨɨ nə vɨɨ mbɨə faŋ ŋwə nə shòꞌ,» baa nə laa, «Wə ntɨə faŋ ŋwə tii yizii Mɔꞌmbi, bàw ŋwə fuu fɨ taa vənu vəbwəvə.»

Hibru 6:17

Sheꞌ nɨniŋ, Nwi nəə kəə də̀ tɨ́ vɨɨ mbɨə faŋ Nwi nə kɔꞌnə vəŋ nə, laa yi taa kɔ fa ŋkɨə faŋ yi kɔ̀ꞌnə tɨ́ vəŋ nə, kee kwìinə fwi yi me. Nɨniŋ, ŋwə lɨꞌtə nu ŋkɨə faŋ ŋwə kɔ̀ꞌnə nə.

1 Jɔn 1:10

Nsiŋ kɨ luu kɨ gisə laa nsiŋ kee yɨ̀ nu bwə me, buu nsiŋ tii Nwi nə wuu ba, nu ki kee lùu taa fwisə nsiŋ me.