Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:25 - Vengo (Babungo)

²⁵ Tɔmas ghɔ́ bəŋ jwì, vəŋ naysə tɨ́ ŋwə laa vəŋ yè tɨta Yeso. Tɔmas bəŋsə tɨ́ vəŋ laa, «Mə kee biŋ laa nu kɔ́ lùu yinsəŋ me, maa laa mə ye yifɨɨ mbey, faŋ vɨ nə bèy ghɔ ŋwə nə me, ndɔ baa kɔ̀ŋ wee-ghɔ ŋwaa maa yifɨɨ yi, mɔ̀ꞌ ghɔ kaŋ maa way yiŋii wi me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:25 ပူးပေါင်းရင်းမြစ်များ

Matiu 27:42

ndɔ gisə laa, «Ŋwə nəə bweysə vɨɨ day, kee kɨɨ bweysə nshɨ-tɔ wi me. Kɨ luu laa ŋwə luu fwàŋ vɨɨ Isirayl, bàw ŋwə siꞌ fɨ fuu fəŋkɔꞌ fə ŋkɨꞌsə ndwə, buu nsiŋ kɨ nii bìŋ ŋwə.

Mark 16:11

Faŋ vəŋ nə zɔ̀ nɨniŋ, laa Yeso ywèy kɨ toꞌ, baa nə laa Meri Madalin nii ye ŋwə, vəŋ kee biŋ me.

Mark 16:13

Vəŋ bəŋ gə̀ nàysə tɨ́ vəliŋ vəvəŋ, vəliŋ vəvəŋ kee biŋ nu ŋkɨə faŋ vəŋ naysə nə me.

Mark 16:14

Kɨ lùu fɨ yiba, ŋwə baa kɨ fùu yikəꞌ vɨɨ məzwetə nu ki njɔ-yimuꞌ nə, faŋ vəŋ nə duꞌ kɨ zɨ. Ŋwə shə tɨ́ vəŋ buꞌ laa fwisə vəŋ nə luu səshii, faŋ vəŋ nə kee biŋ nu ŋkɨə faŋ vɨ mfɔŋ nàysə tɨ́ vəŋ nə me, laa Yeso ywèy, vɨ ye ŋwə.

Lukas 24:25

Yeso gi tɨ́ vəŋ laa, «Aŋ viŋ, tɔ kiŋ kee ta ley maa nu kɔ́ yimu? Fwi siŋ bwà maa məbiŋ vənu vənshə faŋ nshiisə-ŋii sɔghɔ nə nàysə nə mu?

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 1:41

Ŋwə bɨ yè weenshu wi Saymon, gì tɨ́ ŋwə laa vəŋ yè Kristo. Ŋiꞌ yizii Kristo lùu laa, wə faŋ Nwi fɔ̀ɔlə ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:27

kɨ nii gì tɨ́ Tɔmas laa, «Kɔŋ wee-ghɔ wə taa ghɔ mə ye. Nesə kwiŋ wə, kɔŋ ghɔ kə way yiŋii mə. Kɨ tɔ kə baa shii me; biŋ laa lùu mə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:7

Wuu məzwetə nu Yeso ŋgwə faŋ Yeso nə kàw ŋwə shɔ̀ɔ nə, gi tɨ́ Pita laa, «Luu tɨta ŋwaa-nsiŋ.» Faŋ Pita nə zɔ̀ yigi yɔ́, laa luu tɨta Yeso nə, ŋwə mɔꞌ njwi yi faŋ ŋwə nii shoꞌ maa faꞌ, sàwnə shə̀ŋ taa muu, gə shəŋ ŋkɨə faŋ Yeso nə luu shɔ nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:30

Vəŋ gi tɨ́ ŋwə laa, «Faŋ ŋkə lùu nɨniŋ, baw a yɨ ŋkee nu yaa shwenə tɨ́ yia, tɨ́ kaꞌ yia ye wutə kə, bìŋ ghɔ? A taa yɨ kə?

Hibru 3:12

Vaŋ-nshwi vaŋ, viŋ kɨ ndɨɨnə laa, kɨ wə luu taa ŋwaa viŋ faŋ ŋwə kìi fwi yibwə faŋ nyə kee bìŋ Nwi me, faŋ ŋwə ndɔ meꞌtə Nwi me. Nwi lùu wuu bwey.

Hibru 3:18

Vɨɨ mbɨə faŋ Nwi nə kɔ̀ꞌnə tɨ́ vəŋ laa kɨ vəŋ ndɔ ŋii maa shəŋ jəə ki maa məshəŋ ŋwaa shɔ me, nə luu vəndə? Maa nə luu vɨɨ mbɨə faŋ vəŋ nəə kee zɔnə Nwi nə me.