Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:17 - Vengo (Babungo)

¹⁷ Nwi nə kee tɔ̀ŋ ŋwiŋ wi shɨ nsi, laa ŋwə ndisə vɨɨ shɨ nsi me. Ŋwə nə tɔ̀ŋ ŋwiŋ wi maa məbweysə vɨɨ, laa vɨɨ bwey buꞌ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:17 ပူးပေါင်းရင်းမြစ်များ

Matiu 1:23

Ŋwə nə nàysə laa lee, «Viŋ zɔ! Ŋgwaŋ wəzwi ndɔ gɔ, bi wee-wəndɔŋ, vɨ shu yizii yi nə Immanuel.» Ŋiꞌ yizii yɔ́ lùu laa, «Nwi taa ŋwaa nsiŋ.»

Matiu 18:10

Viŋ kɨ ndɨɨnə laa kɨ viŋ shia fɨ maa vaŋ vəbwavə və̀ me. Mə naysə tɨ́ viŋ laa nshiisə-ŋiisə Nwi nsɨə faŋ nsə shiŋnə vaŋ vɔ́, lùu yizɔ, ye yikəꞌ Tii ŋwaa faŋ ŋwə lùu yizɔ nə.

Matiu 18:11

Maa Wuu yinsəŋ Nwi yaa jwi maa məbweysə vɨɨ mbɨə faŋ vəŋ nə ndì nə.»

Lukas 19:10

Viŋ kɔꞌ kɨɨ laa Wuu yinsəŋ Nwi jwì maa məkəə vɨɨ mbɨə faŋ vəŋ nə ndì, tɨ́ kaꞌ ŋwə bweysə vəŋ.»

Lukas 9:56

Vəŋ kɨ nii ndɔ̀ gə̀ maa ntɨꞌ yiday.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:29

Fu kɨ lee Jɔn ye Yeso faŋ ŋwə jwi yɨ ŋwə, gì tɨ́ vɨɨ laa, «Ye wə ŋwə̀. Lùu bi-njɨɨ Nwi, faŋ ŋwə biꞌ vənu vəbwəvə mbi!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:36

Nɨniŋ, sii yɨ̀ kə viŋ gi laa mə ndà Nwi, buꞌ faŋ mə gì laa mə faŋ Tii ŋwaa nə shòꞌ mə, baa tɔ̀ŋ mə taa mbi nyə̀, mə lùu Wee Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:42

Mə kɔꞌ kɨɨ laa a zɔ gɨ nyaa ghee nshə. Mə gi nee buꞌ vɨɨ mbɨə faŋ vəŋ tɨŋnə feenə, tɨ́ kaꞌ vəŋ bìŋ laa tɔ̀ŋ ghɔ tɔ̀ŋ mə taa mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:18

Mə tɔŋ vəŋ taa mbi, sheꞌ faŋ a nə tɔ̀ŋ mə taa mbi nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:21

Nɨniŋ laa vəŋ vənshə luu nə fa kəmuꞌ, sheꞌ faŋ nsoo, tɨta, lùu fa kəmuꞌ. Mbɨꞌtə yə luu mbɨꞌtə nyaa, mbɨꞌtə nyaa luu mbɨꞌtə yə. Nɨniŋ, nsiŋ vɨ vəŋ ndɔ luu nə fa kəmuꞌ nɨzi, tɨ́ kaꞌ mbi biŋ, baa kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:23

Nu kaŋ lùu taa fwi vəŋ, nu kə lùu taa fwi mə, tɨ́ kaꞌ vəŋ lùu nə fa kəmuꞌ, ŋkə baw mètə. Nɨniŋ, mbi ye, ndɔ kɨɨ laa, nə tɔ̀ŋ ghɔ tɔ̀ŋ mə, baa nə laa a kaw vəŋ sheꞌ faŋ a kaw mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:25

Tɨta, tɨɨ vənu və loomə, mbi kee kɨɨ nə ghɔ me, kɨɨ sheꞌ mə nə ghɔ. Gə fɨ maa vɨɨ vaŋ vɔ́, vəŋ kɔꞌ kɨɨ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:3

Məbwey ghɔ́ faŋ ŋwə gòꞌsə yighee muꞌ nə, lùu faŋ vɨ kɨɨ nə ghɔ, faŋ a lùu Nwi yinsəŋ nɨnɔŋ, baa kɨ̀ɨ nə mə, Yeso Kristo, faŋ a nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 17:8

Lùu nɨniŋ buꞌ laa mə nə nàysə yigisə yə, faŋ a nə kwàŋ taa fwi mə, tɨ́ vəŋ, vəŋ biŋ, kɨ̀ɨ yinsəŋ laa mə nə ndɔ̀ fɨ yɨ ghɔ, baa biŋ laa nə tɔ̀ŋ ghɔ tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:21

