Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:23 - Vengo (Babungo)

²³ Yiŋkii kɨ shɔɔ, Yeso duꞌ ntɨꞌ Jerusalem maa vəshi və Pasa. Vɨɨ vəyaŋ nuŋ fwisə vəŋ maa ŋwə buꞌ faŋ vəŋ yè vənu və shuu yɔŋvə faŋ ŋwə nə yɨ̀.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:23 ပူးပေါင်းရင်းမြစ်များ

Lukas 8:13

Say ŋgɨə faŋ ŋə fìŋkə taa yighɔsə nə, lùu yaa nu vɨɨ mbɨə faŋ vəŋ zɔ̀ nu Nwi, bìŋ nə məŋaytə, luu nə, kee kìi ghay me. Vəŋ biŋ sheꞌ maa wee-fɨ-yighee nee, ŋɨꞌ taa kɨ ŋii vəŋ, vəŋ nyɨŋkə fɨ maa məbiŋ vəŋ ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 11:45

Vɨɨ vəyaŋ fɨ taa nwaa vɨɨ Jus faŋ vəŋ nə jwì, jwi kee yiku tɨ́ vɨ Meri nə, ye nu ŋkɨə faŋ Yeso nə yɨ̀, kɨ nii nùŋ fwi vəŋ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:11

Luu ŋkee mfɔŋ shwenə nu shuu yɔŋ faŋ Yeso nə yɨ̀sə, ntɨꞌ Kana shɨ Galilii. Nɨniŋ, ŋwə tey kɨ də yikwalə yi tɨ́ vɨɨ mbɨə faŋ vəŋ nə yè nu kɔ́ nə. Vɨɨ məzwetə nu ki, biŋ ŋwə, nùŋsə fwisə vəŋ maa ŋwə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 2:13

Shi Pasa, faŋ nə luu shi kwalə vɨɨ Jus nə, kɨ luu nshənə, Yeso koꞌ gə̀ ntɨꞌ Jerusalem shɨ Judia.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 3:2

Vətuꞌ shi mɔ́ꞌ ŋwə jwi yè Yeso, gì tɨ́ ŋwə laa, «Rabi, yia kɔꞌ kɨɨ laa a lùu wuu mədeesə vɨɨ faŋ ŋwə ndɔ̀ fɨ ghɔ Nwi. Kaꞌ tuu wə kee yɨ̀ vənu və shuu yɔŋvə mbɨə faŋ a yɨ nə me, tɨ̀ lɨꞌ laa Nwi lùu fɨ yiba jɨŋ ŋwə me.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 4:45

Ŋwə gə zìꞌ shɨ Galilii, vɨɨ Galilii ŋaytə maa ŋwə, buꞌ laa vəŋ nə yè vənu vənshə faŋ ŋwə nə yɨ̀ Jerusalem maa yighee yitianə yɔ́ faŋ vɨ tii nə Pasa. Vəŋ nə ye, buꞌ laa vəŋ nə gə Jerusalem nɨzi maa məzɨ Pasa ghɔ́.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 5:36

Luu nə, vənu vəmɔ́ꞌ shɔ faŋ mbə shɔɔ yigisə Jɔn yɔ́, faŋ mbə də laa Tii ŋwaa nə tɔ̀ŋ mə yinsəŋ. Lùu vənu və shuu yɔŋvə faŋ mə yɨ nə, faŋ Tii ŋwaa kɔ̀ mə laa mə yɨ. Mbə də yinsəŋ laa tɔ̀ŋ Tii ŋwaa tɔ̀ŋ mə.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:14

Vɨɨ vɔ́ vənshə ye nu shuu yɔŋ ŋkɨə faŋ Yeso nə yɨ̀ yifi, vəŋ gi laa, «Yinsəŋ, luu ŋkee nshiiŋii-sɔghɔ nə, faŋ Nwi nə gì fɨshi laa ŋwə ndɔ jwì taa mbi shɨ nsi.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 6:2

Nwaa vɨɨ vəyaŋ beꞌsə ŋwə, buꞌ laa vəŋ nə yè vənu və shuu yɔŋvə faŋ ŋwə nə yɨ̀ maa vɨɨ vəza.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 7:31

Luu nə, vɨɨ vəyaŋ biŋ nu ki. Vəŋ nə gisə laa, yinsəŋ, luu ŋkee wuu məbweysə ŋwaa-nsiŋ faŋ Nwi tɔ̀ŋ. Sii kaꞌ wə mɔ́ꞌ ndɔ baa lùu shɔ, faŋ Nwi tɔ̀ŋ, tɨ́ kaꞌ ŋwə də̀ vəshwenə shɔ̀ɔ wə ŋwə̀ mu?

Galatia 5:6

Kɨ ghaŋ nsiŋ faynə nsiŋ vɨ Kristo, buu nu məsɨɨtə wə kee baa lùu nu me. Faŋ vɨ sɨ̀ɨtə wə, nə faŋ vɨ kee yisɨɨtə me, luu sheꞌ fa kəmuꞌ, ŋkwiinə kee lùu shɔ me. Nu ŋkɨə faŋ ŋkə lùu kəweꞌ, lùu laa nsiŋ biŋ Yeso Kristo, nùŋ fwi saŋ-nsiŋ maa ŋwə, baa kii ŋkawnə.

1 Jɔn 3:23

Ntɨ njyə faŋ Nwi nə kɔ̀ tɨ́ nsiŋ, lùu laa nsiŋ nuŋsə fwi saŋ-nsiŋ maa ŋwiŋ wi Yeso Kristo, kàwnə yiŋwaa nyaa-nsiŋ, sheꞌ faŋ ŋwə nə tɨ̀ nsiŋ nə.