Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:1 - Vengo (Babungo)

¹ Shi zwisə kɔ́ kɨ shɔɔ, fu kɨ lee maa shi vɨsɨ maa yiwiŋ, Meri Madalin fuu kɨ gə shuu swi Yeso ŋkee taa wee-leefu, faŋ fu kee ta yigaasə me. Ŋwə ziꞌ yifi, ye laa vɨ bàꞌsə ŋoꞌ njyə faŋ vɨ yaa nùŋ shuu swi yɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:1 ပူးပေါင်းရင်းမြစ်များ

Matiu 27:56

Wə muꞌ fɨ taa ŋwaa vəki vɔ́ nə luu Meri Madalin, wuu mɔ́ꞌ luu Meri, nshu Jeyms ghɔ Josef, wuu mɔ́ꞌ luu nshu vaŋ Zebedii.

Matiu 27:60

gə̀ kwaŋ ŋkee taa swi ŋwə faŋ ŋwə nə tàw fɨ taa ŋoꞌ, ndɔ̀ bɨ̀ŋsə nshɨ-ŋoꞌ, nùŋ shuu swi yɔ́, ndɔ̀.

Matiu 27:64

Nɨniŋ, ŋkə bàw laa a yɨsə vɨ kɨ shii swi ghɔ́, zìꞌ maa vəshi vɔ́ vətia nə, buꞌ vɨɨ məzwetə nu ki taa gə shaw ŋwə, bàꞌsə, yuu naysə tɨ́ vɨɨ laa ŋwə ywèy fɨ shɨ yiku, yuu mənay ghɔ́ yaŋ shɔ̀ɔ ŋgwə vɨsɨ.»

Matiu 27:66

Vəŋ gə, gə̀ nùŋsə vəsogeꞌ vɔ́ maa məshii, baa fəŋ ndɔ shwènə shuu swi ghɔ́ ŋkee jəə.

Matiu 28:1

Faŋ shi zwisə Nwi nə shɔ̀ɔ, shuu leefu maa mfɔŋ shi fɨ taa yiwiŋ, Meri Madalin, nə Meri ŋgwii-wə gə maa məye swi ghɔ́.

Matiu 28:2

Vəŋ kɨ gə nɨniŋ, nsi gwəkə nə̀ꞌnə ŋkee nəŋay, buꞌ laa nshiiŋii Nwi siꞌ fiizɔ, jwì bɨ̀ŋsə ŋoꞌ yɔ́ bàꞌsə, dùꞌ fuu yi.

Mark 15:46

Josef gə ywàŋ njwi yifusə, shɔ̀ɔ gə̀ sùꞌsə ŋku Yeso fɨ fuu fəŋkɔꞌ fə ŋkɨꞌsə, kà taa njwi yifusə yɔ́, kwàŋ taa swi faŋ nə luu ŋoꞌ faŋ vɨ nə tàw, ndɔ̀ bɨ̀ŋsə ŋoꞌ, nùŋ shuu yi.

Mark 16:9

[Nə luu maa mfɔŋ shi fɨ taa yiwiŋ, ŋkee taa nshia-ndoo-mbisɨ, faŋ Yeso nə ywèy fɨ shɨ yiku. Ŋwə kɨ nii fùu yikəꞌ Meri Madalin vɨsɨ. Lùu ŋwə faŋ Yeso nə fùusə vəzwitə vəbwəvə kwatia fɨ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:38

Fwi Yeso baa mètə shə. Ŋwə gə ziꞌ shuu swi Lasarɔs. Swi ghɔ́ nə luu ŋɔŋ faŋ vɨ nə fəŋ shuu wi nə ŋoꞌ yikwalə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:41

Vəŋ baꞌsə ŋoꞌ yɔ́. Yeso ndeynə yizɔ, gì laa, «Tɨta, mə bwaŋ ghɔ, buꞌ laa a zɔ̀ gɨ nyaa.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:25

Faŋ vɨ nə bèy Yeso fuu fəŋkɔꞌ fə ŋkɨꞌsə nə, nshu Yeso ghɔ weenshu wi wəzwi, nə Meri zu Klopas, nə Meri Madalin tɨŋnə ŋiꞌ fəŋkɔꞌ fə ŋkɨꞌsə fə Yeso.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 20:26

Vəshi shɔɔ yifɔŋ, vɨɨ məzwetə nu Yeso baa bàytə taa ŋii, Tɔmas luu shɔ ghɔ vɨ vəŋ mɔ́ꞌ. Faŋ vəŋ nə kɔlə fə̀ŋ shuu ŋii, Yeso fuu taa ŋwaa vəŋ, shɔꞌtə vəŋ, gì laa, «Mənɔŋ-bwaŋnə tɔ viŋ,»

Akts 20:7

Kɨ luu maa shi vɨsɨ faŋ yiwiŋ zì, yia faynə shəŋ muꞌ, yia vɨ vɨɨ məbiŋ nu Kristo maa məbɨꞌtə bee, Pɔɔl gi ghɔ vɨ vəŋ, buꞌ laa ŋwə nəə kəə ndɔ̀, faŋ fu taa lee. Nɨniŋ, ŋwə gi yigi zìꞌ nɨntəŋ vətuꞌ.

1 Kɔrintian 16:2

Bàw laa yiwiŋ tɨ̀ me yiwiŋ, maa mfɔŋ shi fɨ taa yiwiŋ, bàw wə tɨ̀ me wə nuŋsə fa ŋkɨə faŋ ŋkə lùu kəjəə tɨ́ ŋwə. Kee bàw laa viŋ ndɔ tey kɨ baytə ka sheꞌ maa yighee njyə faŋ mə ndɔ luu yɨ viŋ nə me.

Reveleyshən 1:10

Kɨ luu maa shi zwisə Nwi mɔ́ꞌ, Zwitə Ley Nwi ŋii maa mə, mə zɔ gɨ wə gi fɨ yiba jɨŋ mə nəŋay yaa gɨ yisaw.