Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:19 - Vengo (Babungo)

¹⁹ Kɨ lùu laynəfu maa shi kɔ́, faŋ nə luu shi vɨsɨ fɨ taa yiwiŋ, vɨɨ məzwetə nu Yeso baytə taa ŋii yimɔ́ꞌ, fə̀ŋ shuufɔ, buꞌ laa vəŋ nəə fee vɨɨ Jus. Faŋ vəŋ nə luu yifi, Yeso fuu taa ŋwaa vəŋ, shɔ̀ꞌtə vəŋ laa, «Mənɔŋ-bwaŋnə tɔ viŋ.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:19 ပူးပေါင်းရင်းမြစ်များ

Matiu 10:13

Kɨ luu vɨɨ fɨ taa ŋii yɔ́ saylə maa viŋ, buu zwitə mənɔŋ-bwaŋnə kiŋ taa ŋii taa ŋwaa vəŋ. Luu nə, vəŋ kɨ luu kee saylə me, buu mənɔŋ-bwaŋnə wiŋ bəŋ jwì maa viŋ.

Matiu 18:20

Lùu nɨniŋ buꞌ laa shəŋ tɨ̀ me shəŋ faŋ vɨɨ dùꞌ shɔ vəbɔɔ, tɨꞌnə me vətia, maa yizii nyaa, buu mə taa luu taa ŋwaa vəŋ.»

Mark 16:14

Kɨ lùu fɨ yiba, ŋwə baa kɨ fùu yikəꞌ vɨɨ məzwetə nu ki njɔ-yimuꞌ nə, faŋ vəŋ nə duꞌ kɨ zɨ. Ŋwə shə tɨ́ vəŋ buꞌ laa fwisə vəŋ nə luu səshii, faŋ vəŋ nə kee biŋ nu ŋkɨə faŋ vɨ mfɔŋ nàysə tɨ́ vəŋ nə me, laa Yeso ywèy, vɨ ye ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 14:27

Mə gə, mèꞌtə məduꞌ-nyɔŋ tɨ́ viŋ. Mə taa kɔ məduꞌ-nyɔŋ tɨ́ viŋ. Mə kee kɔ tɨ́ viŋ faŋ mbi kɔ nə me. Kɨ fwi siŋ lɔꞌ me, nduŋ kee kɨ sɨɨ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:22

Sheꞌ nee, viŋ lùu ndwə lɨluŋ. Luu nə, fwi siŋ ndɔ kɨ ŋaytə faŋ mə ndɔ baa jwi ye viŋ. Nɨniŋ, tuu wə kee lùu shɔ, tɨ́ kaꞌ ŋwə baa fì məŋaytə wiŋ fɨ ghɔ viŋ me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 16:33

Mə naysə nu kɔ́ tɨ́ viŋ, tɨ́ kaꞌ nsiŋ lùu fa kəmuꞌ, fwi yiŋ duꞌ nyɔŋ. Viŋ taa ye ŋɨꞌ taa mbi nyə̀, viŋ ka fwi siŋ, buꞌ laa mə duꞌtə mə ghɔꞌ mbi nyə̀.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:21

Yeso baa gì tɨ́ vəŋ laa, «Mənɔŋ-bwaŋnə tɔ viŋ. Tɨta Nwi nə tɔ̀ŋ mə nə ntɔŋ. Nɨniŋ, mə tɔŋ viŋ ndwə nə ntɔŋ Nwi yɔ́.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:26

Vəshi shɔɔ yifɔŋ, vɨɨ məzwetə nu Yeso baa bàytə taa ŋii, Tɔmas luu shɔ ghɔ vɨ vəŋ mɔ́ꞌ. Faŋ vəŋ nə kɔlə fə̀ŋ shuu ŋii, Yeso fuu taa ŋwaa vəŋ, shɔꞌtə vəŋ, gì laa, «Mənɔŋ-bwaŋnə tɔ viŋ,»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:1

Kɨ luu fɨ yiba, Yeso baa fùu yikəꞌ vɨɨ məzwetə nu ki, maa yighee njyə faŋ vəŋ nə luu mbɨɨ maghia Tiberiɔs. Nu kɔ́ nə gày tɨ́ nee:

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 21:14

Nɨniŋ, Yeso nə fùu sɨ vɨɨ məzwetə nu ki lwesə ghee tia, shù fɨ maa yighee njyə faŋ ŋwə nə ywèy fɨ shɨ yiku nə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:13

Luu nə, wə kee gì kɔ̀ŋ ŋwə ntee me, buꞌ laa vəŋ nəə fee vɨɨ kwalə vɨɨ Jus.

