Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:11 - Vengo (Babungo)

¹¹ Ye mɔɔ, mə naysə tɨ́ ghɔ yinsəŋ laa, yia gisə vənu faŋ yia kɨ̀ɨ nə mbə, baa naysə vənu faŋ yia nə yè nə yisɨ. Luu nə, viŋ kee bìŋ yia me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:11 ပူးပေါင်းရင်းမြစ်များ

Matiu 11:27

Ŋwə nə baa gì laa lee, «Tii ŋwaa nùŋsə vənu vənshə ghɔ mə. Tuu wə kee kɨɨ nə Wee Nwi me, kɨɨ sheꞌ tɨta Nwi kɨ̀ɨ nə ŋwə. Gə fɨ maa tɨta Nwi, tuu wə kee kɨ̀ɨ nə ŋwə me, kɨɨ sheꞌ ŋwiŋ wi kɨ̀ɨ nə ŋwə, nə wə ntɨə faŋ Wee Nwi ghɔ́ kàw maa məbɨ tɨ́ ŋwə.»

Matiu 23:37

Aŋ Jerusalem, Jerusalem, a zwìlə nshiisə-ŋii sɔghɔ, tùmə vɨɨ mbɨə faŋ Nwi tɔ̀ŋ tɨ́ ghɔ, nə ŋoꞌsə. Mə nəə kəə fàynə vaŋ və ghee yaŋ, yaa nshɨ ŋgu yaa kɨ kuutə vaŋ vi taa ghalə ŋwə nə. Luu nə, viŋ kee biŋ me.

Lukas 10:22

Ŋwə baa gì tɨ́ vəŋ laa, «Tii ŋwaa nùŋ vənu vənshə taa ghɔ mə. Wə kee lùu shɔ faŋ ŋwə kɨɨ nə Wee Nwi me, kɨɨ sheꞌ tɨta Nwi. Kaꞌ wə kee kɨ̀ɨ faŋ tɨta Nwi lùu me, tɨ̀ lɨꞌ sheꞌ Wee Nwi ghɔ́, nə wə ntɨə faŋ Wee Nwi ghɔ́ kàw maa məbɨ tɨ́ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:11

Nɨniŋ, ŋwə nə jwì shɨ ŋwə, ŋkee mbii vɨɨ kee bìŋ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:18

Tuu wə nə kee ta yè Nwi nə yisɨ me, tɨ̀ lɨꞌ sheꞌ yigɨꞌ Wee Nwi, faŋ ŋwə lùu yɨ fwi tɨta Nwi. Ŋwə jwi də̀ tɨ́ nsiŋ faŋ Nwi lùu.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 12:49

Lùu nɨniŋ buꞌ laa mə nəə kee gisə sheꞌ nə nshɨ-tɔ ŋwaa me. Tii ŋwaa faŋ ŋwə nə tɔ̀ŋ mə, nə tɨ̀ mə nə nu ŋkɨə faŋ mə taa kɨ naysə, baa nə yigi njyə faŋ mə taa kɨ gisə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:24

Wə ntɨə faŋ ŋwə kee kaw mə me, kee nùŋsə yigisə nyaa me. Nɨniŋ nə, yigisə nyaa faŋ viŋ zɔ nə, kee ndɔ fɨ ghɔ mə me, nyə ndɔ fɨ ghɔ tii ŋwaa, faŋ ŋwə nə tɔ̀ŋ mə nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:12

Mə yaa naysə vənu və shɨ nsi tɨ́ viŋ, viŋ kee biŋ me. Nɨniŋ, viŋ sii taa biŋ kɨkə, faŋ mə nàysə vənu və yizɔ tɨ́ viŋ?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:13

Tuu wə nə kee ta koꞌ gə̀ yizɔ me. Nɨniŋ, wə muꞌ nə sìꞌ fɨ taa yizɔ. Wə ghɔ́ lùu Wuu yinsəŋ Nwi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:3

Yeso bəŋsə tɨ́ ŋwə, gì laa, «Ye mɔɔ, mə gì ŋkee nu yinsəŋ tɨ́ ghɔ laa, vɨ kee bi wə fi me, buu kaꞌ ŋwə kee ŋìi nu yifwàŋ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:5

