Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:16 - Vengo (Babungo)

¹⁶ ndɔ̀ bàa kɨ bìtə tɨ́ ŋwə laa, «Saymon, wee Jɔn, a kàw mə mu?» Pita bəŋsə tɨ́ ŋwə laa, «Ɔŋ, tɨta, a kɔꞌ kɨɨ laa mə kàw ghɔ.» Yeso baa kɨ gì tɨ́ ŋwə laa, «Kɨ shiinə bisə-njɨɨ saŋ,»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:16 ပူးပေါင်းရင်းမြစ်များ

Matiu 2:6

«Aŋ ghɔ, ntɨꞌ Betelehem fɨ shɨ Judia, a kee bee luu tɨtiꞌ fɨ maa ntɨꞌsə Judia me, buꞌlaa tɨɨ məsɔꞌ vɨɨ ndɔ fuu fɨ ghɔ ghɔ, kɨ shiinə ŋgwisə vɨɨ Isirayl.»

Matiu 25:32

Vɨ kɨ nii bàytə vɨɨ vənshə fɨ taa mbi vɨsɨ ŋwə, ŋwə gaasə vəŋ sheꞌ faŋ nshii bisə yaa kɨ gaasə bisə-njɨɨ ghɔ vɨ bisə-ndaw.

Matiu 26:72

Pita baa kii twey, lɨ̀ꞌtə laa yi kee kɨɨ nə ŋwə me.

Lukas 19:10

Viŋ kɔꞌ kɨɨ laa Wuu yinsəŋ Nwi jwì maa məkəə vɨɨ mbɨə faŋ vəŋ nə ndì, tɨ́ kaꞌ ŋwə bweysə vəŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:17

Wuu məshii shuu ŋkɔꞌ ghɔ́, faŋ nə luu wəzwi, gi tɨ́ Pita laa, «Maa a lùu fɨ maa vɨɨ məzwetə nu Yeso vì?» Pita twey.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:25

Saymon Pita nəə kɨ bii tɨŋnə yifi, zwasə wisə, vɨɨ mɔ́ꞌ gi tɨ́ ŋwə laa, «A kee lùu fɨ maa vɨɨ məzwetə nu Yeso yimu?» Pita baa twèy, gì laa kee lùu yi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:17

ndɔ̀ bàa kɨ bìtə tɨ́ ŋwə lwesə ghee tia laa, «Saymon, wee Jɔn, a kàw mə mu?» Ŋkə za Pita, buꞌ faŋ Yeso bìtə tɨ́ ŋwə ghee tia laa ŋwə kàw yi mu. Ŋwə gi tɨ́ Yeso laa, «Tɨta, a kɔꞌ kɨɨ nə vənu vənshə. A kɔꞌ kɨɨ laa mə kàw ghɔ.» Yeso gi tɨ́ ŋwə laa, «Kɨ kɨꞌ bisə-njɨɨ saŋ!

Akts 20:28

Nɨniŋ, viŋ kɨ shiinə yiŋwaa yiŋ, baa shii nwaa vɨɨ mbɨə faŋ Zwitə Ley Nwi nùŋsə taa ghɔ viŋ nə. Viŋ luu nshiisə vɨɨ Kristo, faŋ ŋwə nə shòꞌ vəŋ, kù tɔ vəŋ nə.

Hibru 13:20

Nwi faŋ ŋwə kɔ məduꞌ-nyɔŋ ywèysə tɨta ŋwaa-nsiŋ Yeso Kristo fɨ shɨ yiku. Yeso luu nshii nyaa-nsiŋ faŋ ŋwə shii vɨɨ vənshə. Nə luu mənshi mə Yeso faŋ Nwi nə ndì, yɨ̀sə laa məkee mbɨə faŋ Nwi nə kɔ̀ꞌnə tɨ́ nsiŋ nə, weꞌ gòꞌsə yighee muꞌ.

1 Pita 2:25

Viŋ yaa luu yaa bisə-njɨɨ faŋ nsə ndì jɨɨ. Lùu ndwə, viŋ bə̀ŋ jwì kɨ beꞌsə wə ntɨə faŋ ŋwə shii viŋ, gaŋtə viŋ.

1 Pita 5:2

Viŋ luu nshii nwaa bisə Nwi nsɨə faŋ nsə lùu ghɔ viŋ nə. Kɨ viŋ kɨ yɨsə nɨniŋ yaa vɨ dɔɔ viŋ dɨdɔɔ me! Viŋ yɨsə nə njyoꞌ yijəə yiŋ, faŋ nyə kùꞌnə tɨ́ Nwi. Kɨ viŋ kɨ yɨsə laa vɨ ndɔꞌ viŋ nə ka me. Viŋ yɨsə sheꞌ nə fwi yijəə. Wə faŋ ŋwə yɨsə maa ka, tɔ ki dɨɨ.

Reveleyshən 7:17

Lùu nɨniŋ buꞌ laa bi-njɨɨ yɔ́, faŋ ŋwə lùu nɨntəŋ kenə kɔ́ nə, taa kɨ shiinə vəŋ, ndì vəŋ, gə̀ nə vəŋ yɨ koꞌ-fɨ-nsi faŋ muu mə məbwey fùu fɨ fuŋ. Nwi baa tɔ̀ŋsə mənsɨ fɨ sɨ vəŋ laylay.»