Akts 1:3

Yighee njyə faŋ Yeso nə dùꞌtə ŋwə shɔɔ fɨ shɨ yiku, ŋwə fuu, fàynə ghɔ vɨɨ ntɔŋsə vi, də̀ vəshwenə vəyaŋ tɨ́ vəŋ, tɨ́ kaꞌ vəŋ kɔꞌ kɨɨ laa ŋwə ywèy, ndɔ bwèy. Maa vəshi muu-yinshwe, ŋwə nə də̀ ŋwaa wi tɨ́ vəŋ ghee yaŋ, gì tɨ́ vəŋ kɔ̀ŋ nu yifwàŋ Nwi.

Roma 15:33

Nwi faŋ ŋwə kɔ məduꞌ-nyɔŋ tɨ́ vɨɨ nə, luu viŋ vɨ vəŋ vənshə. Ŋkə lùu nɨniŋ.

1 Kɔrintian 15:5

Faŋ ŋwə nə ywèy fɨ shɨ yiku nə, ŋwə nə bɨ fùu yikəꞌ Pita, kɨ nii baa fùu yikəꞌ vɨɨ məzwetə nu Yeso njɔsə-bɔɔ, vəŋ ye ŋwə nə sɨ.

Efesɔs 2:14

Nshɨ-tɔ Kristo yɨsə nsiŋ duꞌ nyɔŋ nsiŋ nsiŋ. Ŋwə fàynə vɨɨ Isirayl nə vɨɨ tɔmə day, laa nsiŋ luu fa kəmuꞌ ndwə. Ŋwə bàꞌsə ŋkɔꞌ njyə faŋ nyə nə gaasə vɨɨ nə. Nɨniŋ laa ŋwə nə metə mbeenə vəŋ, faŋ ŋwə nə kɔ̀ ŋwaa wi tɨ́ yiku nə.

Efesɔs 6:23

Nwi, tii ŋwaa-nsiŋ, ghɔ tɨta Yeso Kristo kɔ məduꞌ-nyɔŋ nə ŋkawnə yi tɨ́ viŋ, vaŋ-nshwi vaŋ-nsiŋ, yɨ laa viŋ nuŋ fwi siŋ maa ŋwə.

Filipi 1:2

Nwi, tii ŋwaa-nsiŋ, ghɔ tɨta Yeso Kristo tu mənɔŋ-bwaŋnə tɔ viŋ, kɔ viŋ nə məduꞌ-nyɔŋ.

2 Tesalonika 3:16

Ŋkee nshɨ-tɔ Tɨɨ mənɔŋ-bwaŋnə kɔ viŋ nə mənɔŋ-bwaŋnə ghee nshə maa jɨɨsə sənshə! Tɨta Kristo goꞌsə viŋ vɨ vəŋ vənshə!

Hibru 7:2

Maa yighee yɔ́ Abraham nə ndì vətɔ mbɨə faŋ ŋwə nə fì fɨ yighaw, gàasə vəshəŋ yighuŋ, kɔ̀ shəŋ kəmuꞌ tɨ́ Melkizedek. Gə fɨ maa yizii Melkizedek, ŋiꞌ yizii yi lùu laa, «Fwàŋ faŋ vənu vi lùu vəloomə.» Ŋwə nə luu fwàŋ Salem, faŋ lùu laa fwàŋ məduꞌ-nyɔŋ.

3 Jɔn 1:14

Mbɨꞌtə nyaa lùu laa, fɨkɨꞌ mə taa jwi ye ghɔ, sɨ gi vənu vɔ́ nə shuu.

Reveleyshən 1:4

Lùu mə, Jɔn, faŋ mə tɔ̀ŋ ŋwaꞌlə ŋwə̀ tɨ́ vəməshəŋtə və vɨɨ Nwi kwatia fɨ nsi Asia. Mənɔŋ-bwaŋnə tɔ viŋ nə məduꞌ-nyɔŋ fɨ ghɔ Nwi faŋ ŋwə nə luu shɔ fɨshi, baa lùu shɔ ndwə, ndɔ baa jwi maa yighee yiba nə. Mənɔŋ-bwaŋnə baa lùu tɔ viŋ fɨ ghɔ vəzwitə vəleyvə kwatia mbɨə faŋ mbə lùu vɨsɨ yɨ ŋkaw Nwi,