Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:9 - Vengo (Babungo)

⁹ bə̀ŋ ŋìi taa ŋii ntoꞌ ghɔ Yeso, bìtə tɨ́ Yeso laa ŋwə sii ndɔ̀ fɨ fə? Yeso kee bəŋsə nu tɨ́ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:9 ပူးပေါင်းရင်းမြစ်များ

Matiu 26:63

Luu nə, Yeso kee bìnə me. Wuu kwalə məfeꞌ Nwi gi tɨ́ ŋwə laa, «Maa yizii Nwi Nshɔɔ-mbi, mə tə̀ ghɔ fuu məkee, naysə tɨ́ yia laa a luu Kristo, Wee Nwi mu?»

Matiu 27:27

Vəsogeꞌ və goməna kɨ nii ndì Yeso, ŋìi nə ŋwə ntoꞌ goməna, tìi nwaa vəsogeꞌ vənshə, vəŋ faynə, kia ŋwə,

Lukas 23:9

Nɨniŋ, ŋwə bitə vənu tɨ́ Yeso taŋ taŋ. Luu nə, Yeso gay, kee bee bə̀ŋsə tuu nu tɨ́ ŋwə me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:28

Kɨ luu ŋkee taa wee-leefu, vɨ fuusə Yeso fɨ fu Kayafas, gə̀ nə ŋwə fu goməna. Luu nə, vɨɨ Jus vɔ́ kee ŋìi taa ŋii nsɔꞌsə me, buꞌ laa goməna nə kee lùu wuu Jus me. Nuŋsə vəŋ nə luu laa wə kɨ luu ŋìi taa ŋii wə faŋ kee luu wuu Jus me, buu ŋwə kee baa lùu wuu ley me. Kaꞌ ŋwə kee baa zɨ fazɨ Pasa me.

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:33

Pilate bəŋ baa ŋìi taa ŋii ntoꞌ, tìi Yeso laa ŋwə jwi. Yeso jwi, ŋwə bitə tɨ́ Yeso laa, «A luu fwàŋ vɨɨ Jus mu?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:34

Yeso bəŋsə tɨ́ ŋwə laa, «Nu kə̀ faŋ a bitə̀ nə, lùu mbɨꞌtə yə mu? Mu a bìtə buꞌ yigisə vɨɨ?»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 18:37

Pilate gi tɨ́ ŋwə laa, «Ŋkə bee nə də̀ laa a luu fwàŋ mu?» Yeso bəŋsə tɨ́ ŋwə laa «A gì yinsəŋ laa mə luu fwàŋ. Nu ŋkɨə faŋ mə jwì ŋkə shɨ nsi luu sheꞌ kəmuꞌ. Ŋkə lùu laa mə də nu ŋkɨə faŋ lùu yinsəŋ tɨ́ vɨɨ. Lùu ŋiꞌ nu ŋkɨə faŋ vɨ nə bì mə taa mbi. Wə tɨ̀ me wə faŋ ŋwə kaw nu yinsəŋ, zɔnə yigisə nyaa.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:10

Nɨniŋ, Pilate gi tɨ́ ŋwə laa, «Sii yɨ̀ kə a kee kɔ bəŋsə shee me? A kee kɨɨ laa mə kìi wutə tɨ́ kaꞌ mə meꞌtə ghɔ yimu? Mə baa kìi wutə tɨ́ kaꞌ mə bey ghɔ fuu fəŋkɔꞌ fə ŋkɨꞌsə.»

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 19:8

Pilate zɔ nu kɔ́, laa Yeso gi laa yi luu Wee Nwi, ŋwə baa mètə fèe,

Ŋwaꞌlə Jɔn Vənu faŋ Jɔn nə nyɔ̀ꞌ kɔ̀ŋ Yeso Kristo 8:14

Yeso bəŋsə tɨ́ vəŋ laa, «Nu ŋkɨə faŋ mə gisə, lùu nu yinsəŋ faŋ mə kɔlə gisə nu ŋwaa kaŋ, buꞌ laa mə kɔꞌ kɨɨ nə shəŋ ŋkɨə faŋ mə ndɔ̀ fɨ fuŋ, nə shəŋ ŋkɨə faŋ mə gə shɔ. Gə̀ fɨ maa viŋ, viŋ kee kɨ̀ɨ nə shəŋ ŋkɨə faŋ mə ndɔ̀ fɨ fuŋ me, kee kɨ̀ɨ nə shəŋ ŋkɨə faŋ mə gə shɔ me.

Filipi 1:28

Mə taa baa kaw maa məye, tɨꞌnə me maa məzɔ laa viŋ kee fèe vɨɨ mbeenə viŋ me, maa vənu vənshə me. Yiŋkii taa də tɨ́ vəŋ laa vɨ ndɔ ndisə vəŋ. Gə fɨ maa viŋ, viŋ ndɔ kɨɨ fɨ fuŋ laa Nwi ndɔ bweysə viŋ.