Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:22 - Vengo (Babungo)

²² Yeso gi tɨ́ ŋwə laa, «Kɨ ghaŋ laa fwi nyaa bàw laa ŋwə ndɔ goꞌ mbi zìꞌ maa yighee njyə faŋ mə ndɔ baa bəŋ jwì, nsɔꞌ yə shɔ lùu laa kə? - Gə̀ fɨ maa ghɔ, beꞌsə mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:22 ပူးပေါင်းရင်းမြစ်များ

Matiu 16:24

Yeso kɨ nii gì tɨ́ vɨɨ məzwetə nu ki laa, «Wə kəə kɨ beꞌsə mə, ŋwə twèy nu ŋwaa ki, bìŋ maa məshaꞌ fəŋkɔꞌ fə ŋkɨꞌsə fi, bèꞌsə mə.

Matiu 24:27

Yighee njyə faŋ Wuu yinsəŋ Nwi ndɔ baa bə̀ŋ jwì, vɨ ndɔ kɨ gwəkə ye ŋwə maa vəshəŋ vənshə. Ŋkə ndɔ luu sheꞌ yaa yibay faŋ nyə yaa kɨ ndɔ fɨ kwiŋ ntɔŋ-shɨshwi, ndwaꞌlə gə ziꞌ kwiŋ mfiŋ-shɨshwi.

Matiu 24:3

Vəŋ shɔɔ gə̀ dùꞌ fuu baŋ vətɨ və məŋgwə. Vəŋ kɨ dùꞌ yifi, vɨɨ məzwetə nu Yeso shəŋtə jwi yɨ ŋwə, sheꞌ vəŋ vəŋ, gì tɨ́ ŋwə laa, «Naysə yighee njyə faŋ nu kɔ́ ndɔ gay tɨ́ yia, nə shwenə ŋkɨə faŋ ŋkə ndɔ də laa yighee kɨkuꞌ faŋ a ndɔ bəŋ jwi, baa nə faŋ mbi ndɔ ndwə nə.»

Matiu 24:44

Sheꞌ nɨniŋ, bàw viŋ kɨ shi nə yikɨꞌ nɨzi, buꞌ laa Wuu yinsəŋ Nwi ndɔ baa bəŋ jwi maa yighee faŋ viŋ kee bɨꞌtə laa ŋwə jɨjwi me.»

Matiu 25:31

Yeso nə baa gì laa, «Ndɔ luu maa yighee njyə faŋ Wuu yinsəŋ Nwi ndɔ bəŋ jwì nə feenə wi ghɔ vɨ nshiisə-ŋiisə Nwi sənshə, buu ŋwə taa duꞌ fuu ŋkaw yifwàŋ ki, vɨ kɨ gwenə ŋwə yaa fwàŋ.

Matiu 8:22

Yeso gi tɨ́ ŋwə laa, «Beꞌsə mə ndwə, mèꞌtə vəŋku və vɨɨ kɨ təə vəŋku və vɨɨ.»

Mark 9:1

Ŋwə baa gì tɨ́ vəŋ laa, «Viŋ zɔ! Mə naysə tɨ́ viŋ yinsəŋ laa vɨɨ mɔ́ꞌ faŋ vəŋ tɨ̀ŋ feenə, kee ndɔ kukə me, buu ye nu yifwàŋ Nwi fuu nə wutə Nwi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:19

Yeso nə gì nɨniŋ maa mədə jɨɨ yiku Pita, faŋ vɨ ndɔ zwi ŋwə, ŋwə bəŋsə Nwi shɔ. Yeso nə gì nɨniŋ, baa gì tɨ́ Pita laa ŋwə beꞌsə yi.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:21

Faŋ Pita nə yè wuu məzwetə ghɔ́, gi tɨ́ Yeso laa, «Tɨta, nu wə ŋwə̀ lùu kɨkə?»

1 Kɔrintian 11:26

Yighee tɨ̀ me yighee faŋ viŋ zɨ bee kɔ́, baa nu məluꞌ mbɔ́, buu viŋ fɨꞌtə tɨ́ vɨɨ laa tɨta Yeso nə kù tɔ nsiŋ. Viŋ yɨ nɨniŋ, kɔ̀ tɨ́ yighee njyə faŋ tɨta Yeso ndɔ bəŋ jwi.

