Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:25 - Vengo (Babungo)

²⁵ Ntay yimɔ́ꞌ fuu taa ŋwaa vɨɨ məzwetə nu Jɔn ghɔ vɨ wə Jus mɔ́ꞌ, buꞌ nu məyɨsə wə ley vɨsɨ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:25 ပူးပေါင်းရင်းမြစ်များ

Matiu 3:11

Jɔn baa gi laa, «Mə kɔ muu mə Nwi tɨ́ viŋ laa viŋ kɨ kwiinə fwi siŋ. Luu nə, wə ntɨə faŋ ŋwə jwi fiiba mə, kìi wutə shɔ̀ɔ mə. Mə kee bee kùꞌnə ŋkee maa məshaꞌ gɔsə si me. Ŋwə ndɔ kɔ luu Zwitə Ley Nwi tɨ́ viŋ, nə wisə.

Mark 7:8

Sheꞌ nee, viŋ mèꞌ ntɨsə Nwi, kɨ jia luu nuŋsə faŋ vɨɨ nùŋsə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:6

Vəntɨɨ və muu nə luu yifi ntɔfə, buꞌ laa nə luu ŋgunə vɨɨ Jus maa məsɔ vətɔ vəvəŋ ghee nshə. Vəntɨɨ vɔ́ nə luu ŋkee vəkwalə tɨ́ kaꞌ bɔŋsə məluꞌ səkwalə ŋìi taa ntɨɨ muꞌ yaa tee ghɔ ntɔfə.

Hibru 6:2

Kɨ yia baa tey kɨ twelə tɨ́ viŋ kɔ̀ŋ nu məfi muu mə Nwi nə məmɔꞌ ghɔ tɔ vɨɨ, baa nə nu ŋkɨə faŋ Nwi ndɔ yweysə vɨɨ fɨ shɨ yiku, ndɔ baa kɨ shia nsɔꞌ tɔ vɨɨ maa yighee shə me.

Hibru 9:10

Ndeysə nə vəkɔ luu sheꞌ vətɔ və shɨ nsi. Mbə luu sheꞌ yaa nuŋsə yimɔ́ꞌ kɔ̀ŋ vətɔ vəzɨvə, nə vətɔ və mənu, nə ŋgunə məsɔ vətɔ. Nuŋsə yinshə lùu vənu və shɨ nsi faŋ mbə dùꞌ sheꞌ maa kuŋtə yighee, zìꞌ maa yighee njyə faŋ Nwi taa də jɨɨ yiday faŋ nyə bàw shɔ̀ɔ nuŋsə yɔ́.

Hibru 9:23

Nɨniŋ, Nwi nə tə laa vɨ ndi mənshi, fɔ̀ꞌ maa vətɔ mbɨə faŋ vɨ faꞌ faꞌ Nwi shɔ nə, faŋ mbə lùu vəshwenə vətɔ fɨ yizɔ nə, laa mbə luu vəley vɨsɨ Nwi. Gə fɨ maa ŋkee vətɔ mbɨə faŋ mbə lùu yizɔ, kaꞌ mənshi mə nyaasə kee bee kùꞌnə shɔ me. Fa ŋkɨə faŋ vɨ feꞌ shɔ, kwàlə shɔ̀ɔ vəkɔ fɨ shɨ nsi.

1 Pita 3:21

Nu muu kɔ́ luu mfɨꞌ nu muu mə Kristo, faŋ mbə bweysə viŋ ndwə. Mbə kee lùu maa məsɔ yifɨŋ fɨ maa viŋ me, lùu nu maa məbuꞌ ghɔ tɨ́ Nwi, laa ŋwə yɨsə fwi siŋ ley. Kaꞌ ŋkə bwèysə viŋ buꞌ laa Yeso Kristo nə ywèy fɨ shɨ yiku,