Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31 - Vengo (Babungo)

³¹ Vənu mbɨə faŋ vɨ nyɔ̀ꞌ feenə, vɨ nyɔ̀ꞌ laa viŋ biŋ laa Yeso luu wə ntɨə faŋ Nwi nə shoꞌ, wuu məbweysə ŋwaa-nsiŋ, Wee Nwi. Viŋ biŋ yizii yi, nùŋ fwi siŋ maa ŋwə, buu kìi məbwey vəlwaŋ.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:31 ပူးပေါင်းရင်းမြစ်များ

Matiu 16:16

Saymon Pita gi laa, «A luu Kristo, baa luu Wee Nwi yinsəŋ.»

Matiu 27:54

Tɨɨ vəsogeꞌ ghɔ vɨ vɨɨ vi faŋ vəŋ nə dùꞌ, kɨ ndeynə Yeso nə, ye mənəꞌnə nsi ghɔ́, baa nə vənu vənshə faŋ mbə nə gày, vəŋ fee dɨdɨꞌ, gì laa, «Ŋkee yinsəŋ, nə luu ŋkee Wee Nwi nə.»

Matiu 4:3

Wuu məbweꞌsə mbi ghɔ́ jwi yɨ ŋwə, gì tɨ́ ŋwə laa, «Kɨ luu laa a lùu Wee Nwi, a yɨsə ŋoꞌsə sə̀ kiasə gù bee.»

Mark 16:16

Wə ntɨə faŋ ŋwə taa biŋ ntɔŋ yɔ́, fì muu mə Nwi, buu ŋwə ndɔ zɨ məbwey vəlwaŋ. Wə ntɨə faŋ ŋwə kee yibiŋ me, ndɔ ŋii taa nsɔꞌ Nwi.

Lukas 1:35

Nshiiŋii Nwi yɔ́ gi tɨ́ ŋwə laa, «Zwitə Ley Nwi taa ŋii maa ghɔ. Wee ley faŋ ghɔ taa bi, vɨ taa tii ŋwə laa Wee Nwi, buꞌ laa wutə Nwi Nshɔɔ-mbi kusə ghɔ yaa ndɨŋlə.

Lukas 1:4

yuu a kɨɨ faŋ vənu mbɨə faŋ vɨ nə dèesə ghɔ shɔ nə, luu vəbi.

Lukas 24:47

baa nə laa vɨ ndɔ kɨ fɨꞌtə nu ki tɨ́ vɨɨ vənshə fɨ taa mbi, laa vəŋ kwiinə fwisə vəŋ, buu Nwi ndenə yibɨsə vəŋ buꞌ yizii yi. Nɨniŋ, viŋ ndɔ kɨ fɨꞌtə nu kɔ́, tèy fɨ ntɨꞌ Jerusalem.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:49

Nataniel bəŋsə tɨ́ ŋwə laa, «Rabi, a lùu Wee Nwi. A luu fwàŋ vɨɨ Isirayl.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 10:10

Ndɔꞌ yaa kɨ ŋii sheꞌ maa məshaw, nə maa məzwi, baa nə maa məbɨsə vətɔ. Gə̀ fɨ maa mə, mə nə jwì laa vɨɨ kii məbwey vəlwaŋ faŋ ŋwə kee yaa kɨ me me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:35

Wə ntɨə faŋ ŋwə ŋwàꞌlə nu kɔ́, nə yè nu kɔ́ nə sɨ, nàysə tɨ́ vɨɨ. Ŋwə naysə nu yinsəŋ. Ŋwə kɔꞌ kɨɨ laa ŋwə gisə yinsəŋ. Ŋwə naysə nu kɔ́ tɨ́ viŋ, tɨ́ kaꞌ viŋ bìŋ Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:28

Tɔmas gi tɨ́ Yeso laa, «Tɨta ŋwaa, Nwi ŋwaa!»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:18

Wə ntɨə faŋ ŋwə nùŋ fwi yi maa ŋwə, kee ndɔ ŋii taa nsɔꞌ Nwi me. Wə ntɨə faŋ ŋwə kee biŋ ŋwə me, buu vɨ duꞌtə vɨ sɔꞌ ŋwə, buꞌ faŋ ŋwə kee bìŋ yizii yigɨꞌ Wee Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:36

Wə ntɨə faŋ ŋwə nùŋ fwi yi maa Wee Nwi ghɔ́, kìi məbwey faŋ ŋwə gòꞌsə yighee muꞌ. Wə ntɨə faŋ ŋwə kee bìŋ yigisə Wee Nwi me, kaꞌ ŋwə ndɔ kee ye məbwey vəlwaŋ me, tɨꞌnə me fùu fɨ taa nsɔꞌ Nwi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:24

Viŋ zɔ! Mə naysə tɨ́ viŋ yinsəŋ laa, wə ntɨə faŋ ŋwə zɔ̀ yigisə nyaa, bìŋ Nwi faŋ ŋwə nə tɔ̀ŋ mə nə, buu ŋwə fùu fɨ shuu yiku, ŋìi məbwey vəlwaŋ, kee ndɔ baa ŋii taa nsɔꞌ Nwi me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:40

Nu ŋkɨə faŋ Tii ŋwaa kəə, lùu laa, wə tɨ̀ me wə faŋ ŋwə yè ŋwiŋ wi, nùŋ fwi yi maa ŋwə, zɨ məbwey vəlwaŋ. Nɨniŋ, mə ndɔ yweysə ŋwə maa vəshi vəshə.»

