Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3 - Vengo (Babungo)

³ Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3 ပူးပေါင်းရင်းမြစ်များ

Matiu 16:17

Yeso bəŋsə tɨ́ ŋwə laa, «Mənɔŋ-bwaŋnə tɔ ghɔ mɔɔ, Saymon, wee Jona, buꞌ laa nə kee twèlə mbɨꞌtə wə mənsaw twèlə nu kɔ́ tɨ́ ghɔ me, nə twèlə sheꞌ Tii ŋwaa faŋ ŋwə lùu yizɔ.

Matiu 19:24

baa nə laa, «Ŋkə lùu kəyaysə tɨ́ nyaa yikwalə maa məshɔɔ fɨ maa ŋɔŋ tasə, fɨ ghɔ tɨɨ ka maa məŋii taa yifwàŋ Nwi.»

Matiu 21:31

Wə ntɨə faŋ ŋwə zɔ yigisə tɨɨ vəŋ fɨ taa ŋwaa vɨɨ vɔ́ vəbɔɔ nə, lùu ŋgwəə?» Vəŋ laa lùu ŋgwə vɨsɨ. Yeso gi tɨ́ vəŋ laa, «Viŋ zɔ! Mə naysə nu yinsəŋ tɨ́ viŋ laa, vɨɨ məsa vətɔ nə vəsakə fi vɨsɨ fɨ ghɔ viŋ, ŋìi nu yifwàŋ Nwi.

Matiu 5:18

Viŋ zɔ! Mə naysə nu yinsəŋ tɨ́ viŋ laa tuu ŋkee yisɨ ŋwaꞌlə yimuꞌ, tɨꞌnə me ŋkee wee-mbey, kee ndɔ ndi fɨ taa ŋwaꞌlə ntɨsə Nwi me, gə ziꞌ maa yighee njyə faŋ yizɔ ghɔ nsi ndɔ ndi. Vənu vɔ́ vənshə fɨ taa ŋwaꞌlə Nwi ndɔ gay ŋkəə.

Mark 10:14

Yeso ye, ŋkə bɨ tɨ́ ŋwə. Ŋwə gi tɨ́ vɨɨ məzwetə nu ki laa, «Viŋ biŋ vaŋmbwaa kɨ jwi yɨ mə! Kɨ viŋ baa fəŋ vəŋ me! Viŋ kɔꞌ kɨɨ laa vɨɨ mbɨə faŋ vəŋ ndɔ zɨ nu yifwàŋ Nwi, lùu vɨɨ faŋ vəŋ lùu yaa vaŋmbwaa və̀.

Mark 9:47

Kɨ ghaŋ yisɨ yə yɨsə a yɨ nu bwə, kɨlə, fùusə. Bàw laa a ndɔ ŋii yifwàŋ Nwi nə yisɨ yimuꞌ, fɨ ghɔ a kii sɨ bɔɔ, vɨ mɔꞌ ghɔ taa wi faŋ lùu shəŋ vəŋku vənsisə vəbwəvə,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:13

Nɨniŋ, nə bì Nwi bi vəŋ. Nu kɔ́ kee ndɔ̀ fɨ maa məbi wə fɨ taa mənshi me, tɨꞌnə me fɨ maa ŋkawnə wə mənsaw me, tɨꞌnə me fɨ maa mbɨꞌtə wə mənsaw me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:5

Məley ghɔ́ bee maa vəshəŋ və mfiŋsə. Luu nə, mfiŋsə sɔ́ kee jìa məley ghɔ́ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:51

Yeso kɨ nii baa gì tɨ́ vəŋ laa, «Viŋ zɔ! Mə gì ŋkee nu yinsəŋ tɨ́ viŋ laa viŋ ndɔ ye faŋ yizɔ ŋaꞌnə, nshiisə-ŋiisə Nwi koꞌ baa siꞌ maa Wuu yinsəŋ Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:40

«Nwi shìtə sɨ vəŋ baa yɨ̀ vəŋ luu vɨɨ vətɔ vəshiivə, tɨ́ kaꞌ vəŋ kee yè məley me, kee kwìinə fwisə vəŋ maa məkɨɨ nə nu yinsəŋ me, kee kwiinə nshinə vəŋ, tɨ́ kaꞌ Nwi shuꞌ vəŋ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:4

Nikodemɔs gi laa, «Sii kaꞌ vɨ bi wə fi, faŋ ŋwə duꞌtə ŋwə ta dwàŋ kɨkə? Kaꞌ ŋwə baa bə̀ŋ ŋìi taa njyoꞌ nshu wi, vɨ bi ŋwə lee?»

