Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:10 - Vengo (Babungo)

¹⁰ Yeso bəŋsə tɨ́ ŋwə laa, «A lùu wuu mədeesə vɨɨ Isirayl, kee kɨ̀ɨ nə nu kɔ́ yimu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:10 ပူးပေါင်းရင်းမြစ်များ

Matiu 11:25

Kɨ lùu sheꞌ maa yighee yɔ́, Yeso tey kɨ shɔꞌtə Nwi laa, «Mə kɨ bəŋsə ghɔ, tɨta Nwi, faŋ a sɔꞌ yizɔ ghɔ nsi, buꞌ laa a ndɨ̀ə ntɔŋ yijəə yə fɨ ghɔ vɨɨ tɔ ley nə vəŋkaŋ-sɨ, bee kii kɔ̀ tɨ́ vɨɨ nshi.

Matiu 15:14

Viŋ meꞌtə vəŋ nɨnɔŋ; vəŋ lùu yaa vɨɨ sɨ fɨsə faŋ vəŋ kəə də̀ jɨɨ tɨ́ vɨɨ sɨ fɨsə vəmɔ́ꞌ. Luu nə, wuu sɨ fɨsə kɨ luu də̀ jɨɨ tɨ́ wuu sɨ fɨsə, buu vəŋ vənshə taa fiŋkə taa yibɨɨ.»

Matiu 22:29

Yeso bəŋsə tɨ́ vəŋ laa, «Viŋ gù, buꞌ laa viŋ kee kɨ̀ɨ nə ŋwaꞌlə Nwi me, tɨꞌnə me wutə Nwi me.

Lukas 2:46

Fu lee, vəŋ gə taa ŋii Nwi yikwalə, yè ŋwə yifi. Ŋwə nə dùꞌ taa ŋwaa vɨɨ mədeesə ŋwaꞌlə Nwi, zɔ vənu faŋ vəŋ gisə, bitə vənu tɨ́ vəŋ.

Lukas 5:17

Shi kəmɔ́ꞌ faŋ Yeso nəə deesə nu Nwi shəŋ mɔ́ꞌ, vɨɨ Farisii nə vɨɨ mədeesə ŋwaꞌlə Nwi duꞌ shɔ, faŋ vəŋ nə ndɔ̀ fɨ maa ntɨꞌsə ntɨꞌsə fɨ shɨ Galilii, nə fɨ shɨ Judia, baa nə ŋkee fɨ ntɨꞌ Jerusalem. Wutə Nwi nə luu maa ŋwə maa məshuꞌ vəza.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:9

Nikodemɔs bitə tɨ́ ŋwə laa, «Nu kɔ́ sii gay kɨkə?»

Akts 5:34

Luu nə, wə mɔ́ꞌ nə luu shɔ, yizii yi luu Gamaliel. Ŋwə nə luu wuu Farisii nə wuu mədeesə ŋwaꞌlə Nwi kwalə. Vɨɨ vənshə fee ŋwə. Ŋwə ndɔ fɨ nsi taa məshəŋtə ghɔ́, gì laa vɨ meꞌtə vɨɨ və̀, vəŋ fuu fu maa kuŋtə yighee.

Roma 2:28

Nu məsɨɨtə wə faŋ vɨ yɨsə maa ŋwaa wə nə, faŋ luu nu faŋ vɨ ye nə yisɨ, kee lùu nu ŋkɨə faŋ ŋkə yɨsə wə luu wuu Jus maa yinsəŋ me.

Filipi 3:3

Lùu nsiŋ lùu vɨɨ faŋ Nwi nə kɔ̀ shwenə ki tɨ́ nsiŋ. Shwenə Nwi yinsəŋ kee lùu nu məsɨɨtə wə me. Shwenə ki faŋ ŋwə kɔ̀ tɨ́ nsiŋ, lùu Zwitə Ley Nwi, faŋ ŋkə yɨsə laa nsiŋ bəŋsə Nwi, kɔ feenə tɨ́ Yeso Kristo. Nsiŋ kee nùŋsə fwi saŋ-nsiŋ maa vənu faŋ lùu vənu və shɨ nsi me.

Kɔlɔsii 2:11

Gə fɨ maa nu məsɨɨtə vɨɨ, faŋ vɨɨ mɔ́ꞌ gì laa lùu shwenə vɨɨ Nwi nə, viŋ kɔꞌ kɨɨ laa Kristo duꞌtə ŋwə sɨɨtə̀ viŋ, luu nə, ŋwə yɨ̀ maa jɨɨ yiday, faŋ vɨ kee yɨ̀sə maa mbasə ŋwaa me. Kristo kɔ̀ shwenə day tɨ́ viŋ faŋ ŋkə də̀ laa viŋ lùu vɨɨ vi. Shwenə yiŋkii faŋ Kristo kɔ̀ tɨ́ viŋ nə, lùu laa ŋwə mèꞌ nshinə yibwə yiŋ.