Yeso gi tɨ́ ŋwə laa, «Yinsəŋ, mə naysə tɨ́ ghɔ laa, vɨ kee bì wə nə muu mə Nwi nə Zwitə Ley Nwi me, buu kaꞌ ŋwə kee ŋìi nu yifwàŋ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:43

Viŋ kee bìŋ mə faŋ mə jwi maa yizii Tii ŋwaa nə me. Kɨ luu wə mɔ́ꞌ jwi sheꞌ nə ŋkii nu, viŋ biŋ ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:16

Yeso bəŋsə tɨ́ vəŋ laa, «Nu ŋkɨə faŋ mə deesə tɨ́ viŋ, kee lùu nu kaŋ me, lùu nu faŋ mə zɔ̀ fɨ ghɔ Nwi, faŋ ŋwə nə tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:14

Yeso bəŋsə tɨ́ vəŋ laa, «Nu ŋkɨə faŋ mə gisə, lùu nu yinsəŋ faŋ mə kɔlə gisə nu ŋwaa kaŋ, buꞌ laa mə kɔꞌ kɨɨ nə shəŋ ŋkɨə faŋ mə ndɔ̀ fɨ fuŋ, nə shəŋ ŋkɨə faŋ mə gə shɔ. Gə̀ fɨ maa viŋ, viŋ kee kɨ̀ɨ nə shəŋ ŋkɨə faŋ mə ndɔ̀ fɨ fuŋ me, kee kɨ̀ɨ nə shəŋ ŋkɨə faŋ mə gə shɔ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:26

Vənu shɔ vəyaŋ maa məgi kɔ̀ŋ viŋ, nə maa məsɔꞌ nsɔꞌ tɔ viŋ. Luu nə, wə ntɨə faŋ ŋwə nə tɔ̀ŋ mə, lùu wuu yinsəŋ. Mə naysə vənu tɨ́ vɨɨ, luu mbə faŋ naysə ŋwə shee.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:38

Mə gisə nu ŋkɨə faŋ mə yè fɨ ghɔ Tii ŋwaa. Viŋ nɨzi yɨsə vənu faŋ viŋ nə zɔ̀ fɨ ghɔ tii wiŋ.»

Akts 22:18

Mə ye ŋwə, ŋwə gi shee laa mə yasə kɔꞌlə ndɔ fɨ Jerusalem, buꞌ laa vɨɨ fɨ ntɨꞌ Jerusalem kee ndɔ biŋ nu ŋkɨə faŋ a gisə kɔ̀ŋ mə me.

2 Kɔrintian 4:4

Tɨɨ vəzwitə vəbwəvə faŋ ŋwə sɔꞌ mbi nyə̀, kìasə fwisə vɨɨ vɔ́, laa mbɨꞌtə vəŋ kee ley me, vəŋ kee nùŋ fwisə vəŋ maa Kristo me. Ŋwə yɨ̀ nɨniŋ laa kɨ vəŋ ye məley nu Nwi me, kee kɨ zɔ ntɔŋ yijəə Nwi kɔ̀ŋ Kristo faŋ ŋwə bàw shɔ̀ɔ, baa fɨnə Nwi me.

Reveleyshən 1:5

baa nə fɨ ghɔ Yeso Kristo faŋ ŋwə nə də̀ yinsəŋ Nwi ŋkee yiley, fì vɨsɨ maa məywey fɨ shɨ yiku, sɔꞌ vəfwàŋ fɨ shɨ nsi nɨzi. Ŋwə baa luu kàw nsiŋ, kù tɔ nsiŋ maa məbweysə nsiŋ fɨ taa vənu vəbwəvə vaŋ-nsiŋ,

Reveleyshən 3:14

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Laodosia, nyɔꞌ laa lee, «Wə ntɨə faŋ ŋwə goꞌsə yighee muꞌ nə, ŋgwə faŋ ŋwə nə ku buꞌ nu yinsəŋ ki, nə ŋwə faŋ ŋwə nə shɔɔ vɨsɨ, buu Nwi taa bɔŋ mbi, gì laa lee,