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

2 Kɔrintian 5:17

Nɨniŋ, wə kɨ luu kìi nu kəmuꞌ ghɔ Kristo, Nwi nàysə ŋwə, ŋwə gu fa fi, vənu vəmwavə vi ndì, gù vəfi.

Galatia 6:15

Faŋ vɨ sɨ̀ɨtə wə, faŋ vɨ kee sɨ̀ɨtə wə me, ŋkwiinə kee lùu shɔ me. Nu kwalə luu sheꞌ laa Nwi yɨsə nsiŋ luu vɨɨ finə.

Efesɔs 2:1

Viŋ yaa luu vəŋku və vɨɨ, buꞌ vənu vəbwəvə viŋ nə ghuu yitoꞌ kiŋ kəbwəkə.

Taytəs 3:5

Faŋ ŋwə nə bweysə nsiŋ nɨniŋ nə, kee bweysə nsiŋ buꞌ vəfaꞌ vəjəəvə faŋ nsiŋ nə yɨsə me. Ŋwə bwèysə nsiŋ luu sheꞌ buꞌ gəŋ si, faŋ ŋwə nə sɔ nu bwə fɨ maa nsiŋ, bì nsiŋ fi. Zwitə Ley Nwi ŋii taa fwisə nsiŋ, kɔ nsiŋ nə nshinə yifi.

Jeyms 3:17

Yitɔfə njyə faŋ nyə ndɔ fɨ ghɔ Nwi, lùu nɨŋkwiŋ. Wə ntɨə faŋ ŋwə kìi kəŋ tɔ ley kɔ́, lùu wuu ley. Ŋwə jwi nə mənɔŋ-bwaŋnə tɨ́ vɨɨ, yɨ jəə, kee kìi məshii me, kee gəŋsə vɨɨ ŋkee dɨdɨꞌ, yɨsə vənu vəjəəvə ghee nshə, kee shia nsɔꞌ tɔ wə me, kee bweꞌsə wə me.

1 Pita 1:3

Nsiŋ kɨ bəŋsə Nwi, tɨɨ Yeso Kristo, faŋ luu mbweysə nyaa-nsiŋ. Nwi nə kèe gəŋ saŋ-nsiŋ dɨdɨꞌ, faŋ ŋwə nə kɔ̀ məbwey fi tɨ́ nsiŋ, buꞌ faŋ ŋwə nə ywèysə Yeso fɨ shɨ yiku. Nɨniŋ, kaꞌ nsiŋ kɨ̀ꞌ məbwey vəlwaŋ nə məŋaytə.

1 Jɔn 2:29

Viŋ kɨ luu kɨ kɨɨ laa vənu və Nwi lùu vəloomə, buu viŋ kɔꞌ kɨɨ nɨzi laa wə ntɨə faŋ ŋwə yɨ vənu vəloomə, lùu wə faŋ nə bì Nwi bì wə ghɔ́.

1 Jɔn 3:9

Wə ntɨə faŋ nə bì Nwi bì ŋwə, kee yɨ̀sə vənu vəbwəvə me, buꞌ laa ŋkɨꞌnə Nwi lùu maa ŋwə. Ŋwə kee kɨɨ maa məyɨ nu bwə me, buꞌ laa bì Nwi bì ŋwə.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

1 Jɔn 5:18

Mə baa lesə tɨ́ viŋ laa, nsiŋ kɔꞌ kɨɨ laa, wə ntɨə faŋ bì Nwi bì ŋwə, kee yaa kɨ yɨ nu bwə me, buꞌ faŋ Wee Nwi shiinə ŋwə. Nɨniŋ, kaꞌ tɨɨ vəzwitə vəbwəvə kee kɔ̀ŋ wə ghɔ́ me.

1 Jɔn 5:4

buꞌ laa wə ntɨə faŋ bì Nwi bì ŋwə, yaa kɨ ghɔꞌ vənu vəbwəvə fɨ taa mbi. Nsiŋ ghɔ̀ꞌ vənu vəbwəvə fɨ taa mbi, buꞌ faŋ nsiŋ nùŋ fwi saŋ-nsiŋ maa Yeso Kristo.

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,