Yeso baa gì tɨ́ vəŋ laa, «Mənɔŋ-bwaŋnə tɔ viŋ. Tɨta Nwi nə tɔ̀ŋ mə nə ntɔŋ. Nɨniŋ, mə tɔŋ viŋ ndwə nə ntɔŋ Nwi yɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:34

Wə ntɨə faŋ tɔ̀ŋ Nwi tɔ̀ŋ ŋwə, gisə sheꞌ yigisə Nwi, buꞌ laa Nwi kɔ̀ Zwitə Ley Nwi tɨ́ ŋwə, mfɨꞌ yi kee lùu shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:36

Luu nə, vənu vəmɔ́ꞌ shɔ faŋ mbə shɔɔ yigisə Jɔn yɔ́, faŋ mbə də laa Tii ŋwaa nə tɔ̀ŋ mə yinsəŋ. Lùu vənu və shuu yɔŋvə faŋ mə yɨ nə, faŋ Tii ŋwaa kɔ̀ mə laa mə yɨ. Mbə də yinsəŋ laa tɔ̀ŋ Tii ŋwaa tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:38

Viŋ kee nùŋ yigisə Tii ŋwaa taa fwisə viŋ me, buꞌ laa viŋ kee bìŋ nu ŋwiŋ wi faŋ ŋwə nə tɔ̀ŋ ŋwə nə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:45

Kɨ viŋ kɨ bɨꞌtə laa ndɔ kwaŋ mə kwàŋ nu kɔ́ tɔ viŋ vɨsɨ Nwi me. Lùu ntɨsə Nwi faŋ Mose nə nyɔ̀ꞌ nə, faŋ nsə ndɔ yɨsə vɨ kwaŋ nu kɔ́ tɔ viŋ. Vɨ ndɔ kwaŋ viŋ taa nsɔꞌ sheꞌ buꞌ ŋwaꞌlə Mose ghɔ́, faŋ viŋ tə̀ sɨ maa ŋwə, laa ŋwə ndɔ də nu yinsəŋ tɨ́ viŋ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:29

Yeso bəŋsə tɨ́ vəŋ laa, «Faꞌ ŋgwə faŋ kaꞌ viŋ fàꞌ, ŋwə bàw tɨ́ Nwi, lùu laa viŋ nuŋ fwi siŋ maa mə, faŋ nə tɔ̀ŋ Nwi tɔ̀ŋ mə taa mbi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:38

Lùu nɨniŋ, buꞌ laa mə sìꞌ fɨ yizɔ maa məyɨ nu ŋkɨə faŋ ŋkə bàw too Nwi faŋ ŋwə nə tɔ̀ŋ mə nə. Mə yaa kee jwì maa məyɨ nu ŋkɨə faŋ ŋkə bàw too mə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:57

Tii ŋwaa faŋ ŋwə kìi məbwey yinsəŋ, nə tɔ̀ŋ mə. Nɨniŋ, mə bwey buꞌ ŋwə. Sheꞌ nee, wə ntɨə faŋ ŋwə kwə mbasə ŋwaa ŋwaa, ndɔ bwey buꞌ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:29

Mə kɔꞌ kɨɨ nə ŋwə, buꞌ laa mə ndɔ̀ fɨ yɨ ŋwə; tɔ̀ŋ ŋwə tɔ̀ŋ mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:11

Wəzwi ghɔ́ gi tɨ́ Yeso laa, «Tɨta, wə kee baa lùu shɔ me.» Yeso gi tɨ́ wəzwi ghɔ́ laa, «Faŋ ŋkə lùu nɨniŋ, nshɨ-tɔ ŋwaa nɨzi, mə kee taa mɔꞌ nsɔꞌ yɔ́ me. Gə, kɨ baa yɨ nu bwə me!»]

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:42

Yeso gi tɨ́ vəŋ laa, «Nii toꞌ lùu yinsəŋ laa Nwi lùu tii wiŋ, buu viŋ kɨ kaw mə, buꞌ laa mə ndɔ̀ fɨ yɨ Nwi, baa lùu ŋwiŋ wi. Mə kee jwì maa yizii nyaa me, nə tɔ̀ŋ Nwi tɔ̀ŋ mə.

1 Jɔn 2:2

Luu sheꞌ buꞌ Yeso, faŋ ŋwə nə kù tɔ nsiŋ nə, laa Nwi kɨ nii mèꞌ nu bwə kaŋ-nsiŋ. Ŋwə kee mèꞌ sheꞌ nu bwə kaŋ-nsiŋ me, ŋwə mèꞌ nu bwə vɨɨ vənshə.

1 Jɔn 4:14

Viŋ kɔꞌ kɨɨ laa yia nə yè nə sɨ, baa fɨꞌtə tɨ́ vɨɨ, faŋ tɨta Nwi nə tɔ̀ŋ ŋwiŋ wi laa ŋwə lùu wuu məbweysə ŋwaa-nsiŋ.