1 Kɔrintian 4:5

Nɨniŋ, ŋkə kee kùꞌnə laa viŋ kɨ shia nsɔꞌsə tɔ vɨɨ me, faŋ yighee məshia nsɔꞌsə kee ta yikuꞌnə me. Maa shi ŋkɨə faŋ tɨta Yeso ndɔ jwi, ŋwə ndɔ də vənu ntee faŋ mbə nə lùu taa mfiŋsə, nə mbɨꞌtə wə faŋ wə kìi taa fwi ŋwə. Lùu shi kɔ́ faŋ Nwi ndɔ bəŋsə wə faŋ məbəŋsə wə ghɔ́ kùꞌnə.

1 Tesalonika 2:19

Nu ŋkɨə tɨ́ kaꞌ yia ŋaytə shɔ vɨsɨ tɨta ŋwaa-nsiŋ Yeso maa yighee njyə faŋ ŋwə ndɔ bəŋ jwi nə, taa luu kə? Nu ŋkɨə tɨ́ kaꞌ vɨ ndɔ bəŋsə yia shɔ, yia nùŋ fwi sia shɔ, lùu kə? Maa luu sheꞌ viŋ.

Jeyms 5:7

Vaŋ-nshwi vaŋ, viŋ jia fwi siŋ, kɔ̀ tɨ́ shi ŋkɨə faŋ tɨta Yeso ndɔ bəŋ jwi. Bàw viŋ zwetə nu fɨ ghɔ vɨɨ məndɨɨ. Viŋ ye faŋ vəŋ yaa kɨ ndɨɨ taa biisə, jia fwisə vəŋ, kɨꞌ vətɔ vəjəəvə fɨ fuŋ, shù fɨ nshəŋ yighuu faŋ vɨ sɔ̀ vətɔ, gə kɔ tɨ́ yighee məshwi say.

Jeyms 5:8

Nɨniŋ, bàw viŋ jia fwi siŋ nɨzi, lòotə ŋwaa wiŋ, tɨ̀ŋnə jəə, buꞌ laa yighee njyə faŋ tɨta Yeso taa jwì, lùu nshənə.

Reveleyshən 1:7

Viŋ zɔ! Kristo ndɔ bəŋ jwi fɨ taa mbɔꞌ, vɨɨ vənshə ye ŋwə nə sɨ vəŋ. Ŋkee vɨɨ mbɨə faŋ vəŋ nə zwì ŋwə nə, ndɔ ye ŋwə nɨzi. Ŋiꞌ ŋii tɨ̀ me ŋiꞌ ŋii fɨ taa mbi ndɔ gwia buꞌ ŋwə. Ɔŋ, lùu faŋ ŋkə ndɔ luu. Ŋkə gòꞌsə nee.

Reveleyshən 2:25

Mə gi tɨ́ viŋ sheꞌ laa viŋ kɨ jia nu ŋkɨə faŋ ŋkə lùu ghɔ viŋ nə, gə kɔ tɨ́ shi ŋkɨə faŋ mə ndɔ jwi.

Reveleyshən 22:20

Wə ntɨə faŋ ŋwə fɨꞌtə nu kɔ́ ntee, gì laa, «Yinsəŋ, mə taa yasə jwi.» Luu sheꞌ nɨniŋ. «Tɨta Yeso, jwi!»

Reveleyshən 22:7

Viŋ zɔ! Yeso gì laa yi taa yasə jwi. Mənɔŋ-bwaŋnə lùu tɨ́ vɨɨ mbɨə faŋ vəŋ nùŋsə yigisə shuu Nwi yɔ́ fɨ taa ŋwaꞌlə ŋwə̀.»

Reveleyshən 3:11

Mə taa yasə jwi. Jia nu ŋkɨə faŋ ŋkə lùu ghɔ ghɔ, laa kɨ wə fi vəkeynə və me.