Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:18 - Vengo (Babungo)

¹⁸ Zɔ mɔɔ! Mə naysə tɨ́ ghɔ yinsəŋ laa, yighee njyə faŋ a nəə kɨ bii weembwa, a nəə shuŋ kɔtə kə ŋgɨɨ-ghɔ, ndɔ gə shəŋ ŋkɨə faŋ a kàw. Luu nə, yighee njyə faŋ a ndɔ dwaŋ, a ndɔ nesə kwiŋ ghə, vɨ kɨ shuŋ kɔtə kə, ndi ghɔ, gə nə ghɔ shəŋ ŋkɨə faŋ a kee kaw gə̀ shɔ me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:18 ပူးပေါင်းရင်းမြစ်များ

Lukas 12:37

Mənɔŋ-bwaŋnə tɔ vɨɨ faꞌ mbɨə faŋ tɨɨ vəŋ kɨ bə̀ŋ, ye vəŋ nə yikɨꞌ. Yinsəŋ, mə naysə tɨ́ viŋ laa ŋwə taa lootə ŋwaa wi, yɨ̀sə vəŋ duꞌ shəŋ məzɨ, kɨ nii gàa fazɨ tɨ́ vəŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 13:36

Saymon Pita bitə tɨ́ ŋwə laa, «Tɨta, a sii gə fə?» Yeso bəŋsə tɨ́ ŋwə laa, «Shəŋ ŋkɨə faŋ mə gə shɔ, kaꞌ a kee bèꞌsə mə ndwə me. Luu nə, a ndɔ kɨ beꞌsə mə shɔ fɨ yiba.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:17

ndɔ̀ bàa kɨ bìtə tɨ́ ŋwə lwesə ghee tia laa, «Saymon, wee Jɔn, a kàw mə mu?» Ŋkə za Pita, buꞌ faŋ Yeso bìtə tɨ́ ŋwə ghee tia laa ŋwə kàw yi mu. Ŋwə gi tɨ́ Yeso laa, «Tɨta, a kɔꞌ kɨɨ nə vənu vənshə. A kɔꞌ kɨɨ laa mə kàw ghɔ.» Yeso gi tɨ́ ŋwə laa, «Kɨ kɨꞌ bisə-njɨɨ saŋ!

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:19

Yeso nə gì nɨniŋ maa mədə jɨɨ yiku Pita, faŋ vɨ ndɔ zwi ŋwə, ŋwə bəŋsə Nwi shɔ. Yeso nə gì nɨniŋ, baa gì tɨ́ Pita laa ŋwə beꞌsə yi.

Akts 21:11

jwì yè yia, ndì kɔtə Pɔɔl, kà ghɔ ghi nə ghuu ghi shɔ, gì laa, «Zwitə Ley Nwi gì laa, vɨɨ Jus ndɔ ka ŋgɔɔ kɔtə nyə̀ ntɨꞌ Jerusalem sheꞌ nee, ndì ŋwə, kɔ̀ tɨ́ vɨɨ tətɔŋ fu.»

2 Kɔrintian 5:4

Yighee njyə faŋ nsiŋ kɨ bii taa yiŋwaa nyaa-nsiŋ shɨ nsi nyə̀, nsiŋ sɔŋ, baa saŋ ŋwaa, buꞌ laa nsiŋ kee kàw laa vɨ bɨ sɔ̀ꞌ vəbee vaŋ-nsiŋ vɔ́, buu nsiŋ fi məbwey me. Nu ŋkɨə faŋ ŋkə bàw tɨ́ nsiŋ lùu laa vɨ fianə ndɔꞌ finə ghɔ́ sheꞌ tɔ vəbee vaŋ-nsiŋ vɔ́. Nɨniŋ laa məbwey vəlwaŋ ndɔ melə təŋwaa taŋ-nsiŋ faŋ ntə lùu fa yiku nə.