Akts 10:43

Nshiisə-ŋii sɔghɔ vənshə fɨ ywaŋ-vɨsɨ, nə gi kɔ̀ŋ ŋwə ntee, laa wə tɨ̀ me wə faŋ ŋwə bìŋ ŋwə, buu vənu vəbwəvə vi taa mè, sheꞌ buꞌ yizii Yeso.»

Akts 3:16

Viŋ zɔ! Wə ŋwə̀ faŋ viŋ yè ŋwə, kɨ̀ɨ nə ŋwə nə, nii nùŋ fwi yi maa yizii Yeso, buu yizii Yeso yɔ́ kɔ wutə tɨ́ ŋwə. Nii yɨ̀ Yeso laa wə ghɔ́ nuŋsə fwi yi maa Yeso, buu ŋwaa wi nshə weꞌ, viŋ vənshə ye.

Akts 8:36

Vəŋ nəə toꞌ fɨ jɨɨ, ziꞌ yɨ muu mɔ́ꞌ, ndifwaŋ ghɔ́ gi laa, «Ye muu mbə̀, taa lay kə lay mə laa mə kee fì muu me?» [

Akts 8:37

Filip gi tɨ́ ŋwə laa, «A nùŋ fwi yə maa Kristo, kee bɨbɨꞌtə me, buu kaꞌ a fi.» Ŋwə gi laa, «Mə biŋ laa Yeso Kristo lùu Wee Nwi.»]

Akts 9:20

tey kɨ fɨꞌtə nu Yeso yighee muꞌ taa ŋii məshɔꞌtə yikwalə, gì laa Yeso luu ŋkee Wee Nwi.

1 Pita 1:9

Kaꞌ viŋ kɨꞌ ŋwə nə məŋaytə, buꞌ laa Nwi bwèysə viŋ, kɔ̀ məbwey vəlwaŋ tɨ́ viŋ. Lùu nu ŋkɨə faŋ ŋkə fùu fɨ maa məbiŋ wiŋ.

1 Jɔn 4:15

Wə ntɨə faŋ ŋwə biŋ ntee laa, Yeso lùu Wee Nwi, buu Nwi taa fwi ŋwə. Ŋwə baa luu gòꞌ fa kəmuꞌ ghɔ Nwi.

1 Jɔn 5:1

Wə ntɨə faŋ ŋwə biŋ laa Yeso lùu wuu məbweysə vɨɨ, faŋ ŋwə ndɔ̀ fɨ ghɔ Nwi, buu bì Nwi bì wə ghɔ́. Maa wə ntɨə faŋ ŋwə kaw tɨɨ vaŋ, kaw vaŋ vi nɨzi.

1 Jɔn 5:20

Nsiŋ kɔꞌ kɨɨ laa Wee Nwi nə jwì ŋaꞌsə sɨ ŋaa-nsiŋ, tɨ́ kɨ kaꞌ nsiŋ kɨɨ nə Nwi faŋ lùu Nwi yinsəŋ. Nsiŋ lùu fa kəmuꞌ nsiŋ vɨ Nwi yinsəŋ, buꞌ faŋ nsiŋ lùu fa kəmuꞌ nsiŋ vɨ ŋwiŋ wi Yeso Kristo. Yeso lùu Nwi yinsəŋ, məbwey vəlwaŋ ghɔ ŋwə.

2 Jɔn 1:9

Wə tɨ̀ me wə faŋ ŋwə dèe ki, kee tɨŋ sheꞌ maa nu ŋkɨə faŋ Kristo nə dèesə me, buu ghɔ Nwi kee baa lùu fɔ nu me. Gə fɨ maa wə ntɨə faŋ ŋwə tɨŋ sheꞌ maa nu ŋkɨə faŋ Kristo nə dèesə tɨ́ ŋwə nə, tɨta Nwi ghɔ ŋwiŋ wi lùu yɨ kəŋ wə ghɔ́.

Reveleyshən 2:18

Nyɔꞌ ŋwaꞌlə, tɔ̀ŋ tɨ́ nshiiŋii Nwi faŋ ŋwə lùu shɨ Tiateyra, nyɔꞌ laa lee, «Wee Nwi faŋ sɨ ghi bii yaa wisə, ghuu ghi luu yaa bwey bay faŋ vɨ fùusə fɨ taa bɨꞌ ndaa-dɨŋ laa,