Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:21 - Vengo (Babungo)

²¹ Wə ntɨə faŋ ŋwə yɨ vənu vəjəəvə, yaa kɨ kaw gə̀ maa shəŋ məley, laa vənu vi fuu ntee, buꞌ laa nshɨ-tɔ Nwi gaŋtə ŋwə maa məyɨsə nɨniŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:21 ပူးပေါင်းရင်းမြစ်များ

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:47

Nataniel jwi yɨ Yeso. Yeso ye ŋwə, gì tɨ́ ŋwə laa, «A luu wuu Isirayl yinsəŋ, nu məbweꞌsə wə kee lùu taa fwi ghɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:20

Wə tɨ̀ me wə faŋ ŋwə yɨ vənu vəbwəvə, yaa kɨ bee məley, kee kàw shəŋ məley me, buꞌ vənu vəbwəvə vi fuu ntee, vɨ sɔꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:39

Viŋ tii ŋwaꞌlə Nwi, buꞌ laa viŋ bɨ̀ꞌtə laa viŋ taa kii məbwey vəlwaŋ faŋ ŋwə gòꞌsə yighee muꞌ taa tey yi. Yinsəŋ, ŋwaꞌlə ghɔ́ gisə nu kɔ̀ŋ mə nɨzi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:17

Wə kɨ luu kɨ kəə yɨ̀ nu ŋkɨə faŋ Nwi kàw, buu kaꞌ ŋwə kɨɨ laa yigisə nyaa yɔ́ ndɔ̀ fɨ ghɔ Nwi, laa nyə kee lùu nu faŋ mə gisə maa ŋkɨɨ nyaa me.

1 Kɔrintian 15:10

Luu nə, ŋwə kee gəŋ saŋ, tù mənɔŋ-bwaŋnə tɔ mə, yɨ laa mə gu wə ntɨə faŋ mə lùu ndwə. Mənɔŋ-bwaŋnə wi nə gəŋ si, faŋ Nwi nə kɔ̀ shee nə, kee ndì dayday me. Ŋkə yɨsə laa mə ndɨ wutə kaŋ kənshə, fàꞌ tɨ́ Nwi shɔ̀ɔ vəŋ vənshə. Nə kee lùu wutə kaŋ faŋ mə ndɨ̀, kɨ faꞌ ŋgɨɨ-mə me. Nə luu sheꞌ gəŋsə Nwi nə wutə ki faŋ ŋkə lùu ghɔ mə.

2 Kɔrintian 1:12

Nu ŋkɨə faŋ kaꞌ yia koꞌsə ŋwaa shɔ, lùu laa tɔ kia bìŋ laa ghuu yitoꞌ kia fɨ taa mbi nə bàw, baa ley vɨsɨ Nwi. Yia nəə kee toꞌ nə yitɔfə vɨɨ fɨ taa mbi me, toꞌ sheꞌ faŋ Nwi nə də̀ tɨ́ yia, faŋ ŋwə nə kèe gəŋ sia nə. Yia nəə toꞌ nɨniŋ fɨ taa mbi nyə̀, toꞌ nɨniŋ ŋkee jəə taa ŋwaa viŋ.

Galatia 6:8

Wə ntɨə faŋ ŋwə yɨsə vənu sheꞌ maa nshɨ-tɔ wi, ŋwə ndɔ ndi. Gə fɨ maa wə ntɨə faŋ ŋwə yɨsə vənu buꞌ Zwitə Nwi, ŋwə ndɔ zɨ məbwey vəlwaŋ faŋ ŋwə ndɔ̀ fɨ maa Zwitə Nwi.

Efesɔs 5:9

Faŋ viŋ lùu taa məley ghɔ́, buu viŋ taa kɨ yɨsə vənu vəjəəvə, nə vənu vəloomə, nə vənu və yinsəŋ.

Filipi 1:11

Vənu vəjəəvə ndɔ lwaŋ taa ŋwaa viŋ, viŋ kii nshinə yijəə faŋ nyə ndɔ̀ fɨ ghɔ Yeso Kristo. Nɨniŋ, vɨɨ ye yikwalə Nwi fɨ fuŋ, bəŋsə ŋwə.

Filipi 2:13

Viŋ toꞌ nɨniŋ, buu lùu nshɨ-tɔ Nwi faŋ ŋwə faꞌ taa ŋwaa viŋ, yɨsə laa viŋ kaw maa mətoꞌ nɨniŋ. Ŋwə baa luu kɔ wutə tɨ́ viŋ maa mətoꞌ nɨniŋ. Too Nwi bàw maa məfaꞌ nɨniŋ taa ŋwaa vɨɨ.

Kɔlɔsii 1:29

Lùu ŋiꞌ nu ŋkɨə faŋ mə kɨɨtə, faꞌ nəŋay, baa nə wutə ŋkɨə faŋ Kristo kɔ̀ shee nə. Wutə ki kɔ́ faꞌ taa ŋwaa mə ŋkee dɨdɨꞌ.

Hibru 13:21

Nwi kɔ viŋ nə vətɔ vəjəəvə vənshə faŋ mbə gaŋtə viŋ maa məyɨsə vənu mbɨə faŋ ŋwə kəə laa viŋ kɨ yɨsə. Yeso Kristo faꞌ taa fwisə nsiŋ, laa nsiŋ kɨ shi nə nshinə njyə faŋ nyə bàw too Nwi. Nsiŋ kɨ bəŋsə Yeso ghee nshə. Feenə wi ndɔ goꞌsə yighee muꞌ. Ŋkə lùu nɨniŋ.

1 Pita 1:22

Nɨniŋ, viŋ kaw nə yiŋwaa yiŋ, viŋ viŋ, kee bwa me! Viŋ kaw nə yiŋwaa yiŋ nə fwi yimuꞌ, buꞌ laa viŋ bìŋ maa məyɨ vənu vəjəəvə, tɨ́ kaꞌ fwi siŋ lèy. Viŋ kɨ kaw vaŋ-nshwi viŋ, kee seesə me!

1 Jɔn 1:6

Nsiŋ kɨ luu gi laa nsiŋ lùu fa kəmuꞌ, nsiŋ vɨ Nwi, luu nə, kɨ toꞌ fɨ taa mfiŋsə, buu nsiŋ sɨɨ ba, kee yɨ nu ŋkɨə faŋ ŋkə luu kəloomə me.

3 Jɔn 1:11

Wuumba ŋwaa, kɨ ghɔ kɨ fiꞌsə vənu vəbwəvə me, kɨ fiꞌsə luu nu jəə. Wə ntɨə faŋ ŋwə yɨ nu jəə, ndɔ̀ fɨ ghɔ Nwi. Wə ntɨə faŋ ŋwə yɨ nu bwə, kee bee yè Nwi me.

Reveleyshən 3:15

«Mə kɨɨ nə njɨɨnə yə; a kee yɨyoonə me, kee nɨndɔŋ me. Ŋkə nə bàw laa a yoonə, tɨꞌnə me ndɔŋ.