Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:7 - Vengo (Babungo)

⁷ Wuu məzwetə nu Yeso ŋgwə faŋ Yeso nə kàw ŋwə shɔ̀ɔ nə, gi tɨ́ Pita laa, «Luu tɨta ŋwaa-nsiŋ.» Faŋ Pita nə zɔ̀ yigi yɔ́, laa luu tɨta Yeso nə, ŋwə mɔꞌ njwi yi faŋ ŋwə nii shoꞌ maa faꞌ, sàwnə shə̀ŋ taa muu, gə shəŋ ŋkɨə faŋ Yeso nə luu shɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:7 ပူးပေါင်းရင်းမြစ်များ

Mark 11:3

Kɨ ghaŋ wə bitə tɨ́ viŋ laa viŋ sii yɨ kə, viŋ gì tɨ́ ŋwə laa, «Tɨta ŋwaa-nsiŋ kəə nyə,» buu wə ghɔ́ taa yasə tɔŋ nyə feenə.»

Lukas 12:35

(Yeso baa gì laa,) «Viŋ ndiŋ njwi siŋ, nsə weꞌ, shùꞌ təkiꞌ tiŋ, ntə kɨkɨɨ.

Lukas 2:11

Vɨ bì wuu məbweysə wiŋ ndee ntɨꞌ Deyvid. Ŋwə lùu Kristo, Tɨɨ-mbi.

Lukas 7:47

Nɨniŋ, mə naysə tɨ́ ghɔ laa vənu vəbwəvə vi faŋ mbə nə luu vəyaŋ nə, mbə mè buꞌ ŋkawnə yi faŋ nyə lùu yiyaŋ. Gə fɨ maa wə ntɨə faŋ vənu vəbwəvə vi, faŋ vɨ ndènə, lùu vətɨtiꞌ, ŋkawnə yi baa lùu yitɨtiꞌ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:23

Wə muꞌ fɨ taa ŋwaa vɨɨ məzwetə nu Yeso nə luu shɔ faŋ ŋwə nə dùꞌ yɨ Yeso. Lùu ŋgwə faŋ Yeso nə kàw ŋwə shɔ̀ɔ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:26

Yeso ye nshu wi ghɔ wuu məzwetə nu ki ŋgwə faŋ Yeso nə kàw ŋwə shɔ̀ɔ nə, faŋ vəŋ nə tɨŋnə yifi, ŋwə gi tɨ́ nshu wi laa, «Yaa ŋwaa, ye ŋwiŋ wə nə,»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:2

Ŋwə nyɨŋ gə̀ yè Saymon Pita, nə wuu məzwetə nu Yeso mɔ́ꞌ, ŋgwə faŋ Yeso nə kàw ŋwə shɔ̀ɔ nə. Meri naysə tɨ́ vəŋ laa, «Vɨ fùusə ŋku tɨta ŋwaa-nsiŋ fɨ taa swi. Yia kee kɨɨ nə shəŋ ŋkɨə faŋ vɨ gə̀ nùŋ ŋwə shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:20

Ŋwə gi nɨniŋ, ndɔ̀ də̀ ghɔ ghi tɨ́ vəŋ, nə way yiŋii wi. Vɨɨ məzwetə nu ki ŋaytə ŋkee dɨdɨꞌ faŋ vəŋ nə ye tɨta Yeso nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:28

Tɔmas gi tɨ́ Yeso laa, «Tɨta ŋwaa, Nwi ŋwaa!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:20

Vəŋ gə, Pita kiasə ŋwaa wi, yè wuu məzwetə nu Yeso ŋgwə faŋ Yeso nə kàw ŋwə shɔ̀ɔ nə, faŋ ŋwə nə beꞌsə vəŋ. Lùu ŋwə faŋ ŋwə nə yɨ̀ꞌtə shuu fwi Yeso maa yighee njyə faŋ vəŋ nə zɨ fazɨ vətuꞌ nə, ŋwə nə bìtə tɨ́ Yeso laa, «Tɨta, ndɔ fiŋ ndə fiŋ ghɔ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:24

Nyɔ̀ꞌ wuu məzwetə nu Yeso faŋ ŋwə nə yè vənu vɔ́ nə yisɨ, nyɔ̀ꞌ ŋwaꞌlə ŋwə̀. Wə ghɔ́ nəə fɨꞌtə vənu vɔ́ tɨ́ vɨɨ nɨzi. Yia kɔꞌ kɨɨ laa nu ŋkɨə faŋ ŋwə nə gì nə, lùu yinsəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:8

Vəliŋ vi vɔ́ goꞌ taa bay, dɔ̀ŋsə bay kɔ́, jwì nə ŋkə yifi, sùŋ ghuu susə fɨ yiba bay kɔ́, faŋ susə nə lwàŋ taa tey yi nə. Vəŋ nə kee lùu ntaŋ fɨ mbɔꞌ bia me; ŋkə nə luu sheꞌ yaa kwiŋ muu-ntee maa məziꞌ mbɔꞌ bia.

Akts 10:36

Viŋ kɔꞌ kɨɨ nə yigi njyə faŋ Nwi nə tɔ̀ŋ tɨ́ vɨɨ Isirayl laa, mənɔŋ-bwaŋnə lùu fɨ yiba Yeso Kristo. Yeso lùu wuu məsɔꞌ mbi yinshə.

Akts 2:36

Nɨniŋ nə, bàw vɨɨ vənshə fɨ shɨ Isirayl kɨɨ yinsəŋ laa Nwi nùŋsə sheꞌ Yeso ghɔ́ faŋ viŋ nə bèy fuu fəŋkɔꞌ fə ŋkɨꞌsə nə, laa ŋwə luu tɨta ŋwaa-nsiŋ, baa luu wuu məbweysə ŋwaa-nsiŋ.»

1 Kɔrintian 15:47

Mfɔŋ wə nə ndɔ̀ fɨ shɨ nsi, Nwi nə bɔ̀ŋ ŋwə nə shɔꞌ. Wə ŋgwii-wə faŋ ŋwə nə bèꞌsə nə, nə ndɔ luu fɨ yizɔ.

2 Kɔrintian 5:14

Lùu nɨniŋ buꞌ laa ŋkawnə Kristo sɔꞌ yia. Yia bɨꞌtə laa, faŋ nə kù wə muꞌ tɔ vɨɨ vənshə nə, ŋkə lùu laa vɨɨ vənshə kukə.

Jeyms 2:1

Vaŋ-nshwi vaŋ faŋ viŋ nùŋ fwi siŋ maa tɨta Yeso Kristo, faŋ luu tɨta Nshɔɔ-mbi nə, kɨ viŋ baa kɨ seesə mbi me, kee kaw wuu kwalə shɔɔ mbəə me.